لك من اسمك نصيب يانور عيوني وضوى قلبي🤍✨

37

يوم جديد بالديرة
(يوم الجمعه)

(العنود رجعت لبيتها تجهز نفسها لكتب الكتاب اللي راح يصير الليلة)
ليلى(تتنهد):ماتوقعت اني بزوجك بهالطريقة
العنود(بهدوء):اللي صار ما كان بيدي او بيد عبدالعزيز، لو ما شافه جدي بوقتها كان تغير كل شي
سارة(تمسح على شعرها):يمكن عبدالعزيز يكون الشخص اللي راح يسعدك، ماتعرفين وش ربي كاتب لك
العنود(هزت راسها ما كان ودها تقول لهم على وعد عبدالعزيز لها):صح
_____________
الرياض
بيت ضوى

(صحت من النوم براحه كبيرة بسبب مكالمتها مع نايف امس اللي استمرّت اربع ساعات، مسكت الجوال ولقت رسالة منه "صباح الخير إذا صحيتي كلميني❤️" ابتسمت تغطي وجهها)

ضوى(بابتسامه):قلب احمر!
(اتصلت عليه وهي تلعب بشعرها):صباح الخير
نايف(بابتسامة): صباح الخير والنوّير
ضوى(بتفكير): كيفك؟
نايف(تنهد):لو كنتي معاي كنت راح اكون احسن
ضوى(ضحكت بخفه):اللي يسمع كل هالكلام المعسول ما يقول انك كنت تناقرني ٢٤ ساعه
نايف(ابتسم): من طقك حبك
ضوى(هزت راسها تبتسم):صح، وش عندك اليوم؟
نايف(تنهد):اليوم كتب كتاب عبدالعزيز على العنود
ضوى(عقدت حاجبينها بصدمه): كيف!؟
نايف(بهدوء): جدي رماح طاح على عبدالعزيز كان واقف عند العنود وهي بدون غطا فأجبره انه يكتب كتابه عليها اوّل ما يخلص العزا
ضوى(بعدم استيعاب):كيف كذا! بهالسرعه؟
نايف(يهز راسه): هالمواضيع مافيها مزح عند جدي
ضوى(تأففت)بحيرة: أنا جالسه افكر بالعنود مسكينه مالها ذنب
نايف(ابتسم): بس بيني وبينك، الموضوع فيه فايدة
ضوى(باستغراب):مافهمت
نايف(ضحك بخفه): طلع عبدالعزيز طايح على وجهه ومعجب فيها
ضوى(رفعت حاجبها)بابتسامه: صدق!
نايف: اي والله، انشاءالله انها تكون بداية خير بينهم ويضبطون مع بعض
ضوى(تنهدت تهز راسها):آنشاءالله، متى راجع الرياض؟
نايف(ابتسم):اشتقتي لي؟
ضوى(عضت شفايفها): الرياض مشتاقة لك، خلف مشتاق لك
نايف(تنهد):وضوى؟
ضوى(ابتسمت بتفكير): يمكن
نايف(ابتسم): بس خلاص راضي بيمكن
________________
بيت محمد (ابو بدر)

(نور صحت من النوم وفطرت بعدها جلست على لابتوبها تشتغل على كتابها اللي كان على مشارف الختام)

نور(اتسعت ابتسامتها): خلصت!
(خذت نفس عميق وبعدها عيونها بدت تغرق بدموعها لانه اول مرة تشتغل على شي تحبه وانها خلصته من غير ما تقول الخبر لاحد يعتبر انجاز بالنسبه لها، مشاعرها بالفخر بنفسها كانت بأعلى مستوياتها)

نور(غيرت ملابسها وطلعت من البيت متوجهه لدار النشر،لكن اللي استوقفها صوت شخص ينادي عليها قدام بيتهم)عقدت حاجبينها: خير آنشالله؟
فيصل(بهدوء):ممكن اتكلم معك شوي؟
نور(تأففت):مستعجلة وش عندك؟
فيصل(يناظر مفتاح سيارتها بين يدينها)ابتسم: اللي فيه حَوَل ومايعرف اليسار من اليمين يسوق؟
نور(ارتبكت): وش دخلك؟
فيصل(اخذ نفس):أنا امي اول مره شافتك فيها كانت امس لكن اختي لما سمعت اللي صار معانا اكدّت لي انها شافتك انتي واهلك من قبل بأكثر من مناسبة وانه ما فيك إلا العافيه، بالعكس مدحت أخلاقك وتربيتك بعد
نور(تنهدت)تأشر بيدها للوقت: خلصني، وش أستفيد أنا من هالكلام؟
فيصل(تنهد):ابي افهم، ليه سويتي كل هالمسرحيه؟
نور(ضحكت بسخرية): يمكن لانه ماودي اعجبك؟ ويمكن لاني  رافضة فكرة ارتباطي فيك؟
فيصل(ابتسم): عاد تصدقين؟ عجبتيني امس رغم كل اللي صار اول انطباع لك عندي كان الإعجاب
نور(بعدم استيعاب):وبعدين؟
فيصل(عينه بعينها)بإصرار: ليه ما نعطي بعض فرصه؟
نور(ابتسمت): شكرا ماودي