بعد ما الكيرلي خلص صلاة العشاء كنت لسه واقفة ع الشباك . حسيت اني عايزة اشوفه فضلت مستنياه لغاية ما يخرج من المسجد مفيش خمس دقايق ولقيته خرج وقف شوية كان الناس اللي خارجين من الصلاة بيسلموا عليه منهم اللي في سنه واكيد اصحابه ومنهم اللي في سن والده واللي بيمدح في صوته من هنا واللي بيدعيله من هنا .. وانا كنت فرحانه اوي انه انسان محبوب كده وسط الناس كبير وصغير . سبحان الله علي كمية القبول اللي ربنا مديهاله اي حد بيشوفه او يسمع صوته بيحبه ..
منه: ايه ي ست أشرقت مش هنصلي العشا انهارده احنا ولا ايه كل ده واقفه ع الشباك . أشرقت : خلاص مشي يختي اهو يلا نصلي ..
تاني يوم بعد صلاة العشاء . أشرقت : منه انا هنزل اشتري حاجه من تحت . منه: اممممم عايزة تشتري حاجه برضه . أشرقت:اه والله عايزة عيش وجبنه من السوبرماركت يخربيت الظلم يشيخة . شيرين : وانا كمان هاتيلي اندومي وجبنة معاكي ولا اقولك استني هنزل معاكي خلاص . منه : وانا وانا خدوني معاكم . أشرقت : طب اخلصو بقي عشان منتأخرش . منه: متخافيش مش هنتأخر لسه أكيد بيصلي السُنة الأول .
أشرقت : مخلاااص ي رخمه انتي . شيرين : لاء ي جماعة دنتو في ما بينكم اسرار بقي وحوارات وانا معرفش حاجه لازم تحكولي . أشرقت: يستي هحكيلك هنروح من بعض فين . اخلصي بقي عايزة انزل دلوقتي .. نزلنت السلم جري عشان الحقه قبل ما يمشي . اول ما نزلت الشارع لقيته ف وشي وبصلي نظرة استغراب كده اللي هو انتِ كمان لسه موجودة. ف ثواني بصيت الناحية التانية اتكسفت اوي مقدرتش ابص عليه اصلا ومشيت عادي كأن مفيش حاجه .
شيرين : اي ده بقي ده الموضوع كبير هو الكيرلي ده بيبصلك كده ليه ي بت ي أشرقت . أشرقت : ايه لاء اكيد بيتهيألك مش بيبص عليا عادي عشان احنا السكن بتاعنا ف وش المسجد بس ف اول ما فتحت الباب طبيعي اللي قصادك هيبص . شيرين : ممكن برضه بس متخيلتش شكله كده كنت فاكراه أحلي من كده بكتير. هو صوته احلي ما فيه لكن شكله مش حلو . أشرقت بعصبية : الانسان مش بشكله ي ست شيرين في حاجات كتير اهم من الشكل.. منه: خلاص يجدعان هتتخانقو في الشارع ولا اي . أشرقت: قوليلها هي شوفي بتقول ايه . شيرين : مش قصدي حاجه ع فكره والله .. منه: ياربي جايبة بنات اختي معايا امشوا وانتو ساكتين.. رجعنا السكن الصراحة معرفتش انام كنت فرحانه اوي انه رجع تاني وكمان بيجي صلاة العشاء والفجر . سهرت ومعرفتش انام ف قومت صليت قيام وفضلت أقرأ قرآن لغاية آذان الفجر . الفجر أذن ف صحيت منه وشيرين عشان نصلي .. وقت الصلاة . منه : طبعا أشرقت هتقفي ع الشباك تسمعي الصلاة . أشرقت : طبعا ومحدش يتكلم كمان عشان هعمل ريكورد . بعد ما الصلاة خلصت . شيرين : الله صوته حلو اوي ف الفجر فيه هدوء كده مش زي صلاة العشاء بيبقي صوته عالي ومنفعل كده . أشرقت : فعلا بس في كل الحالات صوته حلو . منه: حصل جدا صوته جميل ما شاء الله . أشرقت : يلا بقي اقفوا عشان نصلي احنا كمان . منه: ايه ده مش هتستنيه لما يخرج من المسجد ولا اي . أشرقت :احم لاء وانا مالي بيه استناه ليه يعني. صوته بس عاجبني ف بحب اسمعه مش أكتر . منه : اه طبعاً هتقوليلي .. أشرقت: بت والله اغوزك ف وشك دلوقتي . هحترمك بس عشان واقفين ع سجادة الصلاة . منه: الحمد لله ربنا بيحبني والله . أشرقت : اسكتي بقي عشان نصلي والحق اناملي ساعتين عندي محاضرة الساعة 8. منه: سكت اهو ..
خلصنا صلاة الفجر وقعدنا مع بعض قرأنا أذكار الصباح و ورد القرآن . وبعدها . شيرين : محكتيليش ي أشرقت ع موضوع الكيرلي ده وهو يعرفك من فين وليه بيبصلك كده . أشرقت : لاء بقي ي شيرين مش وقتك خاالص انا منمتش من امبارح والله وعندي محاضرات للساعه 2 ولو منمتش مش هعرف اكمل اليوم . شيرين :اشطا لما ترجعي بقي تحكيلي . أشرقت : ان شاء الله . منه بقولك صحيني ع الساعة 7 بالله عليكي اوعي تسيبيني انام صحيني حتي لو غصب عني . منه:حاضر متقلقيش انا مش جايلي نوم وهفضل صاحية . أشرقت :تماام تصبحي ع خير ..
