لك من اسمك نصيب يانور عيوني وضوى قلبي🤍✨

32

يوم جديد بالديرة
السوق

(وصلت العنود المحل ولقت عبدالعزيز واقف عند باب المحل ينتظرها)
ابتسمت العنود تقرب له:ماشاءالله طلعت نشيط!
عبدالعزيز(تأفف): خلصي علي افتحي الباب ابي اخلص وامشي
العنود(فتحت الباب)تأشر له على أدوات التنظيف:هناك كل اللي راح تحتاجه
عبدالعزيز(تنهد)اخذ الاغراض وبدا ينظف:هذا اللي ماحسبنا حسابه، مطوّل عقابك ذا؟
العنود(تنهدت)ترتب الاغراض:ما عندي علم والله
عبدالعزيز(يناظرها)بفضول: ليه معاقبك جدي؟
العنود(بلعت ريقها)بارتباك: هم دايم يظلموني
عبدالعزيز(ابتسم)يهز راسه: اي واضح، من عميتيني بالبهارات وانا غاسل يدي منك
العنود(تتأفف)مركزة بالأكياس:لا تكثر كلام ركز بشغلك
عبدالعزيز(يمسح نوافذ المحل)يناظرها بحدّة: كلميني زين ترا واضح اني اكبر منك
العنود(بملل تشمق له بعيونها):طيب طيب

___________
الرياض
بيت ناصر (ابو ضوى)

(صحت ضوى من نومها بس مالقت امها، جهزت لها فطورها وجلست تاكل إلى ان دخلت امها من باب البيت)

ضوى(باستغراب):وين رحتي من بدري؟
شادن(بابتسامه)ماسكة أوراق بيدها: رحت المحكمة، تطلقنا رسمياً خلاص
ضوى(هزت راسها بهدوء):مبروك
شادن(جلست جنب ضوى تمسح على راسها): ياحبيبتي ادري ممكن تتغير طريقة حياتك الحين لكن صدقيني للأفضل وماراح أمنعك انك تشوفين ابوك
ضوى(هزت راسها باقتناع)ابتسمت: وش صار بعد؟
شادن(ابتسمت):هذا البيت صار لنا وأبوك بيطلع لسكن ثاني، بيصير فيه نفقه يعطينا اياها كل شهر
ضوى(بتفكير):راح يجي ياخذ اغراضه؟
شادن(هزت راسها بالنفي): أنا الحين بعدّتي مايقدر يدخل بيتي عشان كذا لازم نجهز اغراضه ونحطها له عند الباب يجي ياخذهم من برا
ضوى:اوكيه

_______________
مقر عمل خلف ونايف

(وصلوا خلف ونايف للشركة وجلسوا ينتظرون دورهم بالمقابلة)
نايف(يشرب مويا من التوتر):خلف احس بخفقان!
خلف(ياخذ نفس عميق):أنا بعد
نايف(قام من مكانه):بروح للحمام بسرعه وارجع
خلف:لا تتأخر يمكن ينادون اسمك
نايف(وهو رايح):ماراح اطول

(كان خلف يلعب بمسباحه بتوتر إلى ان وصله اتصال واتسعت ابتسامته من قرا اسمها "نور الليل")
خلف(بابتسامه):صباح الخير وش مصحيك؟
نور(ابتسمت):صباح النور، بروح للجامعه أشوف متى اقدر ارجع اداوم
خلف(عقد حاجبينه): فيك شي؟
نور: لا ليه
خلف(ابتسم):يعني غريبه دقيتي علي
نور(ضحكت بخفة):يمكن لاني ادري انك رايح مقابلة وحسيت انك راح تكون متوتر؟
خلف(ضحك): والله انك صادقه متوترين بالحيل، نايف هاذي رابع مره يروح فيها للحمام
نور(ضحكت): استغفرالله، وش فيكم هدوا أعصابكم مو رايحين حرب!
خلف(اخذ نفس عميق):ليتك معي
نور(بلعت ريقها)تحمحمت بارتباك: اسمعني! قبل لا تدخل عليهم عد من واحد للخمسة واخذ نفس عميق ترا مره بيفرق معاك إذا حاولت تهدي أعصابك
خلف(ابتسم على اهتمامها):انشالله
نور: يلا مع السلامة أنا بطلع الحين
خلف: انتبهي بالطريق
نور(ابتسمت): اوكيه