وقت صلاة العشاء . طلعت انا ومني ع السطح حبيت اني اسمع الصلاة بصوت الشيخ ده ومعرفش ليه عملت كده . بس اتفاجئت من كام حاجه كده . كان في بنتين بيتكلمو عنه . البنت الأولي : عارفة الشيخ اللي بيصلي هنا ! البنت التانية : اه عارفاه اكيد . البنت الأولي : صوته حلو ايوا شكله لاء مش حلو محتاج تغيير كده . البنت التانية : ازاي يعني يتغير ! البنت الأولي : يعني هو مش حلو كده ومليان شوية وكمان أسمر وشعره كيرلي مش حلو عشان هو مش مهتم بيه وتحسيه دايماً منكوش كده . وبعدين هو ليه بيتكسف اوي كده يبنتي ده بيمشي باصص ع الارض . هيبقي احلي لو راح جيم واهتم ببشرته وشعره وبقي باد بوي كده . البنت التانية : انتي بتقولي اي باد بوي ازاي وهو ما شاء الله محترم وشكله حافظ القرآن وبيصلي . انتي دماغك مالها كده . انتي مالك بيه وبتتكلمي عنه كده ليه . البنت الأولي : مش انا بس ال بقول عنه كده السكن كله مش وحدي.. هو صوت بس بصراحة ... وبعدين انتي زعلانة اوي عليه كده ليه !! البنت التانية : زعلانة عليه عشان هو ف حاله وانتو مش سايبينه ف حاله ومحدش طلب رأيكم فيه والحوار ده بقي مستفز بصراحة متسيبو ابن الناس ف حاله .. البنت الأولي : ايه ده بقي يكنش قريبك ولا حاجه ولا يكنش حبيتيه . البنت التانية : لا الاه إلا الله ربنا يهديكي يبنتي بجد والله !! بس حابة افكرك انك كده اغتبتيه . ربنا قال . (أيحب أحدكم أن يأكل لحم أخيه ميتاً فكرهتموه ) ثم انك شكلك ناسية اني مخطوبة وبحب خطيبي ومش شايفة غيره .. عن اذنك ...
أنا معرفش ليه زعلت اوي عليه كده . معرفش ليه زعلت من الكلام ال اتقال عنه كان نفسي ارد ع البنت دي بس هرد بصفتي ايه !!؟ حسيت اني مش طايقاها خالص ...
منه: يلهوي اي البنت دي هي ازاي تقول عنه كده ! أشرقت : انسانة مريضة وملهاش غير ف الشكل بس . لاء كمان حضرتها عايزة تفصله ع مزاجها !! وربنا نفسي اجيبها من شعرها البت دي . منه: ههههههه اهدي ي منار في اي فكك منها .. أشرقت : يلا ف داهية اسكتي بقي عشان الصلاة هتبدأ .
خلصت الصلاة وسمعتها كلها وكنت فرحانة وهو بيقرأ بهدوء وخشوع وطول ما هو بيقرأ وأنا بدعيله ربنا يحميه ويحفظه ويزيده قرب منه . بعد الصلاة ما خلصت صليت أنا ومنه وكان في بنت تاني ع السطح ف صلت معانا جماعة وانا اللي صليت بيهم .
بعد الصلاة : البنت يخسارة الشيخ ده خلاص آخر سنه ليه وهيمشي . أول ما سمعت الكلمة دي قلبي وجعني أوي وضرباته زادت معرفش ليه .. منه: ازاي مين قالك ! البنت : سمعت من البنات اللي في السكن انه من القاهرة وف كلية هندسة آخر سنة ليه السنة دي .. منه: ااااه بجد يخسارة هو الوحيد اللي صوته حلو . البنت : فعلا..
أشرقت : منه انا نازلة شقتنا لما تخلصي تعالي .. منه: استني استني انا جاية معاكي . منه للبنت : بعد اذنك احنا نازلين . البنت : اتفضلو ..
منه: في ايه ي أشرقت انتي زعلتي فجأة ليه ونزلتي . أشرقت : مفيش عادي.. منه تعالي ننزل نتمشي . منه: بس الساعة ٩ والسكن آخره ١٠ مش هنلحق . أشرقت : لاء هنلحق البسي بسرعة انا مخنوقة وعايزة انزل لو مش عايزة تنزلي معايا خليكي هنزل وحدي عادي . منه: هو اي ده اللي تنزلي وحدك بطلي عبط انا هقوم البس بسرعة . أشرقت : تمام ... معرفش ليه كنت مخنوقة وعندي احساس اني عايزة ابكي بس معرفش ليه! الموقف المفروض انه عادي يعني ازعل ليه !!!
الغريب اول ما نزلنا لقيته ف وشي اتفاجئت واللي فاجئني أكتر انه هو كمان بص عليا لكام ثانية كده . انا اضايقت معرفش ليه بضايق لو حد بصلي وفضلت اقنع نفسي انه مش باصص عليا وباصص ع حد ورايا مثلاً . اتمشينا شوية انا ومنه من غير ما نتكلم وكان باين عليا اني مضايقة .. بعد ما روحنا .. منه: مش هسيبك انهارده قوليلي مالك بقي اهو احنا لوحدنا ف الاوضة.
صحيح نسيت اقولكم ان هدير سابت السكن خلاص تقريبا اقتنعت انه عمرنا ما هنبقي اصحاب ومشت .. نرجع تاني بقي .. أشرقت : مفيش ي منه عادي . منه: مفيش ازاي انتي متغيرة جدا . أشرقت : شوفتي الشعر الكيرلي ده . منه:ايه ده مين ! أشرقت : يبنتي الشيخ ال شعره كيرلي ده اللي بيجي يصلي هنا . منه : اااه ماله . أشرقت : لاحظتي انه لما نزلنا من شوية وشوفناه شوفتي كان بيبصلي ازاااي!! مش هو ده الشيخ المحترم اللي مش بيبص لحد . واضح اوي الصراحة وهو كان باصصلي بتناحة كده .. منه: امممم أقولك ع حاجه بس متتعصبيش !! أشرقت : ها قولي ...
