لك من اسمك نصيب يانور عيوني وضوى قلبي🤍✨

27

يوم جديد في الديرة

عند البنات

(نور صحت مع صياح الديك وطلعت من البيت قبل لا تصحى ضوى،توجهت للسوق عشان تكلم نايف بموضوع ضوى، وقفت عند المحل تنتظره إلى ان اقبل عليها)

نايف(باستغراب): شعندك واقفه هنا مع الصبح؟
نور(تنهدت):وعليكم السلام، ابيك بموضوع
نايف(فتح باب المحل): ادخلي
نور(دخلت وجلست):ابيك تساعدني
نايف(جلس قدامها)باستغراب: فيكم شي؟
نور(تنهدت):ضوى مو راضيه ترجع لاهلها
نايف(عقد حاجبينه):لاحول ولا قوة إلا بالله! شلون يعني بتعيش هنا؟
نور(فقدت أعصابها):ما ادري! إذا رجعت أنا وش بقول لاهلها مثلا!؟
نايف(تنهد):ماعليك بكلمها أنا
نور:تكفى! لازم تقتنع ما اقدر ارجع بدونها
نايف: لا تقولين تكفى، بقنعها انشالله

(طلعت نور من عنده ورجعت البيت)

نور اوّل ما دخلت غرفتها سمعت صوت من النافذه:بسم الله!
فتحتها وشافته(بارتباك):شفيك؟
خلف(صاد بعيونه):قررتوا متى تمشون؟
نور(تنهدت): لا، جالسه اقنع ضوى ترجع معاي الرياض
خلف(ناظرها)باستغراب:ماودها ترجع؟
نور(هزت راسها بالنفي): قلت لنايف يقنعها
خلف(يلعب بمسباحه): الليلة شوفة فهد وساره، أنا اقول نحضر كتب كتابهم وبعدها نمشي وش رايك؟
نور(توسعت أنظارها):والله، سارة انخطبت!
خلف(هز راسه):ايه على فهد صديقي
نور:انشالله يستاهلها
خلف: فهد مافي مثله!
نور:زين، أنا برجع انام مانمت زين
خلف(بقلق):ليه مانمتي؟
نور(تشتت أنظارها):من التفكير
خلف(عينه بعينها): حتى أنا ما نمت من التفكير
نور(سكرت النافذه بتوتر):مع السلامه
____________
السوق

(اوّل ما وصلت ضوى المحل سحب نايف كرسي اشر لها عليه)
نايف:جلسي
ضوى(عقدت حاجبينها):يالله صباح خير شفيك مستشّر علي؟
نايف(جلس واشر على الكرسي قدامه):جلسي عندي موضوع معك
ضوى(جلست)كتفت يدها:وشعندك؟
نايف(اخذ نفس): لازم ترجعين الرياض
ضوى(تأففت):متى امداها تقول لك!
نايف: جاتني مع شق النور، شكلها مانامت طول الليل تفكر فيك
ضوى(بلا مبالاه):أنا ماطلبت من احد يحاتيني،ماودي ارجع وبس
نايف:تسمعين شوري وله لا؟
ضوى(تأففت): قول
نايف:ترجعين معنا واي وقت تطلبين انك ترجعين للديره من عيوني الثنتين امسك خط وارجعك
ضوى(بتفكير):والله؟
نايف(ابتسم):والله
ضوى(ابتسمت باقتناع):إذا كذا اوكيه
___________
بيت العمة ليلى (الساعه ٧ المغرب)

(الوضع في أقصى مراحل الفوضى الكل يركض ويجهز ويبخر البيت)

سارة(بغرفتها تتجهز)دخلت عليها العنود: وصلوا؟
العنود(تمد لها المبخر): يمكن يوصلون بعد شوي
سارة(بتوتر)تبخر شعرها:بموت من التوتر قلبي بيوقف
العنود(ضحكت):ليه كل هالخوف ترا شايفين فهد من قبل
سارة(خذت نفس):وين امي؟
دخلت ليلى(شافت سارة بفستانها وابتسمت):اللهم صلي على محمد، وش هالزين!
سارة(نزلت راسها بحياء):لاتقولين كذا شوي واذوب من الحراره!
العنود(ركضت تشغل التكييف):صدق بتذوبين!