Warning Alert!!
Blood and Violence Warning
သတိပေးချက်။
သွေးထွက်သံယို သတိပေးချက်။
သွေးထွက်သံယို အခန်းများ ပါရှိပါတယ်။
****
အခန်း ၄၉
ချွင်
ဟိန်းတေဇနှင့် William ၏ ဓားချင်း ထိခတ်သွားသည့် အသံက ထွက်ပေါ်လာသည်။ နှစ်ဦးလုံး၏ ဓားသွားများက လေထဲတွင် အားပြိုင်ကာ ယှက်ဖြာနေကြပြီး ခွန်အားအပြည့်ရှိနေသည့် ယောကျ်ားပျိုနှစ်ဦးက မေးရိုးများထောင်လာသည်အထိ အားစိုက်ရင်း တစ်ဦးနှင့်တစ်ဦး စိုက်ကြည့်နေကြသည်။ ဟိန်းတေဇ၏ လက်မောင်းမှ ပြတ်ရှရာက သွေးများ တစိမ့်စိမ့်စီးကျနေခဲ့ပြီး ဝီလျံက ရန်သူ၏ အားနည်းချက်ကို နားလည်စွာ ထိုဘက်အခြမ်းကို ပို၍ဖိချသည်။
"ရား...ဟာ့"
နှစ်ဦးလုံးက ဓားသွားများကို ပြန်ရုတ်လိုက်ပြီး ဝီလျံက ဟိန်းတေဇ၏ လည်မြိုကို ခုတ်ချသည်။ ဟိန်းတေဇက သူ့ဓားဖြင့် ခံလိုက်ရင်း ဓားသွားအတိုင်း ပွတ်ဆွဲလာကာ ဝီလျံ၏ လက်မောင်းကို လွှဲခုတ်သည်။ ဝီလျံက အနောက်သို့ လှန်၍ ရှောင်လိုက်ပြီး ဟိန်းတေဇ၏ ဝမ်းဗိုက်ကို ဓားဖြင့် ခုတ်ချသည်။ ဟိန်းတေဇက သူ့ဓားဖြင့် ခံ၍ သူ့အရှိုက်ကို ခြေဖြင့် ဆောင့်ကန်သည်။ သူက အနောက်သို့ အနည်းငယ်သာ ယိုင်သွားပြီး ချက်ချင်းပင် မတ်မတ်ပြန်ရပ်ကာ ဟန်ချက်ကို ထိန်းသည်။
"ရား.."
ဟိန်းတေဇသည် ဓားကို မြှောက်လိုက်ပြီး အားကုန်သုံးကာ သူ့ရင်ဘတ်ကို ခုတ်သည်။ ဝီလျံက သူ့ဓားဖြင့် ပြန်ခံထားပြီး ခြေတစ်ဖက်ကို အနောက်သို့ ကန်ထားကာ တွန်းထုတ်သည်။ သို့သော် ဟိန်းတေဇသည် လက်မောင်းမှ နာကျင်မှုကို အံကြိတ်ခံရင်း သူ့ဓားကို ပို၍အားထည့်ကာ ဖိချလိုက်ရာ သူ့ဓားသွားက ဝီလျံ၏ ပခုံးအတွင်းသို့ နစ်ဝင်လုနီးနီး ဖြစ်သွားလေသည်။ သူသည် အချိန်ကြာကြာ တောင့်ခံရန် မလွယ်ကူသောကြောင့် ဟိန်းတေဇ၏ ဓားသွားကို သူ့ဓားသွားဖြင့် ပွတ်ဆွဲသွားပြီး ဟိန်းတေဇ၏ အရှိုက်ကို ဆောင့်ကန်သည်။ ထိုအခါမှသာ သူတို့နှစ်ဦးသည်လူချင်းကွဲသွားတော့သည်။
YOU ARE READING
ညဉ့်အမှောင်ယံရဲ့ ပိုးစုန်းကြူး
ActionFirefly at the Darkest Night ညဉ့်သန်းခေါင်ယံသည် အထီးကျန်ဆန်ကာ မှောင်မိုက်လွန်းလှသည်။ မှောင်မိုက်မှုက ကြီးစိုးသောအခါ ပိုးစုန်းကြူး၏ အလင်းရောင်ကိုပင် စွဲစွဲလမ်းလမ်း ခုံမင်နှစ်သက်တတ်ကြပြန်သည်။ တစ်စုံတစ်ယောက်၏ မှောင်မိုက်ကာ အဆုံးမရှိဟု ထင်သော အထီးကျန်မ...
