အခန်း ၁၉ ဝန်ကြီးချုပ် စံအိမ်သို့ ပထမဆုံးအကြိမ် ဝင်ရောက်ခြင်း
ရထားလုံးပေါ်၌ လို့ရှီးယန်နှင့် ကျွော့ချင်းတို့က တစ်ဖက်စီတွင် ထိုင်ရင်း လိုက်ပါသွားကြသည်။ မည်သို့ပင်ဆိုစေကာမူ ကျွော့ချင်းက ဝန်ကြီးချုပ်အိမ်တော်တော်သို့ သွားရရန် သေချာနေပြီဖြစ်တာကြောင့် ပြဿနာရှာတော့မည် မဟုတ်ပေ။ သူမက အမြဲတမ်း လိုက်လျောညီထွေ နေတက်သူဖြစ်ပြီး အခုအချိန်မှာ အိမ်ခြေယာမဲ့ဖြစ်နေတဲ့ သူမလို လူအတွက်တော့ နေရာတိုင်းက အိမ်ပါပဲ။ ဟိုဘက်ဒီဘက် ယိမ်းနေတာကြောင့် ကျွော့ချင်းက အနည်းငယ်မူးဝေသွားသည်။ ကံကောင်းထောက်မစွာပင် ရထားလုံးက ချောချောမွေ့မွေ့ ပြေးသွားနေသည်။ ကျွော့ချင်းက သူမ၏ ခေါင်းကို ပြန်ကိုင်ထားရင်း လို့ရှီးယန်ကို ဘေးတိုက် တစ်ချက်ကြည့်လိုက်သည်။ သူက ခေါင်းကို အနည်းငယ်ငုံ့ကာ စာအုပ်တစ်အုပ်ကို ဖတ်နေသည်။ သူက သူ၏ စိတ်ခံစားချက်များကို ဖော်ပြသည့် အလေ့အထမရှိပုံပေါ်နေပြီး သူ့နှုတ်ခမ်းထောင့်တွေက အမြဲတမ်း အနည်းငယ် ကြွတက်နေပုံပေါ်သည်။ ရိုးရိုးသားသားပြောရရင် သူရဲ့ဒီလိုပုံစံက အရမ်းကြည့်ကောင်းနေပေမယ့် ကျွော့ချင်းက စစ်မှန်တဲ့အပြုံးတစ်ခုလို့ မခံစားနိုင်တဲ့အတွက် မပျော်ရွှင်နိုင်တာက စိတ်မကောင်းစရာပါပဲ...။ အဲ့ဒိ ပရော်ဖက်ရှင်နယ် အပြုံးက ယဥ်ကျေးသိမ်မွေ့ပေနေမယ့် အလှမ်းဝေကွာမှုကို ခံစားရစေသည်။
ကျွော့ချင်းက မျက်နှာကို အနည်းငယ် ငုံ့လျက် သူမ၏ မျက်ခွံများကို မှိတ်ချလိုက်သည်။
ကျွော့ချင်း၏ အသက်ရှုသံများ တဖြည်းဖြည်း တည်ငြိမ်လာချိန်တွင် လို့ရှီးယန်က စာအုပ်ကို ညင်သာစွာ ပိတ်လိုက်သည်။ ဤထူးဆန်းသော အမျိုးသမီးက သူ့ကို စိုက်ကြည့်နေခဲ့သည်။ သူ့မျက်လုံးများက စာအုပ်တွင်ရှိနေသော်လည်း သူမ၏ အကြည့်အောက်တွင် စာတစ်လုံးစနှစ်လုံးစသာ ဖတ်နိုင်ပြီး စိတ်မသက်မသာဖြစ်နေခဲ့သည်။ ပို၍ ထူးဆန်းသည်မှာ ယခု သူက သူမကို ဒီအတိုင်း စိုက်ကြည့်နေမိသည်။ ရထားလုံးရပ်သွားပြီး မော့ဘိုင်ရဲ့အသံက အပြင်ဘက်ကနေ ပေါ်လာမှ လို့ရှီးယန်က သတိပြန်ဝင်လာသည်။
YOU ARE READING
နာကြည်းမှုတွေ လွင့်ပျယ်စေ...
Historical Fiction"မှားယွင်းသော လက်ထပ်ခြင်းမှသည်.....ကောင်းမွန်သော အိမ်ထောင်သည်ဘဝဆီသို့...(၁)" ***MM Translation (Just for fun) "မွားယြင္းေသာ လက္ထပ္ျခင္းမွသည္.....ေကာင္းမြန္ေသာ အိမ္ေထာင္သည္ဘဝဆီသို႔...(၁)"
