بعد ما بعت ل كرلولة المسدج حسيت براحه رغم ان رده كان عادي جدا جدا .. بصراحه توقعت أسوأ حاجه انه مثلاً يقولي اي ال عملته صاحبتك ده وتكلمني عنك ليه وازاي تقولي ع موقف لم عمو فتحي قالك اهو الشيخ ياسين ال بكلمك عنه وانتو بتعملو عليا حوارات وكده ... بس لقيت رده مريح جدا لما قالي انا فاهمك كويس ومفيش حاجه غلط جات ف دماغي عنك .. حسيت براحه ان ال قدامي فاهمني كويس عاوزه اوصل اي يمكن كانت طريقة كلامي عصبية شوية بس غصب عني الموضوع عصبني بصراحه .. رده كان يوحي بان كل حاجه كده خلاص انتهت .. بس احساسي مكنش متفق ع الكلام ده . كنت زعلانه اه . بس المرة دي مكنتش بعيط .. سيبتها ع ربنا يعمل ال فيه الخير .. بعد ما منه شافت الشات ..
منه: يبنتي حرام عليكي مش بترحمي الراجل من الدبش بتاعك ده أبداً الشات عبارة عن دبش وبس . أشرقت : الله وانا اعملك اي يعني انا كنت متعصبة أصلاً .. منه : حرام عليكي باين عليه غلبان بصي رده عامل ازاي .. يعيني كام مرة قال انا آسف ع اللي حصل .. أشرقت: غلبان!! اه اومال .. لو غلبان مكنش حور بالطريقة دي وكلامه متناقض كده .. هيفيد بايه الأسف بعد ما نيلها خلاص .. منه: ولا نيلها ولا حاجه .. ان شاء الله انا متفائلة خير والله أكيد في حاجه مش صح .. أشرقت: ولا صح ولا غلط خلاص خلصت .. وفكك بقي من الحوار ده وقومي اتوضي عشان نصلي العشاء .. بعد ما صلينا العشاء منه حاولت معايا اننا ننزل وبتقولي انها عاوزه حاجات من السوبر ماركت عند عموفتحي .. انا كنت مكتئبة ومش عاوزة انزل بعد ال حصل ده .. لكن منه فضلت تزن عليا كتير واستسلمت لزنها عشان اخلص منها مش أكتر .. اليوم ده كرلوله صلي العشاء بس مسجلتش صوته ولا بصيت من الشباك وهو جاي ولا وهو ماشي ومعرفش اذا كان راح عند عموفتحي بعد الصلاة ولا لاء .. بس احنا لما نزلنا كان بعد الصلاة بنص ساعه ف توقعت يكون مشي .. كنت خايفة جدا اني اشوفه هناك بس اعمل اي لمنه وزنها... حصل فعلاً وهو كان موجود هناك .. كان غريب اول مرة اشوفه كده .. كان باين ع شكلك انه مضايق ومكشر جامد حتي بصلي لحظة كده كانت بصة غريبة حسيته زي ما يكون عارفني كويس وزعلان مني وبيعاتبني بنظرته .. مكملش كام ثانية وشال نظره من عليا وعمل نفسه بيعمل حاجه ف الفون .. منه هي ال جابت حاجات وانا طول الوقت كنت واقفة بعيد ومتكلمتش خالص .. هو دقيقتين تلاتة بس ال عدو بس حسيتهم سنين .. صدقت ما طلعنا من الماركت وقلت لمنه .. مش قلتلك مش عاوزه انزل انا.. شوفتي بصلي ازاي هو ماله مكشر ف وشي كده ليه عبيط ده ولا اي؟ منه: وربنا محدش عبيط غيرك أكيد زعلان من كلامك الدبش ال ف المسدج قال ايه انا مش بفكر ف ارتباط دلوقتي مخلصتش دراسة وعموفتحي كلمني عنك كذا مرة وكل مرة برفض .. حد يقول كده برضه؟ أشرقت:مخلاص يختي انتي زعلانه عليه أكتر مني كده ليه !! انا ال صاحبتك مش هو والمفروض تزعلي عليا انا والموقف الزفت ال اتحطيت فيه مش تزعلي عليه ؟ منه:والله انتو الاتنين حالتكم صعبه .. ربنا يعدلها من عنده ..
دخلنا السكن وكنا خلاص هنطلع شقتنا لقيت بنت من الشقة ال في الدور الأرضي خرجت وقالتلنا ..
البنت: ي بنات معلش ممكن تجيبولي فينو وجبنة من السوبرماركت انتو لابسين اهو معلش هتعبكو معايا بس لسه راجعه من الجامعة وصدقت ما غيرت هدومي مش قادرة البس تاني .. منه: ولا يهمك يحبيبتي .. تعالي معايا ي أشرقت .. أشرقت: لاء طبعا مستحيل اروح تاني مرتين ورا بعض انا نزلت ف الاول عشان زنك بس دلوقتي مهما تعملي مش هروح معاكي .. منه: ياربي منك خلاص هروح وحدي وأمري لله ..
راحت منه وجابت الحاجات للبنت وخدتها منها .. حسيت اني مش عاوزه اطلع الاوضة وعازة اتمشي شوية .. لما بضايق لازم اتمشي ..
أشرقت:منه تعالي نتمشي شوية مش عاوزة أطلع الأوضة دلوقتي . منه: اشطا يسطااا أصلاً عاوزة اقولك ع حاجه حصلت نااااو ومش هينفع ف السكن يلا بينا ..
خرجنا نتمشي وكان واضح ع منه الفرحه وانها ع حسب كلامها هتقولي حاجه تفرحني . منه: يلهوي ع اللي سمعته أحلي حاجه سمعتها ف حياتي بجد واكتر حاجه فرحتني .. أشرقت: خير سمعتي اي وفين دنتي يدوب روحتي السوبر ماركت دقيقتين ورجعتي؟ منه: ايوا يسطا منا سمعت هناك .. زادت ضربات قلبي وحسيت ان الموضوع أكيد فيه كرلوله بس هي سمعت ايه!! عملت نفسي مش مهتمه بس كنت هموت وأعرف . أشرقت: منه خلاص بقي بلا سمعتي بلا شوفتي كل حاجه خلصت خلااااص .. منه: مين قال انها خلصت بعد اللي سمعته ده معتقدش خاالص .. أشرقت: قولي طيب سمعتي ايه !!؟ منه:بصي ي ستي انا كنت لسه هدخل الماركت ف عند السلم سمعته عموفتحي بيقول ل كرلوله يعني انت عندك نية ناحيتها وكده ولا ايه؟ ف كرلوله قاله: والله ي عمو هي النية موجودة وكل حاجه بس انت فهمها ظروفي عشان متفهمنيش غلط .. وبعدين هي لسه ف سنة تالتة يعني... حسيت بفرحة كبيرة جوايا .. معني كده انه الحكاية مخلصتش لسه .. دي لسه هتبدأ 🤍
أشرقت:احلفي انه قال كده بجد مش بتواسيني وخلاص .. منه: أواسيكي اي بس يبنتي بطلي هبل والله العظيم كرلوله قال كده بنفسه .. أشرقت:يمكن مش عني يمكن ع حاجه تانيه أصلا مش عن شخص .. منه: ياربي هتشليني ..مش هو امبارح قالك هكلم عموفتحي ع الموضوع ده وكمان سمعته بيقوله هي لسه سنة تالتة يعني .. هيكون عن مين غير عنك !!
أشرقت: يعني كده كل حاجه رجعت !! منه: أكيد طبعااا . أشرقت: انا كنت حاسة والله 😢😢 دعيت كتير ف صلاة القيام امبارح وقلت يارب لو خير قربه ولو شره ابعده ..
