في منطقة الرياض تحديدا في بيت ابو بدر ندخل من البوابة الرئيسية نسمع اصوات الصحون، كل العايله متواجده على طاولة الطعام يترأسها الاب(محمد).
محمد (واهو يمضغ الاكل): ها يا بدر كيف الشغل معاك؟
بدر: تمام والله مع انه تعب شوي بس ماشي الحال
دلال (تناظر نور): طبعا تتعب لانه الطب مب حيالله تخصص
نور(تاكل بصمت)
قمر: أنا والله بعد بموت تعب مخي مو قادر يجمع كل المعلومات قسم بالله لو ما ابلع بندول بين كل محاضرتين كان انفجر مخي!
محمد(وعينه على نور): وانتي؟
(نور مو منتبهه انه ابوها يكلمها) بدأ بدر ينكزها بيده وانتبهت
نور(بفهاوة):هلا؟ تكلمني؟
دلال(تضحك):قسم بالله ذي البنت بعالم ثاااني
محمد: كيف الدراسه اقول؟
نور: تمام
محمد (رفع حاجبه بعد إعجاب):يعني ماودك تغيرين التخصص؟
نور(بتأفف): لا عاجبني وماراح اغيره!
دلال(بعصبيه): ترا خليناك على راحتك قلنا يمكن مع الوقت عقلها يرجع وتستوعب انه تخصص ماله مستقبل بس لا انتي راكبه راسك وبتتعبينا معاك
محمد(يحاول يهدأ): يعني انتي شايفة انه تخصص ادب انجليزي راح يخليك بنفس مستوى اخوانك بالمجتمع؟
نور(بهدوء): مايهمني وش تشوفون انتم المهم أنا وش اشوف، عليكم بالعافيه.
قامت نور لغرفتها واهي تسمع امها وابوها يتحلطمون من وراها على كلامها.
دخلت الغرفه تاخذ نفس تحاول تهدأ لانها حاولت قد ما تقدر انها ما تفقد أعصابها بالنقاش معاهم، اتصلت على صديقتها (ضوى)
نور: متى نعيش زي ما نبي ابي افهم!
ضوى(تضحك): شفيك؟ شكلهم قلبوا عليك مره ثانيه
نور: اففف قصدك للمره المليون! تعبت وربي تعبت لازم كلنا أطباء ومهندسين عشان يرضون
ضوى: عاد صدق مدري كيف نرضيهم يعني شوفي حالتي داخله تخصص ما احبه بس عشان ارضيهم ومو فاهمه ولا شي من اللي ادرسه!
نور:عاد أنا حاولت أفهمك انه مايصير تمشين على هواهم وإنك بتأكلينها بالأخير بس ما طعتيني
ضوى(نزلت راسها): يعني ما تعرفين اهلي كيف؟
نور(تتنهد): ادري ادري بس لو ماصرنا اقوى كيف بنعيش؟
ضوى: خلاص لازم اسكر اشوفك بكره بعد الدوام تمام؟
نور: تمام، بالمكان نفسه؟
ضوى(تبتسم):اكيد!
سكرت من اتصال نور ونزلت تحت شافت امها تلبس عباتها بتطلع
ضوى: وين بتروحين؟
شادن: بروح عند خالتك مسوية عزيمة متجمعين كل حريم العايلة عندها
ضوى: الله! اشتقت لهم عادي اجي معك؟
يدخل ابوها ناصر: لا تروحين مكان اقعدي ذاكري!
ضوى( اختفت ابتسامتها): انشالله
ومشت دخلت غرفتها
شادن: شفيك على البنت ترا لها شهر ماتروح إلا للجامعه وعند صديقتها نور بس!
ناصر: ما احب الدلع خلها تدرس وتجتهد ويلا روحي عشان ما أمنعك حتى انتي من الروحه
شادن(خافت): لا لا خلاص بروح مع السلامه
—————
بالديرة ببيت الجد(رماح)
بيت كبير جنبه مزرعة ضخمة فيها من الخير الغنم والجمال والخيول والدجاج واكثر، بيت الجد جنبه بيت ولده المتوفي (عبدالله) وجنب هالبيت بيت ولده المتوفي (طلال)
الجد رماح (يتقهوى بالحوش):يا نوره وين الرطب هبتي لي قهوة بس ؟
نورة( بصوت عالي من المطبخ): جايه جايه!
دخل للحوش نايف وخلف
رماح (بابتسامه واسعه): يا مرحباااااا
خلف (بضحكة): يا هلا ومسهلا
نايف وخلف يضمون جدهم ويحبون راسه
نايف: يمه! وينك أنا جيت!
الجدة نورة (ببشاشه):حي هالصوت هلا هلا يا مرحبا!
ضمتهم وسلمت عليهم وجلسوا بالجلسه يسولفون عن أحوالهم وعن تخرجهم من الجامعه بتخصص إدارة الأعمال
رماح: يعني خلاص كفيت ووفيت بوعدي وباقي وعدكم لي صح؟
خلف: اي ياجدي واحنا عند وعدنا امر بس ورقابنا تحت سيفك
نايف: بس ماعليه يا جدي تعطينا وقت نريّح فيه قبل لا نبدا نشتغل بالمزرعة؟
رماح ماعجبه الكلام وعطاه نظره خلته يبلع ريقه ويحاول يبرر موقفه
نايف بربكة: لا بس يعني انت خابر احنا مالنا يوم مخلصين من الدراسه والكرف إذا تسمح لنا بكم يوم نرتاح فيها
نوره تدخلت: اي ماعليه يابو عبدالله الشغل مهوب طاير خلهم يرتاحون ولاحقين على الشغل
رماح(يتنهد): زين زين بس مالكم مني غير اسبوع بعدها لا اسمعكم تبربرون!
خلف: سم! يلا عاد أنا استأذنكم بمر على امي واختي اسلم عليهم
نوره: روح الله يحفظك
✨✨✨هذا اول بارت اتمنى يعجبكم✨✨✨
كتبولي تعليقاتكم على البارت ووش توقعاتكم باللي جاي
أنت تقرأ
لك من اسمك نصيب يانور عيوني وضوى قلبي🤍✨
Romantizmفتاتان هاربتان من ظلم الحياة ذاهبتان إلى قرية لنسيان ما مروا به حتى تهدأ الأمور في حياتهم لكن حدث مالم يكن بالحسبان والتقوا بمن سيغير مجرى قصتهم🤍
