အခန်း ၆၃ ဂုဏ်သိက္ခာ၏အကျပ်အတည်း
အမျိုးသားတစ်ဦးနှင့် အမျိုးသမီးတစ်ဦး ရုတ်တရက် ပေါ်ပြီး အမျိုးသားက အနက်ရောင်ကို ၀တ်ဆင်ထားပြီး ငွေရောင်ဆံပင်အပြည့်နှင့်ဖြူဖျော့နေကာ အနည်းငယ် ကြောက်စရာကောင်းနေသည်။ အမျိုးသမီး၏ အနီရောင်အဝတ်အစားများက သွေးကဲ့သို့ နီဆွေးနေပြီး မျက်နှာပေါ်တွင် အေးစက်သောမျက်လုံးတစ်စုံကိုသာ မြင်နိုင်သော ရွှေစင်မျက်နှာဖုံးကို ဝတ်ဆင်ထားသည်။ လူနှစ်ယောက်က မြေပြင်မှ တစ္ဆေသရဲတွေ ထိုးထွက်လာသလို တိတ်တိတ်ဆိတ်ဆိတ် ပေါ်ထွက်လာသည်။ သူတို့၏ ထူးဆန်းသော ၀တ်စုံများနှင့် အမူအရာများကြောင့် ကျွော့ချင်းနှင့် ကုယွင်တို့က အနည်းငယ် အံသြသွားကြသည်။
သူတို့နှစ်ယောက်ကလည်း သူမတို့ကို စိုက်ကြည့်နေခဲ့သည်။ တကယ်တော့ သူမတို့ စဝင်လာကတည်းက သူတို့ ရောက်နေခဲ့တာဖြစ်သည်။ ပထမတော့ သူတို့ လူလုံးထွက်မပြခင်မှာ သူမတို့ ထွက်သွားတာကို စောင့်နေဖို့ စီစဉ်ထားပေမယ့် မိန်းခလေးငယ်လေးက သူတို့ရဲ့ နေရာကို ရှာတွေ့မယ်လို့ မထင်ခဲ့မိဘူး။
မျက်လုံးရှစ်လုံး... လူလေးယောက်က မင်းက ငါ့ကို ကြည့်... ငါက မင်းကို ကြည့်မယ်ဆိုတဲ့ အပြုအမူကို အေးအေးဆေးဆေး လုပ်ဆောင်နေကြသည်။ ကျွော့ချင်းနဲ့ ကုယွင်တို့က သူတို့ရဲ့ မျက်လုံးတွေကို စူးစူးစိုက်စိုက်ကြည့်ရင်း ဒီလူနှစ်ယောက်ရဲ့ ခွန်အားကို တိုင်းတာရန် ကြိုးစားနေကြသည်။
ဒီတိုင်းသာ ထပ်ကြည့်နေကြရင်တော့ နောက်နေ့မနက်ရဲ့ နေရောင်ကိုတောင် မြင်ရနိုင်တယ်။ ဖယ်ထုတ်ခံထားရသော ချမ်ကျင်းက နောက်ဆုံးတွင် သည်းမခံနိုင်တော့ဘဲ စတင် မိတ်ဆက်ပေးလိုက်သည်။ " အော်ထျန်းနဲ့ယဲ့မိန်... ချုံယွဲရဲ့ နံပါတ်တစ်နဲ့ နံပါတ်နှစ် သတင်းမုဆိုး(ကြေးစား)တွေ"
သတင်းမုဆိုးတွေ(ကြေးစား)??? ကျွော့ချင်းက နံပါတ်တစ်နှင့် နံပါတ်နှစ်သတင်းမုဆိုးများအကြောင်းကို ကြားဖူးခဲ့ပြီး ထိုလူနှစ်ယောက်၏ ဩဘာက အလွန်ပြင်းထန်နေတာကြောင့် သူမ လုံးဝ ယုံကြည်ခဲ့သည်။
YOU ARE READING
နာကြည်းမှုတွေ လွင့်ပျယ်စေ...
Historical Fiction"မှားယွင်းသော လက်ထပ်ခြင်းမှသည်.....ကောင်းမွန်သော အိမ်ထောင်သည်ဘဝဆီသို့...(၁)" ***MM Translation (Just for fun) "မွားယြင္းေသာ လက္ထပ္ျခင္းမွသည္.....ေကာင္းမြန္ေသာ အိမ္ေထာင္သည္ဘဝဆီသို႔...(၁)"