أشرقت : منه خدي بسرعه قوليلي مش ده كرلوله ؟ منه:اه هو الله عليكي عرفتي تجمعي الصفحة بتاعته ازاي ؟ أشرقت: دنا طلعت عيني يشيخة فضلت ادور كتير وادخل ع صفحة اي حد اسمه ياسين لغاية ما جمعته انا فرحاااانه اوي . منه: طب تعالي نشوف بينشر اي وكده . أشرقت: اشطا دنا هبات ع صفحته انهارده . منه:😂😂😂 مجنونه والله ..
كانت الصفحة عادية جداً .. اول حاجه لفتت نظري البايو اللي كاتبه (السيرة الذاتية) كَثُرت المعاصي وأخاف أن اقبض مفتوناً بكثرة الهالكين حولي فاللهم حسن الختام .. وبعدين كل البوستات عادية واغلبها دينيه طبعاً وقرآن وكده . وكمان طلع شخصية تافهه زيي 😂 وعرفت تاريخ ميلاده 13/4/1997 . وعرفت ان ليه صاحب واحد اقرب ليه من كل اصحابه وساكن معاه ف نفس السكن ومعاه ف نفس الكلية طبعا فهمت كده من الكومنتس بتاعتهم مع بعض . معروفة يعني الصحاب بيفضحوا بعض ف الكومنتس وبيسيبو الشات 😂. وانه مش بيحب قنا اوي يعني عشان غربه وبعيد عن أهله وواضح انه بيحب أهله جدا جدا .. طبعاً حقه يعني أكيد القاهره أحلي برضو .. ومش بينزل بوستات كتير يعني ممكن فرق بين البوست والتاني 15 يوم ولا شهر . والأهم ملقتش اي بوست حتي لو قديم بيدل انه كان بيحب حد وكده يعني تقريباً محدش دخل حياته لسه .. دي كل المعلومات ال عرفتها عن كرلوله . منه: الله ما اهو شخص عادي زينا يعني اومال ليه عموفتحي بيقول عنه الشيخ ياسين كل شوية !
أشرقت: عادي يعني هما معظم الكبار ف السن لو شافو حد خاتم القرآن وصوته حلو وبيصلي امام ف مسجد بيسموه شيخ بس الحقيقة ده لا يعتبر شيخ عشان لقب شيخ لا يطلق ع اي حد لمجرد انه خافظ قرآن وخلاص ده لازم يبقي دارس فقه وحديث وحاجات كتير كده معرفهمش انا يعني المهم يبقي عنده قدر كبير من الفتاوي ف أمور الدين . منه: فعلاً .. هتعملي اي بقي بعد ما عرفتي صفحته؟أشرقت: ولا حاجه عادي هراقبه ف صمت عادي هعمل اي يعني .. منه:تماام قومي بقي ذاكري عشان آخر مادة بكره .. ارتاحتي وعرفتي تلاقي الصفحة نذاكر بقي . أشرقت: صح يسطا يلا نذاكر .
خلصت امتحانات انا ومنه وانتهي الترم خلاص . شيرين خلصت قبلنا ب أسبوع ومشيت ع طول .. وانا ومنه مشينا تاني يوم بعد ما خلصنا امتحانات انا كان نفسي اقعد لغاية ما كرلوله يمشي معرفش هو خلص ولا لسه ولا ماشي امتي! مكنش بينزل اي حاجه ع صفحته بخصوص الموضوع ده . وصاحب السكن بتاعنا قفله وكله مشي ف اضطريت امشي انا كمان . اللي كان مصبرني شوية كلها اسبوعين وراجعين تاني للترم التاني .
عدت الاجازة بلطف ربنا . وربنا صبرني ع ال اسمها أحلام دي الحمد لله الاجازة اسبوعين بس . اول يوم فتح فيه السكن روحت ع طول وكأنه المكان الوحيد اللي ممكن اهرب ليه. . اتفقنا انا ومنه نروح ف نفس اليوم. وروحنا مع بعض وكنت مبسوطة جداً كأني كنت سايبة قلبي وسعادتي ف السكن ورجعتلي من تاني .. شيرين كلمناها بس قالت لسه مش هتيجي اول اسبوعين دراسة . منه: وحشني اوي السكن والله . أشرقت: وانا جدا جدا وحشني اوي السكن والشارع والمشي بالليل . منه: بس!! مفيش حاجه تاني وحشتك؟ أشرقت:وانتي كمان يسطا طبعاااا وحشتيني جدا . منه: اممم محدش تاني وحشك؟ أشرقت: مخلاص بقي يبت عيب في ايه؟ منه: 😂😂طب هو انا قلت حاجه!! يارب يكون جاه كمان ويصلي فجر انهارده . أشرقت: امم معتقدش هيجي اول اسبوع دراسة معظم الناس مبتجيش . مفيش غيرنا اللي بنهرب من البيت يسطا . منه: حصل والله ..
عدي أول أسبوع وفعلا زي ما كنت حاسة كرلوله مجاش اول اسبوع افتقدته جدا طول الوقت ده .. كنت بقف كل يوم ع الشباك استناه يجي ف صلاة المغرب وميجيش اقول يمكن هيجي العشاء وميجيش .. طب يمكن يجي الفجر وبرضو مبيجيش وهكذا طول الاسبوع وانا مش بمل من انتظاره كل يوم . لحد تاني اسبوع كان يوم السبت لسه فاكره اليوم 😅 كنت كعادتي واقفة ع الشباك مستناه بعد آذان المغرب وكنت بدعي عشان بحب ادعي بين الآذان والاقامة . ولسه هبص ع أول الشارع لقيته جاي حسيت قلبي طار من الفرحة بالذات لما لقيته بص ع الشباك .. الحمد لله مكنتش واقفة بشعري انا دايماً أصلاً لازم البس الطرحه حتي لو هبص من الشباك . الحجاب مش بس ف الشارع حتي البلكونه برضو تعتبر شارع .. المهم وصل كرلوله ووصلت معاه كل سعادتي وطاقتي من تاني وأخير بعد غياب شهر تقريباً رجعت اسمع صوته من تاني ف الصلاة هو الحقيقة كنت بسمعه كل يوم طول الأجازة من الريكوردات ال معايا . بس صوته كده لايف أحلي بكتييير ..
