يوم جديد بالرياض (يوم الخميس الساعه ٩ الصباح)
بيت محمد (ابو بدر)
نور(ترد على اتصال ضوى اللي استمر دقايق) بعصبية: نعم ضوى! وش صاير؟
ضوى(بتسرع): يابنتي بكره ملكتك وانا ادري انك للحين ما اشتريتي فستان ولا حجزتي صالون
نور(تتأفف): خباز أنا مصحيتني الساعه ٩ تبيني اروح اشتري فستان!؟
ضوى(تنهدت على برودها): قومي وصحصحي يبغى لك ساعه على ما تستوعبين حياتك شوي وأمرك نروح نتسوق ونخلص كل شي
نور(توسعت أنظارها): لا لا حبيبتي لا تجين ولا ش... الو..الو!؟ موطبيعيه هالبنت!
(تأففت بتعب بعد ما سكرت ضوى الخط بوجهها، قامت وتروشت وتجهزت على ما توصل ضوى)
______________________________
شقة نايف
(كانوا يفطرون مع بعض مع ملاحظة نايف بأنشغال خلف بجواله وانه باله مو معاه)
نايف(ياكل ويناظر خلف): امس بالليل ليه ماجيت سهرت معي؟
خلف(مركز بالجوال): ايه ايه
نايف(رفع حاجبه بعد مالاحظ شرود خلف): ايييه، نسيت اقولك ترا قررت اطلق ضوى
خلف(يهز راسه وعينه عالجوال):زين
نايف(ابتسم باستهزاء): وبتزوج نور
خلف(رفع راسه باستغراب): نور؟ وش فيها؟
نايف(ضحك وهز راسه يمين وشمال): لا انت مو معاي ابد، تركت اني طلقت ضوى بتزوج غيرها وما صحّاك إلا اسمها!
خلف(تأفف) يقوم من مكانه: مو وقتك ترا، عندي شغله بخلصها وارجع
نايف(عقد حاجبه) ينادي عليه: وين رايح!؟ تعال!
(تركه خلف يتسائل عن اللي شاغل باله والمشوار اللي رايح له وطلع)
_____________________________
السوق
(نور وضوى داخلين محل مصممة يشوفون الفساتين الموجوده، نور كل ما ضوى تطلع لها فستان يكون بالنسبه لها مبالغ فيه)
ضوى(تتأفف): تعبتيني كل المحلات مو عاجبتك
نور(تنهدت تدور بعينها): مافي شي بسيط وحلو
ضوى(جلست على كرسي)بتعب: ما اقدر امشي خلاص
نور(طاحت عينها على فستان وتوجهت له): ضوى
ضوى(خذت نفس):ماراح اقوم نور تعبت!
نور(طلعت الفستان ورفعته لضوى)بابتسامه: شوفي!
ضوى(اتسعت أنظارها وشهقت): نور كأنه مصنوع لك! يجنن
نور(ضحكت بخفه): صدق ذوقي بجربه
ضوى(نطقت بحماس): يلا
(طاح اختيارها على الفستان وكملوا باقي الاغراض من كعب وعطور وميكب)
_________________________
الديرة
بيت العمة ليلى
(استغربت ليلى من شافت العنود تبخر المجلس وكانت مضبطة شكلها، ما كانت متوقعه انها عازمه احد)
أنت تقرأ
لك من اسمك نصيب يانور عيوني وضوى قلبي🤍✨
عاطفيةفتاتان هاربتان من ظلم الحياة ذاهبتان إلى قرية لنسيان ما مروا به حتى تهدأ الأمور في حياتهم لكن حدث مالم يكن بالحسبان والتقوا بمن سيغير مجرى قصتهم🤍
