لك من اسمك نصيب يانور عيوني وضوى قلبي🤍✨

67

يوم جديد بالرياض (يوم السبت)
بيت محمد ( ابو بدر)

(صحت نور من نومها تناظر بالخاتم اللي بأصبعها وابتسمت، مسكت جوالها وارسلت له رسالة محتواها "صباح الخير" مع صورة ليدها بالخاتم، مامرت ثواني وارسل لها نفس الصورة لخاتمه مع رسالته "صباح النور❤️" ولحقها اتصال منه، اعتدلت بجلستها وتنحنحت تحاول يكون صوتها كويس بما انها لسه صاحيه)

نور(بهدوء):الو
خلف(بابتسامه): هلا بحبيبتي
نور(بخجل): هلا فيك، ماتوقعتك صاحي
خلف(ضحك بخفه): أنا أصلا جفاني النوم امس، كل شوي يمر علي طيفك
نور(تغطي وجهها بحياء بيد وحده)تحاول تغير الموضوع: مافيك نوم يعني؟
خلف(فهمها وضحك): لا، شرايك نطلع نتغدا مع بعض؟
نور(باستغراب):اليوم؟
خلف(بابتسامه): اي اليوم، انتي مو خطيبتي؟
نور(تلعب بمفرش السرير بارتباك): إلا
خلف(هز راسه): ما اقدر آخذك ونطلع متى ما نبي؟
نور(كملت بهدوء): إلا
خلف(ابتسم بخبث): مو انتي تعشقيني وتسمعين كلامي؟
نور(بعدم استيعاب): إلا
خلف(ضحك): تحبيني يعني
نور(اتسعت أنظارها نطقت بعصبية): خلف!
خلف(ضحك بخفه): يلا اخليك، بعد ساعه بجي اخذك

(بعد ما قفلت منه، ابتسمت تضحك بينها وبين نفسها على حركاته معاها، الشيء الحلو انه ماتغير معاها أسلوبه حتى بعد ما هي تغيرت معاه غصب عنها وصل متمسك فيها)

_______________________________

شقة نايف

(خلف دخل شقة نايف يدور عليه إلى ان طلع من غرفته)

نايف(بهدوء): وش فيك؟
خلف(ماسك بيده عطره): خلص هذا عندك نفسه صح؟ ابي أتعطر منه
نايف(عطاه العطر بعد ما جابه من الغرفه)يناظره من فوق لتحت: وش هالكشخه على وين؟
خلف(بابتسامه يتعطر): عندي موعد رومانسي على الغداء
نايف(رفع حاجبه): ماشاءالله تبارك الله، أشوفكم صرتوا سمنه على عسل
خلف(ابتسم براحة): شكلها تحسنت لاني ماتوقعت انها تبادر وتكلمني اول ما تصحى، بغيت اموت من الفرحة
نايف(هز راسه): الحمدالله، أنا بروح بيت ضوى بعد، امها عازمتني على اكله جديدة علي تقول لازم اجربها
خلف(باستغراب): وشهي؟
نايف(يحاول يتذكر): شوشي؟ شوسي؟
خلف(ضحك بخفه): سوشي يا حبيبي سوشي
نايف(اشر له بالإيجاب): وصلت خير سوشي، بس هذا وشو تعرفه؟
خلف(كتم ضحكته لانه يدري انه نايف ما راح يعجبه) رد عليه بكذب: هذا رز يطبخونه مثل المندي لكن يحطون معه خضار ولحم
نايف(رفع حاجبه بفهم): اهااا، حلو
خلف(ترك العطر على الطاوله وتوجه للباب): يلا مع السلامة، وبالعافيه مقدما

_______________________________

بيت محمد (ابو بدر)

(نزلت نور بأكشخ عباياتها وريحة عطرها انتشرت بالبيت كله، وهي متوجهة للباب لمحت ابوها وامها بالصاله وراحت لهم)