لك من اسمك نصيب يانور عيوني وضوى قلبي🤍✨

79

(بعد اسبوع)

(السوق)

(خلف كان متحمس بسبب قرب الوقت اللي راح يجمعه بحبيبته، اخذ نايف معاه وراحوا للسوق عشان يشتري الاشياء اللي ناقصته قبل العرس)

نايف(يناظر خلف وهو يجرّب العطور)بابتسامه: جعل هالفرحه ما تفارقك قل امين
خلف(ابتسم براحة) يشم العطر: اللهم امين، اخذ هذا وله هذا؟
نايف(يأشر على واحد من العطور): هذا الملكي فخم
خلف(بعد ما اشترى العطر وطلعوا من المحل)تنهد: ليت العرس بكره
نايف(ضحك): مايمدي ورانا شغل! لازم نروح نفرك ظهرك وجسمك بالحمام الين تنظف وبعدها الحلاق
خلف(عقد حاجبه): حمام؟
نايف(بابتسامه واسعه): ايه، حجزت لنا بحمام سوري بكره
خلف(بعدم فهم): هذا مو للبنات!؟
نايف(هز راسه بخيبة امل): للبنات؟ اسكت بس اسكت
خلف(لمح محل مجوهرات مألوف له) توجه له: تعال
نايف(باستغراب): ليه دخلنا هنا؟
خلف(وقف عند الدِبل): ما بعد اشتري دبلة جديدة، وهي تحب هالمحل
نايف(بجهل): دبلة الخطوبة غير عن دبلة الزواج؟
خلف(ضحك بسخرية): ايه
نايف(ضرب جبهته): زين انك علمتني مادريت
خلف(يأشر على وحدة من الخواتم): لو سمحت ابي اشوف هاذي
نايف(اتسعت أنظاره من شاف الخاتم): ما شاء الله واضح قيمتها من حجم الحجر
خلف(ابتسم برضى) يناظر لمعة الخاتم: باخذه

__________________________________

(بيت عبدالعزيز)

(قبل لا تطلع رغد من البيت ناداها اخوها وطلب انه يكلمها بموضوع، جلسوا بالصالة)

رغد(تناظر الساعه): الله يخليك بسرعه ما ابي اتأخر على الكلاس
عبدالعزيز(ابتسم): في شخص متقدم لك
رغد(ارتخت ملامحها) بهدوء: مين؟
عبدالعزيز(يتذكر): يقول انه دكتورك بالجامعة اسمه راكان ان ما خاب ظني، عرفتيه؟
رغد(اتسعت ملامحها بصدمه):.....
عبدالعزيز(يناظرها سرحانه وماردت عليه): رغد!؟
رغد(انتبهت وبلعت ريقها): عرفته
عبدالعزيز(بابتسامه خفيفه): وشلونه؟
رغد (بعدم فهم): ها؟
عبدالعزيز(تنهد): وشلونه الرجال يعني؟ كفو وله لا، شخص زين ؟
رغد(بخجل هزت راسها): زين
عبدالعزيز(ضحك بخفه): طيب، بسأل عنه اكثر على ما تفكرين بالموضوع، روحي لا تتأخرين
رغد(قامت باستعجال تطلع) تهمس بنفسها: بهالسرعه كَلِّمَه؟!

__________________________________

(بيت محمد "ابو بدر")

(نزلت نور تفتح الباب للمندوب اللي كل يوم يجيب لها بوكيه ورد بشكل مختلف، خذت البوكية اللي كان ممتلئ بورد الليلك، بابتسامه تمشي لداخل البيت وبحضنها الورد)

دلال(ناظرتها تدخل البيت): تكفين نور، خلاص قولي لخلف خلص اوكسجين البيت غرفتك كلها ورد
نور(ابتسمت بخجل تحضن الورد): أنا راضية اموت مخنوقه
دلال(ضحكت لما لمحت البطاقة بيد نور): وش كاتب لك اليوم؟
نور(بعبوس خلت الورقه): خصوصية
دلال(تنهدت): زين يا ام الخصوصية روحي شوفي نادية لطفي الثانية اللي من تقدم لها محمود ياسين ما عاد شفناها
نور(ضحكت من قلبها):خليتيهم نادية لطفي ومحمود ياسين مره وحدة؟!