يوم جديد بالرياض
بيت محمد (ابو بدر)
(صحى الكل من النوم وكانت نور هي اللي مجهزة الفطور وما تركت طبق ماسوّته، امها كانت جالسه تراقبها ومبتسمه على حماسها لانه خلف بيشاركهم بالفطور اليوم)
دلال(تناظر نور تحط ثاني إبريق على الطاولة): سويتي ابريقين شاي؟!
نور(بابتسامه): هذا كرك خلف يحب...
دلال(ضحكت بخفه): عادي قولي خلف يحبه ليه استحيتي؟
نور(تغير الموضوع) باستعجال: يلا الفطور راح يبرد نادي عليهم
دلال(تنادي بصوت عالي): الفطور جاهز!
محمد(طلع من مكتبه وجلس على راس الطاوله): ما شاءالله كل هذا مسوينه
بدر(طلع من غرفته ومعاه خلف) اتسعت أنظاره: يمه وش هالدلع اليوم؟ بانكيك وبيض بكل الانواع وحركات
خلف(جلس بابتسامه ينتظر نور تنضم لهم): يعطيك العافية خالتي
دلال(ضحكت بخفه): إذا انتوا مفكرين اني أنا اللي مجهزة هذا كله فأنتوا غلطانين
نور(طلعت من المطبخ وبيدها صينية فيها الأكواب والسكر)بابتسامة: صباح الخير
خلف(عينه لمعت من شافها) بابتسامه هادئة: صباح النور
نور(جلست تناظرهم ياكلون) بحماس: كيف الطعم
بدر(رفع لها إبهامه بإعجاب): الشكشوكة خورافية
خلف(همس بصوت بس هي تسمعه): تسلم يدك
نور(بارتباك تحاول تخفيه) تصب الكرك: بالعافية
محمد(باستغراب): وين قمر؟
دلال(تنهدت): عندها اختبار اليوم راحت الجامعه من بدري
(بعد ما انتهوا من فطورهم توجهت نور لغرفتها تغير ملابسها عشان تروح مع خلف للمشوار اللي ماعندها علم فيه)
______________________________
الشركة
(ضوى كان معاها كيس وكوبين قهوة توجهت فيهم لمكتب نايف وخلف)
نايف(بعد ماسمع صوت الباب): تفضل
ضوى(فتحت الباب بصعوبه): ساعدني
نايف(قام بسرعه واخذ منها الاغراض)تنهد: كان ناديتيني اخذهم من المندوب
ضوى(جلست على الكرسي المقابل لمكتبه)باستغراب: خلف مو مداوم؟
نايف(هز راسه بنفي): اخذ اجازة يومين
ضوى(فتحت العلبه وخذت منها قطعة معجنات تمدها له): عرس عبدالعزيز هالويكند صح؟
نايف(وهو ياكل): ايه بتجين معي بس شوفي إذا اهلك يبون يجون بعد حياهم الله
ضوى(هزت راسها): بسألهم مع انه ما اتوقع يجون
نايف(بتفكير): شريتي لك فستان؟
ضوى(تنهدت): لا ماصار عندي وقت للسوق
نايف(ابتسم): بعد الدوام نروح مع بعض
______________________________
(قدام بيت محمد ابو بدر)
(خلف انتظرها بالسياره الين طلعت له وفتح لها الباب، لما جلست نور نست تربط حزامها فلما لاحظ خلف قرب منها يربطه لها ارتبكت وبعدت وجهها بسرعه لانها فكرته راح يقرب منها زي امس، ابتسم على حركتها وربط الحزام وابتعد)
أنت تقرأ
لك من اسمك نصيب يانور عيوني وضوى قلبي🤍✨
Roman d'amourفتاتان هاربتان من ظلم الحياة ذاهبتان إلى قرية لنسيان ما مروا به حتى تهدأ الأمور في حياتهم لكن حدث مالم يكن بالحسبان والتقوا بمن سيغير مجرى قصتهم🤍
