🍒 الفصل الثاني: إعتذاري منكي لن ينسيكي
صفاء : الصراحة هادشي زوين قليل فين كتلقااا العائلة مجموعة بحال هكااا، ولينا فواحد الزمان كلشي كيكيد ن لاااخر،. شوقتيني نتعرف على عائلتك هههه
سلمان : راه ديجا دويتلهم عليك غير ترتاحي و غادي ناخدك معايا حتا هما مشوقين يشوفوك
صفاء : إن شاء الله أ خويا، حقا ما قلتيليش شحال عندك د خوتك
سلمان : الصراحة ما عرفت نقولك حنا تلاتة بينا و لا جوج
صفاء : كيفاش؟
سلمان تنهد و جبد الطيليفون من جيبو : قربي نوريك تصاورهم ( قربات جلسات حداه و هو دخل ن لي فوطو كيقلب) هاد التصويرة ديال الواليدة و الواليد ف السبوع نتاعي هه
صفاء : وااااو ماماك فنة تبارك الله ( شافت فيه) و لكن نتا ما شبهتيش ليها شبهتي ل باباك كتر
سلمان : اه شبهت الواليد، ( حل تصويرة أخرى) هادا انا مع خويا أكرم عندو دابا 27 عام
صفاء : يا خويا حتا هو كيشبهلكم نتا و باباك، ماماك مسكينة غير كتسخر مكاتطلعوش ليها
سلمان : بالعكس ختي شبهتليها، نفس البويضة و نفس العينين الزورق
صفاء : أوووو ما قلتيليش عندك ختك
سلمان تنهد بحزن : حيت ما عنديش دابا ولا بالأحرى ماعارفش واش عندي ولا لااا (شاف فيها ما فاهمة والو) تخطفات و هي مازال رضيعة من عند واحد العصابة حيت الواليد كان خدام فالبوليس، عيينا نقلبو عليها شدينا العصابة كلها ولكن هي ما بانش ليها الأتر، قالو ماتت مي الواليدة مامتيقاش و متأكدة بلي مازال عايشة هادي 20 عام و مازال ما فقداتش الأمل
صفاء شافت فيه بحزن : مسكينة ماماك و الله حتا صعيبة، ولكن قلب الأم راه كيحس الله يسمعكم خبار الخير يا ربي
سلمان و هو كيقلب ف طيليفونو : آمين، شوفي هادي تصويرت ختي فالأيام لولا ديالها قبل ما تتخطف
صفاء : ما شاء الله فنة تبارك الله، عندك الحق كتشبه لماماك واخا باقي مباينينش ملامحها مزيان كتبان بيضة بزااف
سلمان شاف فيها و ابتاسم : فراسك حتا نتي كتشبهيليها فالملامح ،الفرق غير ف( شاف ف عينيها لي كحلين كيبريو) ف عينيك حيت هي عينيها زورق،
صفاء علات حاجبها : سبحان الله خلق من الشبه أربعين
سلمان : واييه قربي قربي نوريك ولاد خالي
صافي بقاو هاكاك كيوريها دازليها على العائلة كلها واحد ب واحد
#يتبع
