لك من اسمك نصيب يانور عيوني وضوى قلبي🤍✨

59

الديرة
بيت العمة ليلى

(بعد ما طلع نايف من المزرعه كلام رماح خلاه يتوجه لبيت عمته بسرعه، استأذن من عمته ودخل المجلس ينتظر نورة تجيه، جلس يهز رجله بسبب أعصابه المشدودة بهاللحظة، الين حس بدخلتها)

نورة(بابتسامه): هلا بولدي
نايف(عينه على الارض مايناظر فيها)بهدوء: اقعدي
نورة(عقدت حاجبها وجلست): وش بلاك؟ صار شي بالبيت؟
نايف(ابتسم بسخرية): تخافين علينا؟ تهتمين إذا صار شي بأحد او تأذى؟
نورة(حسّت انه عرف شي)بارتباك: نايف قول وش فيك؟
نايف(رفع أنظاره الحادّة لها) رفع صوته: كيف قدر قلبك يأذي بشر؟ وشلون شفتيني طول هالمدة متعذب ومكتئب وتبتسمين بوجهي؟! فهميني!
نورة(بلعت ريقها وقامت تقترب منه): يا يمه أنا عشان مصلحتك
نايف(يبعد يدها عنه و وقف يصرخ عليها):لا تقولين يا يمه، أنا يتيم! ماعندي ام
(نورة غطت فمها بيدينها وبدت تبكي من كلامه)
نايف(اخذ نفس عميق ومسح على وجهه بقوة): أنا ماعندي ام، ابوي رماح وبس وضوى انشاءالله انه مافي غيرها راح يصير ام لعيالي
نورة(تبكي بانهيار وتمسك يده تبوسها): لا لاتقول كذا تكفى يا نايف، أنا امك أنا ربيتك وكبرتك على يدي والله مافي احد يحبك كثري
نايف(يبعد يده عنها) نطق بحقد وكره: كان فكرتي بهالكلام قبل لا تروحين لطريق ابليس وقبل لا تسحرين المسكينه
نورة(تبكي منزله راسها): سامحني، بني ادم خطاء
نايف(نطق بحده قبل لا يطلع): ماني مسامحك، ومو أنا اللي المفروض تطلبين منه السماح، تدرين مين اقصد
نورة(تصرخ بأعلى صوتها):نايف! نايف يمه ارجع سامحني!

(جلست نورة على الكنب تبكي وتضرب على فخذها بندم وقهر، اليوم خسرت حفيدها او بالأصح ولدها اللي ربته طول هالسنين لكن تغيرت نظرته لها بعد فعلتها الاخيره)

____________________________
بيت نور وضوى

(نور صحت من النوم بكامل حيويتها، دخلت المطبخ جهزت احلى فطور، بعد ما خلصت وبقى البيض دخلت عليها ضوى المطبخ)

ضوى(رفعت حاجبها بإعجاب): وش كل هالدلع؟!
نور(تبتسم وهي تحط الشاي على النار): طبعا ادلعك بعد ما رجعتوا انتي ونايف حسيت براحه مو طبيعيه
ضوى(خذت نفس)تبتسم: اي والله الدنيا تلوّنت
نور(تناظر البيض): ضوى تسوين البيض؟
ضوى(هزت راسها بالإيجاب):اي تمام
نور(تحمحمت بحياء تناظرها): خلف وجده رماح بيطلبون يدي بشكل رسمي إذا رجعنا للرياض
ضوى(توسعت أنظارها وصفقت بحماس): كذابه كذابه!!!
نور(تضحك وتضمها): والله
ضوى(ابتسمت باتساع تضمها): مبروك حبيبتي انتوا اكثر اثنين تستاهلون بعض
نور(بعدت خصلة شعرها ورجعت تركز باللي بيدها): الله يكتب اللي فيه الخير

(ثواني ووصلت رسالة لجوال ضوى محتواها "ضوى عشر دقايق وقابليني ورا بيتكم ضروري"، عقدت حاجبها باستغراب من شافت الرسالة وجلست على الطاوله، بدت تاكل مع نور وبالها مشغول تفكر باللي راح يقوله نايف لها)