အခန်း ၁၀၀ လူတစ်ဦးအတွက် အသက်အန္တရယ်
"မူဖုန်း?" စုမူဖုန်း၏နက်ရှိုင်းသော မျက်လုံးများကို ကြည့်နေရင်း ကုယွဲ့ရှင်းက ရေခဲဂူထဲသို့ ရောက်ရှိနေသလို ခံစားလိုက်ရပြီး အနည်းငယ် တုန်လှုပ်သွားကာ သူမကိုယ်သူမ မထိန်းနိုင်တော့ဘဲ ခေါင်းကို ငုံ့ချလိုက်ပြီး သူမက သူ့ကို ကြည့်ရန် ငြင်းဆိုလိုက်သည်။
စုမူဖုန်းက ကုယွဲ့ရှင်းနံဘေးမှာ ငုတ်တုတ်ထိုင်ချလိုက်ပြီး ကုယွဲ့ရှင်း၏ လှပသောမျက်နှာကို စိုက်ကြည့်နေရင်း "အန်တီရှင်း၊ အန်တီပြောသမျှက အမှန်တွေပဲလား?"
သူ့အသံက အရမ်းတိုးနေပေမယ့် ကုယွင်ကတော့ သူရဲ့မယုံချင်လောက်အောင်ဖြစ်နေပြီး အံ့သြနေသော မသေချာ မရေရာမှုများပြည့်နေသည့် မျက်နှာအမူအရာကို မြင်တွေ့နေရသည်။ ဒါက ဘာကိုမှ လုံးဝ မသိတဲ့ လူတစ်ယောက်မှာ ရှိသင့်တဲ့ အမူအရာတွေဖြစ်နေပေမယ့် စုမူဖုန်းရဲ့မျက်နှာကို မြင်လိုက်တဲ့အချိန်မှာ ပထမဆုံး တုံ့ပြန်မှုလာတဲ့ ကုယွဲ့ရှင်းရဲ့အမူအရာကတော့ ကြောက်ရွံ့ထိတ်လန့်ပြီး စိတ်ပူနေတဲ့ ပုံစံပါပဲ။ ဘာကြောင့်လဲ? ဘာလို့အဲ့လို ဖြစ်နေတာလဲ?!
ကုယွင်က စုမူဖုန်းနှင့်ကုယွဲ့ရှင်းတို့ကို အေးစက်သောမျက်လုံးများဖြင့် အနီးကပ် စိုက်ကြည့်နေခဲ့ခြင်းက သူတို့ဆီမှ အလှည့်စားမခံရစေရန်နှင့် သူတို့၏အမူအရာများကို လက်လွတ်မခံချင်သောကြောင့် ဖြစ်သည်။ သို့သော် ကျွော့ချင်းဆီနေကနေ ထင်ယောင်ထင်မှားဖြစ်ခြင်းဟူသော စကားလုံးကို ကြားပြီးနောက်တွင် သူမက စိတ်ကူးယဥ်ဆန်သော အတွေးတစ်ခု၏အလယ်သို့ ကျရောက်သွားခဲ့သည်။
"ငါ..." ကုယွဲ့ရှင်းက ခဏမျှတုံ့ဆိုင်းသွားပြီးမှ ပြင်းပြင်းထန်ထန် ခေါင်းညိတ်ပြလိုက်ကာ အေးစက်စွာနဲ့ "ဟုတ်တယ်"
နောက်ဆုံးတော့ ဘာအမူအရာမှ ပြလေ့မရှိသော စုမူဖုန်း၏ပုံသေ ဘာမှ မထူးခြားပုံရသော မျက်နှာပေါ်တွင် စိတ်ပူပန်မှုများ ထွက်ပေါ်လာသည်။ တစ်ခါမှ သူဘက်ကနေ စပြီး အခြားသူများကို ထိကိုင်ခြင်းမရှိခဲ့သောလူက ကုယွဲ့ရှင်း၏ပုခုံးများကို ဆွဲကိုင်လိုက်ပြီး "ဘာလို့ ဒီလိုလုပ်ရတာလဲ?"
YOU ARE READING
နာကြည်းမှုတွေ လွင့်ပျယ်စေ...
Historical Fiction"မှားယွင်းသော လက်ထပ်ခြင်းမှသည်.....ကောင်းမွန်သော အိမ်ထောင်သည်ဘဝဆီသို့...(၁)" ***MM Translation (Just for fun) "မွားယြင္းေသာ လက္ထပ္ျခင္းမွသည္.....ေကာင္းမြန္ေသာ အိမ္ေထာင္သည္ဘဝဆီသို႔...(၁)"
