لك من اسمك نصيب يانور عيوني وضوى قلبي🤍✨

43

الرياض الساعه (٥ العصر)

(وصلت بدرية عند غرفة نور بعد ما طلبت من خلف يوصلها عشان تتطمن عليها، دخلت وسلّمت على نور وقمر اللي كانت موجوده)

بدرية(جلست):ماتشوفين شر يا حبيبتي
نور(بابتسامه):الشر ما يجيك
قمر(تصب لبدرية قهوة):تفضلي
بدرية(خذت الفنجال):يعطيك العافية
قمر(قربت من نور تهمس لها): أنا بطلع بروح البيت اجيب لنا اغراض وارجع؟
نور(هزت راسها): اي روحي

(طلعت قمر من الغرفه تتوجه لبيتهم، بدرية ونور أخذتهم السوالف)

بدرية(تحمحمت):نور عادي خلف يجي يتطمن عليك؟
نور(بلعت ريقها بتوتر): خلف موجود؟
بدرية: ايه جالس بالسيارة، لا تشوفين كيف كان خايف عليك يوم الحادث
نور(خذت نفس):عطيني بس حجابي وخليه يجي
بدرية(إبتسمت عطتها الحجاب) واتصلت على خلف: خلف تعال شوي
__________________
(شقة نايف)

(نايف كان يكلم ضوى)

‏نايف : جالس افكر إني أنزل للديرة بنهاية الأسبوع
ضوى(بقلق): تتوقع أنهم يوافقون؟ خاصة نورة
‏نايف(بعدم مبالاة): أنا ما يهمني رأي أحد فيك أو بعلاقتنا أهم شي أنا مقتنع
ضوى(تنهد): انشاءالله كل شي يكون بصالحنا
نايف(بابتسامه): حلمت فيك امس
ضوى(ابتسمت)بفضول: وش كان الحلم؟
نايف(اخذ نفس)بابتسامه يتذكر: كنّا ماسكين يد بعض وركبنا قارب ورحنا بعيد بالنهر مافي احد معانا
ضوى(عضت على شفايفها): ودك نكون سوّا ونروح بعيد؟
نايف(تنهد) بتعب: شلون ما ودي؟
ضوى(بهدوء)تبتسم: ادعي يمكن ربي يستجيب لدعائك
نايف(رفع يده): يارب اكتب لنا الخير

(تنهدت ضوى من كثر الحب والمشاعر اللي كانت تحسها مع نايف دايم يحسسها بأنها شي عظيم بين يدينه)

_________________
المستشفى

(خلف وقف عند الغرفه وطلعت له بدرية تسحبه من يده)

خلف(باستغراب): شفيك انتي؟
بدرية(تسحبه):بسرعه مافي احد داخل ادخل

(خلف ما كان فاهم شي لكن استجاب لها ودخل، طاحت عينه على اللي كانت متسطحه بالسرير مغطية جسمها بغطاء السرير ومتحجبه، لاحظ ملامحها الذبلانه ولونها الشاحب)

خلف(بلع ريقه) بقلق: شلونك؟
نور(تنهدت تهز راسها): بخير
خلف(اخذ نفس) يناظر يدها الملفوفه: الله يكسر يده
نور(لاحظت انه بدرية مو موجودة): وين بدرية؟
خلف(التفت ومالقاها) بعد لحظات ابتسم: شكلي انفضحت
نور(بعدم فهم): مافهمت
خلف(يبتسم بهدوء): اظن انها عرفت بعلاقتنا ومشاعري اتجاهك
نور(بارتباك نزلت راسها): استغفرالله كيف بحط عيني بعينها
خلف(بجدية): نور، الشرطة بتقفل ملف القضية لانه المتهم مو راضي يعطينا اسم اللي مرسله ويقول انه كل شي هو المسؤول عنه
نور(تنهدت)بتعب: لازم نهدأ هالفترة، إذا كان وده بموتي فأنا ما مت بهالمحاولة، ممكن انه يجرب مره ثانيه ونقدر نلقاه بوقتها
خلف(عقد حاجبينه): مافهمت! تبين انه يحاول يضرك!؟
نور(بهدوء): مافي إلا هالحل عشان نمسكه
خلف(بعصبيه): شكله الحادث أثر على عقلك! أنا ماشي إذا رجع عقلك بمكانه كلميني
نور(تأففت تناظر زوله اللي اختفى): وقته يعصب علي؟
__________________
الديرة بيت رماح