ဂန္တဝင်ဂိုဏ်းချုပ် အတွဲ(၁) Unicode(1-113)

အပိုင်း ၃၈ : ပြိုင်ဘက်ကို အရှင်ဖမ်းဖို့ မှန်ကန်သောနည်းလမ်း

ဂန္တဝင် ဂိုဏ်းချုပ်စာစဉ် ၃ : အပိုင်း ၈

အပိုင်း ၃၈ : ပြိုင်ဘက်ကို အရှင်ဖမ်းဖို့ မှန်ကန်သောနည်းလမ်း

ရှောင်ပုတန်လေးဟာ သူ့ရဲ့ခေါင်းပေါ်က မိုးကောင်ကင်ကြီးဟာ ရုတ်တရက်ပဲ မည်းမှောင်သွားတယ်လို့ ခံစားလိုက်ရပါပြီ… အဲ့ဒါကြီးက ဧရာမ စပါးအုံး မြွေကြီးရဲ့ ဦးခေါင်းပဲ ဖြစ်ပါတော့တယ်။

ခဏအကြာမှာပဲ သူ့ရဲ့ခေါင်းပေါ်က အမှောင်ထုကြီးဟာ ရုတ်တရက်ပဲ လင်းလက်လို့ သွားခဲ့ပြန်ပါပြီ… တောက်ပလွန်းလို့ သူ့ရဲ့ မျက်စိကိုတောင်မှပဲ ဖွင့်လို့ မရတော့ပါဘူး။ အဲ့ဒါကတော့ ဒီဧရာမ စပါးအုံး မြွေကြီးရဲ့ ပါးစပ်ထဲက မှော်အိုင်တမ်ကနေ ထုတ်လွှတ်လိုက်တဲ့ အလင်းတန်းပဲ ဖြစ်ပါတော့တယ်။

ကြောက်မက်ဖွယ် ကောင်းလှတဲ့ စွမ်းအားမြင့် မှော်စွမ်းအင် လှုပ်ရှားမှုတွေဟာလည်း ထုတ်လွှတ်လို့ လာခဲ့ပြီလေ။

"အား… မြန်မြန်ရှောင်!"

ရှောင်ယန်ဟာ ရုတ်ချည်းပဲ ဘေးကနေပြီးတော့ ခုန်ဝင်ကာ လာခဲ့ပါပြီ… ရှောင်ပုတန်လေးကို ဘေးကို တွန်းထုတ်လိုက်ပြီလေ။ ရှောင်ပုတန်လေးကတော့ ဒီဧရာမ စပါးအုံး မြွေကြီးရဲ့ တိုက်ခိုက်မှု အပိုင်းအခြားကနေ လွတ်မြောက်လို့ သွားခဲ့ပါပြီ… ဒါပေမယ့် ရှောင်ယန်လေးကတော့ ဒီမြွေကြီးရဲ့ ပါးစပ်အောက် တည့်တည့်ကို ရောက်ရှိလို့ သွားခဲ့ပြီလေ… ကြောက်မက်ဖွယ်ရာ ဗုဒ္ဓ မှော်အိုင်တမ်နဲ့ တိုက်ရိုက်ထိပ်တိုက် ရင်ဆိုင်လိုက်ရပါပြီ။

ရှောင်ပုတန်လေးကလဲ ထိတ်လန့်တုန်လှုပ်စွာနဲ့ပဲ အော်လိုက်ပါတယ်… "အား… ဂိုဏ်းတူ အစ်ကိုကြီး!"

ဒီဝတ်ရုံနက် လူငယ်ရဲ့ ရဲရင့်တဲ့ သတ္တိတွေကလဲ လုံးဝကို နိုးကြွလာခဲ့ပါပြီ… ဒီတောက်ပလှတဲ့ ရွှေရောင် ဗုဒ္ဓအလင်းတန်းနဲ့ ရင်ဆိုင်ရာမှာ သူဟာ လုံးဝကို တိမ်းဖယ်ရှောင်ရှားခြင်းမျိုးကို မပြုလုပ်ခဲ့ပါဘူး… သူ့ရဲ့ လက်နှစ်ဖက်ကို ပင့်မြောက်လိုက်ပြီလေ။

သူ့ရဲ့ လက်နှစ်ဘက် အတွင်းမှာက မီးတောက်မီးလျှံတွေ… ဖျက်ဆီးနိုင်တဲ့ အော်ရာတွေနဲ့ ပြည့်နှက်နေတဲ့… ကြက်သွေးရောင်ရင့်ရင့် အနီရောင် အလင်းတန်း စက်လုံးလေးဟာ လွင့်မျောလို့ နေခဲ့ပါပြီ။