لك من اسمك نصيب يانور عيوني وضوى قلبي🤍✨

60

بيت نور وضوى

(دخلت نور البيت بعد ما رجعت مع خلف من الوادي، اول ما جلست على الكنبه بالصالة ماقدرت تمسك نفسها اكثر وبكت إلى ان دخلت ضوى الصاله بسبب صوت بكاءها اللي وصلها الغرفه)

ضوى(قربت منها بخوف): ليه تبكين!؟
نور(تضم ضوى وتبكي): شافني بمنظر ما كنت ابغاه يشوفني فيه
ضوى(بعدم استيعاب تبعدها عن حضنها): وش صار مافهمت شي؟
نور(تحاول تسيطر على شهقاتها):أنا بعد ما شفت خالي مره ثانيه وصار الموضوع اللي تعرفينه وانا مو قادره اتحمل احد يمسح علي او على راسي على طول ادخل بحالة غريبه واخاف
ضوى(عقدت حاجبها): وبعدين؟
نور(تمسح دموعها تكمل): طاحت على راسي ورقة شجر واحنا بالوادي، قمت وفزيت من مكاني زي العاده وصرت امسح على شعري عشان اهدا
ضوى(تنهدت بضيق): قال لك شي؟
نور(بعبوس نزلت راسها): المشكله انه ما قال ولا شي بس وصلني للبيت وكل شوي يناظر فيني مستغرب
ضوى(مسكت يدها): نور، خلف راح يتقدم لك لازم تكونين معاه واضحه بكل شي وتشرحين له اللي جالس يصير معك
نور(نفت براسها): أنا متأكده مع الوقت راح يخف هالشي
ضوى(خذت نفس): براحتك

_______________________________
بيت رماح (الساعه ١٠ المساء)

(الشباب جافاهم النوم وقرروا يكلمون البنات ويسهرون بالحوش مع بعض يتسلون، جالسين بالجلسة الأرضية نايف وخلف وبدر وعبدالعزيز وبدرية ورغد والعنود)

رغد(تسأل بدرية): كلمتي نور وضوى؟
بدرية(هزت راسها): اي جايين
العنود(تصب شاي وتعطي عبدالعزيز): ماحطيت سكر
عبدالعزيز(ابتسم يهمس لها): يكفي انك اللي صبيتيها
العنود(ضحكت بخفه): يا ذا الغزل اللي ما يخلص
نايف(يراقب الباب ينتظر منه اي صوت): وينهم؟
خلف(يهمس له): اثقل شفيك كذا كأنك مقروص
نايف(سمع دقة الباب وفز من مكانه): أنا بفتح
خلف(هز راسه بفقدان امل): ما منك رجى

(فتح نايف الباب ولقى ضوى ماسكة صحن بيدها ووراها نور واقفه بهدوء)

نايف(يبتسم يناظر ضوى): هالمنظر ينشرى بفلوس تدرين؟
ضوى(ضحكت بخفه): سويت فطاير نتسلى فيها
نايف(فتح لهم مجال): تفضلوا جالسين بالحوش
ضوى(اقتربت منهم وجلست): السلام عليكم
نور(جلست بهدوء): السلام
خلف(يسمع سلام الكل عليهم بس عينه تراقب نور): وعليكم السلام

(كانت نور هادئة وما تناظر خلف، كأنها موجوده معاهم كجسد فقط بدون روح، لاحظ خلف اختلافها لكن ما قدر يكلمها لوجود بدر بينهم)

عبدالعزيز(تحمحم يناظر العنود): عندنا خبر نبي نقوله لكم اول ناس
نايف(يناظره باستغراب): وشو؟
عبدالعزيز(مسك يد العنود اللي مأكلها الخجل):انشاءالله عرسنا الشهر الجاي

(بعد ما نطق الجملة علت التبريكات والبنات يبوسون العنود ويحضنونها بينما الشباب يضربون عبدالعزيز على ظهره ويضحكون معاه)