အပိုင်း ၅၇ : ချီသာဝက မဟာပြည့်စုံခြင်းအဆင့်
သူတို့တတွေရဲ့ စကားဝိုင်း အရဆိုရင်… ဒီဆယ်ကျော်သက် ကျင့်ကြံသူနှစ်ယောက်ဟာ မာစတာဖူပေရဲ့ တာဝရ တာအိုဂိုဏ်းက တပည့်နှစ်ယောက်ပဲ ဖြစ်မှာပါ။
သူတို့က တောင်ပေါ်ကိုရောက်ပြီး သိပ်မကြာခင်မှာပဲ သူတို့တတွေဟာ နှုတ်ဆက်စကား ဆိုပြီးတော့ ပြန်သွားကြပါပြီ။ ခဏ အကြာမှာပဲ စပ်စုတတ်တဲ့ တပည့်တချို့က ထာဝရ တာအိုဂိုဏ်းဟာ ရက်ပေါင်း အနည်းငယ် အတွင်းမှာ လာပြီးတော့… ဂိုဏ်းနှစ်ဂိုဏ်းက တပည့်တွေဟာ အချင်းချင်း ယှဉ်ပြိုင်ကြပြီး စွမ်းရည်ပြသကြမယ် ဆိုတာကို သတင်းဖြန့်နေကြပါတော့တယ်။
တာဝရ တာအိုဂိုဏ်းနဲ့ ဟန်တောင်ကျောင်းတော်တို့ဟာ တစ်ဂိုဏ်းနဲ့တစ်ဂိုဏ်း ပထဝီ အနေအထားအရ နီးကပ်စွာ တည်ရှိနေကြတာပါ… လွန်ခဲ့တဲ့ နှစ်ထောင်ပေါင်း များစွာကတည်းက ဒီနှစ်ဂိုဏ်းဟာ အချင်းချင်း အပြန်အလှန် အကူအညီတွေကို ပေးခဲ့ကြပြီး… ပြင်ပအင်အားစုတွေနဲ့ မိစ္ဆာ ကျူးကျော်သူတွေကို အတူတကွ တားဆီးခဲ့ကြတာလေ။ ဒါပေမဲ့ တစ်ချိန်ထဲမှာပဲ သူတို့ဟာ လျှို့ဝှက်စွာနဲ့ တစ်ယောက်နဲ့တစ်ယောက် ပြိုင်ဆိုင်နေခဲ့ကြတာပဲ ဖြစ်ပါတယ်… ဂိုဏ်းတစ်ဂိုဏ်းက တပည့်တွေဟာ အခြားဂိုဏ်းက တပည့်တွေနဲ့ မကြာခဏ တိုက်ပွဲဖြစ်ပွားလေ့ ရှိကြပြီး… နှစ်ဘက်စလုံးဟာ နိုင်လိုက်ရှုံးလိုက် ချည်းပါပဲ။
ဒါပေမဲ့လဲ အခုတစ်ခေါက် ယှဉ်ပြိုင်မှုဟာ အခြေအနေတွေ မတူတော့ဘူးလို့ လင်းဖုန်းက အသေအချာ ခံစားမိနေခဲ့တယ်လေ။
ဟန်တောင်ကျောင်းတော်က အခြေတည် ဝိညာဉ်အဆင့် ဘိုးဘေးဘီဘင်ဟာ ဟင်းလင်းပြင် စစ်တလင်းမှာ ကြွေလွင့်သွားခဲ့ပေမယ့်… ထာဝရ တာအိုဂိုဏ်းက မာစတာဖူပေကတော့ ဘေးကင်းရန်ကင်းနဲ့ပဲ ပြန်လာနိုင်ခဲ့ပါတယ်။
ပြီးတော့လဲ ဟန်တောင်ကျောင်းတော်ရဲ့ နေရာဟာ သူတို့နေရာထက်ကို ပိုပြီးတော့ ကောင်းနေခဲ့တယ်လေ။ အခုတော့ ဟန်တောင်ကျောင်းတော်က သူတို့ရဲ့ ခံတပ်ကို စောင့်ကြပ်ပေးနေတဲ့ အခြေတည်ဝိညာဉ် အဆင့်က ဘိုးဘေးဘီဘင်ဟာ မရှိတော့ဘူး ဆိုတော့ကာ… သုံးနှစ်အရွယ် ကလေးလေးက ရွှေချောင်းတစ်ချောင်းကို ကိုင်ထားသလိုမျိုး ဖြစ်နေခဲ့ပါပြီ။
STAI LEGGENDO
ဂန္တဝင်ဂိုဏ်းချုပ် အတွဲ(၁) Unicode(1-113)
Avventura✓✓✓✓ MC က FAကြီး ✓✓✓✓ ဇာတ်လမ်းအကျဉ်း ------------- လင်းဖုန်းဟာ အချိန်ခရီးသွားခဲ့ပြီး စနစ်တစ်ခုကို ရရှိခဲ့ပေမယ့် သူ့ရဲ့ဖိအားတွေဟာ တောင်လိုပဲကြီးမားပါတယ်။ "စနစ်ရဲ့ အဓိကမစ်ရှင်" လင်းဖုန်းဟာ ဂိုဏ်းတစ်ဂိုဏ်းကို တည်ထောင်ရမှာပါ။ အဲ့ဒီဂိုဏ်းလဲ ဒီကမ္ဘာမ...
