يوم جديد فوق السحاب
الطيارة(الساعة ٣ الفجر)
(كان نور نايمه ورأسها على كتف خلف، حسّت بحركة هبوط الطيارة، فتحت عينها بهدوء تناظر خلف)
خلف(بابتسامه): صح النوم
نور(تمدد رقبتها بتعب): كم الساعة؟
خلف(يمد لها الجوال عشان تشوف الساعة): ٣ الفجر بالسعودية لكن هنا الساعة عندهم ٦ الصباح
نور(شهقت): أنا نمت سبع ساعات!
خلف(ضحك): كل الطيارة شاهدين على شخيرك
نور(ضربته على كتفه): أنا ما اشخّر
خلف(يناظر الناس ينزلون من الطيارة): يلا قومي، ترا نزلت لك من الشنطة جاكيت زيادة البسيه
نور(خذت الجاكيت و تمشي للبوابة) باستغراب: برد برا؟
خلف(ابتسم بسخرية): اطلعي وشوفي
(اول ما وصلت نور للبوابه اتسعت أنظارها من الهواء القوي والثلوج اللي حوالينها، تمسكت بالجاكيت بكل قوتها تحاول تنزل من الدرج، خلف وقف جنبها ومسكها الين ما وصلوا للباص اللي راح يوديهم للمطار، ونور لمحت قبل لا تركب الباص الجملة اللي مكتوبة عليه (!welcome to London), غطت فمها بيدينها وركبت الباص تناظر خلف اللي كان مبتسم يترقب ردة فعلها)
نور(بأعين دامعه): لندن! أنا بلندن!
خلف(ضحك بخفه يناظر حماسها): احنا بلندن مدينة الحب
نور(حضنته بعبوس): ادري انك متعمد مو صدفة
خلف(ابتسم يمسح على راسها): لما دخلت غرفتك كل الصور اللي على مكتبك والمراية كانت لندن والكلمات اللي كاتبتها على لوحاتك عن لندن خلتني اعرف وش كثر ودك تزورينها
نور(رفعت راسها بابتسامه): ما يفوتك شيء
خلف(يقرص انفها بخفه): عيب عليك أنا خلف
نور(هزت راسها وتنهدت بابتسامة): لك من اسمك نصيب
خلف(عقد حاجبه): اسمي له معنى؟
نور(عضت على شفايفها تتذكر المعنى): العوَض.... الدنيا عوضتني فيك
خلف(مسك يدها وباسها قبل لا ينزلون من الباص): على فكرة ما انتهت المفاجآت هنا
نور(رفعت حاجبها): بعد!
خلف(هز راسه): ايه
نور(بعدم صبر): وشو علمني
خلف(بنفي): انسي
نور(تتأفف): ياربي خلففف!
خلف(يضحك ويسحبها معاه):.....
__________________________________
الرياض
بيت عبدالعزيز (الساعة ٧ المساء)
(بالمجلس اجتمعوا عبدالعزيز و راكان وابوه واخوانه ورماح ونايف وفهد بينما بالصالة العنود ورغد و سارة وضوى و ليلى وبدرية و نجد وأم راكان، ينتظرون الشيخ يوصل عشان يعقدون قران رغد وراكان)
(الصالة)
ضوى(تهمس لسارة): حمدالله الام شكلها حبّت رغد، أنا خفت من شكلها بالبداية حسيتها قاسية
سارة(هزت راسها): اي ملامحها ونظراتها حادة لكن من شافت رغد اسفهل وجهها الحمدالله
العنود(دخلت لهم صينية القهوة)بتعب: بنات ساعدوني
ضوى(قامت تصب القهوة): اجلسي انتي، وجهك واضح تعبان
العنود(جلست جنب سارة) تهف بيدها على وجهها: بموت من الحر ومع اني ما سويت إلا القهوة حسيت اني دخت
ليلى(عقدت حاجبها تمد يدها تتحسس حرارتها): مافيك حرارة يا بنتي
العنود(بعد تفكير)همست لسارة: أنا بروح الغرفه شوي وارجع باشري الضيوف
سارة(هزت راسها): ابشري
أنت تقرأ
لك من اسمك نصيب يانور عيوني وضوى قلبي🤍✨
Romansaفتاتان هاربتان من ظلم الحياة ذاهبتان إلى قرية لنسيان ما مروا به حتى تهدأ الأمور في حياتهم لكن حدث مالم يكن بالحسبان والتقوا بمن سيغير مجرى قصتهم🤍
