ဂန္တဝင်ဂိုဏ်းချုပ် အတွဲ(၁) Unicode(1-113)

အပိုင်း ၆၇ : အစစ်အမှန် ငရဲကမ္ဘာရေ

အပိုင်း ၆၇ : အစစ်အမှန် ငရဲကမ္ဘာရေ

" တစ္ဆေဘုရင်ကျမ်းဂန်… မိစ္ဆာတစ်ရာ ညသန်းခေါင်ယံ စစ်ရေးပြခြင်း နည်းစနစ်… တွေ့ပြီကွ… ဒီမှာပဲ!" လင်းဖုန်းကလဲ ပြန်လည်ကာ လန်းဆန်းလာသလို ခံစားလိုက်ရပြီး… ဖော်ပြချက်တွေကို အသေအချာနဲ့ ဖတ်ရှုခဲ့ပါတော့တယ်။

တစ္ဆေဘုရင်ကျမ်းဂန်… အတိတ်က တစ္ဆေတစ်ထောင်ဂိုဏ်းမှ လျှို့ဝှက်မှော်ကျိန်စာ တစ်ခုဖြစ်ပါတယ်… မရေမတွက်နိုင်တဲ့ မကောင်းဆိုးဝါး တစ္ဆေဝိညာဉ်ကိုယ်ထည်တွေကို စုစည်းထားပြီး… သူတို့ကို ထူးခြားဆန်းကြယ်တဲ့ နည်းစနစ်တစ်မျိုးနဲ့ ဖိသိပ်ထားပြီးမှ ထုတ်လွှတ်လိုက်တာပဲ ဖြစ်ပါတယ်။ သူ့ရဲ့ တိုက်ခိုက်နိုင်မှု စွမ်းအားဟာ အရမ်းကိုပဲ ကြီးမားပြီး… သူဟာ တစ္ဆေတစ်ထောင်ဂိုဏ်းရဲ့ လူသတ်တိုက်ကွက်တွေထဲက တစ်ခုဖြစ်ပါတယ်။

မိစ္ဆာတစ်ရာ ညသန်းကောင်ယံ စစ်ရေးပြခြင်း… အတိတ်က တစ္ဆေတစ်ထောင်ဂိုဏ်းရဲ့ လျှို့ဝှက်မှော်ကျိန်စာ တစ်ခုဖြစ်ပါတယ်။ ပစ်မှတ်ကို သတ်ပြီးတဲ့နောက်မှာ အသုံးပြုသူဟာ သူ့ရဲ့ စိတ်ဝိညာဉ်ကို အကျဉ်းချထားနိုင်ပြီး… လျှို့ဝှက်ဆန်းကြယ်တဲ့ နည်းစနစ် တစ်ခုကို အသုံးပြုကာ သူတို့ကို မကောင်းဆိုးဝါး တစ္ဆေဝိညာဉ် ကိုယ်ထည်အဖြစ်ကို သန့်စင်နိုင်ပြီး… အသုံးပြုသူရဲ့ မှော်စွမ်းအင် အတွင်းမှာ သိုဝှက်ထားနိုင်ပါတယ်။ လိုအပ်တဲ့ အချိန်မှာ သူ့ကိုထုတ်လွှတ်ပြီးတော့ ရန်သူတွေကို တိုက်ခိုက်နိုင်ပါတယ်။ ဒီမကောင်းဆိုးဝါး တစ္ဆေဝိညာဉ် ကိုယ်ထည်တွေဟာ သူတို့ အသက်ရှင်နေတုံးက ကျင့်ကြံမှု အဆင့်တွေကို အပြည့်အဝ ထိန်းသိမ်းထားနိုင်ပြီး… အသုံးပြုသူ ထိန်းချုပ်နိုင်တဲ့ မကောင်းဆိုးဝါး တစ္ဆေဝိညာဉ် ကိုယ်ထည်တွေရဲ့ အရေအတွက်ဟာ… အသုံးပြုသူရဲ့ ကျင့်ကြံမှုအဆင့် အပေါ်မှာ အနီးဆုံး မူတည်ပါတယ်။

လင်းဖုန်းရဲ့ မျက်လုံးအစုံဟာ လင်းလက်သွားခဲ့ပါပြီ… "ဟာ… တစ္ဆေတစ်ထောင်ဂိုဏ်း?" ဒါက တစ်ချိန်တုံးက အရမ်းကိုပဲ ကြီးပွားတိုးတက်ခဲ့တဲ့ အမှောင်ဂိုဏ်း တစ်ဂိုဏ်းပဲဟ… နောက်ပိုင်းမှာတော့ စူတောင်ဓားဂိုဏ်းရဲ့ အမြစ်ဖြတ် သုတ်သင်ခြင်းကို ခံခဲ့ရတာပဲ။