لك من اسمك نصيب يانور عيوني وضوى قلبي🤍✨

80

(بعد مرور اسبوع) "يوم الخميس"

(بيت محمد ابو بدر)

(الوقت مر بسرعة البرق، بكرة عرس نور وخلف، التجهيزات مستمرة إلى الان، نور انشغلت عن خلف كثير وحتى الرسايل بينهم انقطعت تقريبًا وهو عاذرها لانها عروسة واكيد ماعندها وقت، كان خلف عنده وقت فراغ قاتل عشان كذا اغلب وقته كان بالمطعم اللي كل ما له ينشهر ويصير افضل وأفضل)

(غرفة نور)

(دخلت غرفتها بعد ما قالت لها امها انه وصلها بوكيه ورد كبير لدرجة انه شخصين اخذوه لغرفتها، ابتسمت باتساع تتلمس الباقة اللي تعادل حجم جسمها مرتين)

نور(تضحك على حجم البوكيه) تاخذ الكرت اللي عليها: مجنون
(تقرا الرسالة):

(يا حبيبة شعري وغالي خريدة
يا اشتياق الروح يا داعي حناني
يا عروس في خيالاتي فريدة
زفّها ركب الغرام إلى مكاني
انتي والأيام في وجهي عنيدة
والليالي سارية والعمر فاني)

نور(احتضنت الورقة تاخذ انفاسها بهدوء): اقترب لقانا اقترب

________________________________

(شقة خلف)

(انفتح باب الشقه ودخل منه خلف يسحب معاه شنطة امه نجد واغراضها)

خلف(بابتسامة): حياك يمه!
نجد(دخلت الشقه تفتح يدها لبدرية): تعالي يا بعد عيني
بدرية(توجهت لامها تحتضنها): اشتقت لك يمه
نجد(ابتعدت عنها تناظرها): وانا اشتقت لك بالحيل
خلف(تنهد): ليه ما تسكنين معانا هنا وتنتهي هالقطاعه؟
نجد(تنفي براسها بخفه): جدك ماله احد، انت تدري عمتك عندها بيتها وزوجها وانا حالي حال جدك اخذت اغراضي وسكنت معه
بدرية(بابتسامه): زين تسوين
خلف(بهدوء): لكن أنا احس تسكنين مع بدرية هنا الين تتزوج هي وبدر احسن من انها تجلس لحالها بالشقه
نجد(هزت راسها برضى): ان شاء الله
خلف(نطق قبل لا يطلع): بروح اشوف إذا نايف نزّل اغراض جدي وراحوا لشقته، عشان نجيب لنا غداء
بدرية(ناظرت امها بحماس): مو مستوعبه انه بكره خلف بيعرس
نجد(تنهدت بابتسامه): الحمدالله اللي خلاني اشوف هاليوم والفأل لك
بدرية(ابتسمت بخجل): امين

__________________________________

بيت محمد (ابو بدر) الساعة ١١ بالليل

(نور جفاها النوم بسبب كثرة تفكيرها ببكرة، قررت انها تنزل للصالة وتجلس شوي الين يجيها النوم، تفاجأة بأنه الكل جالس بالصالة ومو نايمين نفس ما توقعت، وقفت مكانها تسمع نقاشهم بهدوء)

بدر(تنهد): بكره راح نرجع البيت وناقصنا شخص
قمر(متكيه بيدها على الكنبه) نطقت وهي سرحانه: مافي احد يسوي لي اكل آخر الليل ويتابع معي فلم غيرها
محمد(ابتسم): فطور الصباح معاها وهي مستعجلة غير
دلال (تمسح دموعها بهدوء): غرفتها راح تفضى بعد الفوضى اللي كانت فيها
نور(دخلت الصالة تناظرهم بأعين دامعه): ما راح اتزوج خلاص
بدر(باستغراب): انتي ما نمتي؟!
نور(اتجهت لاحضان امها): اتصلي بخلف وقولي له هونت
دلال(مسحت دموعها بسرعه) تبتعد عنها: لا لا نور
محمد(يبتسم يمسح على شعرها): راح تزورينا كل يوم ان شاء الله، وما راح نحس بغيابك
قمر(ضحكت تناظرها): ممكن نطردك إذا طفشتينا بعد!
نور(بعبوس): وش فيكم غيرتوا كلامكم؟
بدر(اخذ نفس ونطق بثقه): اللي مخلينا مرتاحين انه اللي راح ياخذك خلف، مو اي احد
دلال(تبتسم تمسك يد نور): صح، حطيه بعيونك الولد مافي مثله
نور(هزت راسها بهدوء): ان شاء الله
قمر(وقفت تتوجه للمطبخ بحماس): بما انه كلنا صاحين بسوي لنا فشار!
محمد(يناظر نور): قومي معاها لا تفجر المطبخ!
نور(ضحكت تمسح دموعها) وقامت تلحق قمر: انتظري