الرياض(مر مايقارب الأسبوع منذ اختفاء البنات)
بيت ابو ضوى:
جالسين ناصر وشادن يفطرون مع بعض بصمت اعتادوا عليه من اختفى صوت ضوى من البيت لين ما قاطع هالصمت صوت اتصال صادر من جوال ناصر اللي قام واتوجّه لمكتبه يرد على الاتصال الصادر من المجهول
ناصر(باستغراب):شفيك داق علي من الصبح؟ لقيت شي؟
المجهول (بنبره تجتاحها التوتر):اسمع، أنا ما اقدر اوضح اللقطه اكثر من اللي وصلت له الحين!
ناصر:طيب؟
المجهول(بارتباك): بس اللي شفته بهاللقطه لازم تشوفه انت وبأسرع وقت
ناصر(بدأ الخوف يتملكه): برسلك موقع وتعال لي هناك
سكر من الاتصال وبسرعه غيّر ملابسه وطلع من غير ما يرد على شادن اللي كانت تنادي عليه مستغربه من خروجه المفاجئ
___________
المقهى
ناصر جالس على أعصابه ينتظر لين ما دخل شخص لابس بلوفر ومخبئ وجهه بكمامه سوده حامل بيده لابتوب، من شاف ناصر توجه له وجلس
ناصر(بتسرّع):وش الشي اللي شفته و مايتحمل التأجيل!؟
المجهول(يفتح اللابتوب ويشرح):اللقطه اللي لقيتها بيّنت لي ظل شخص مر من هالشارع قبل وصول سيارة البنات
ناصر: وبعدين؟ وين المشكله؟
المجهول(تنهد)يكمل: بعد توضيح اللقطات لقيت انه الشخص كان ساحب معاه جسد شخص ورماه بنص الشارع!
ناصر(بارتعاب):جثه!
المجهول(بعدم يقين): مافي شي يوضح لنا إذا كان حي وله ميت بوقتها لكن الرجال تركه وهرب وبعدها جات سيارة البنات و كأنها صدمة الجثه
ناصر(بنفاذ صبر): وش اللي تبي توصل له من هالكلام!؟
المجهول: أنا اقول شكله بناتكم تورطوا وهربوا لانهم خافوا! الموضوع كبير وانصحكم تدورونهم بدون تدخل الشرطه لانه مانعرف وش اللي صار معاهم بالضبط
ناصر(بتفكير)وتوتر:خلاص أنا بتصرف، انتهى دورك شكرا على كل شي وفلوسك بتوصل لك اليوم
المجهول:برسل لك اللقطات، سلام
ناصر ضل جالس محله غارق بألف فكره وفكره ومو عارف كيف يتصرف
__________
بيت ابو بدر
محمد جالس فالصاله اللي بالدور الثاني يشتغل على اوراق لين ما فصله عن تركيزه دخول بدر عليه
بدر: يبه!
محمد(لف عليه): نعم؟
بدر: عمي ناصر ابو ضوى تحت يبيك
محمد(باستغراب): وش جابه من الصبح!
بدر(بعدم معرفه رفع أكتافه): مادري والله بس قال لي انه عنده موضوع مهم بيكلمك فيه
محمد: خير انشالله، روح قول لامك تجهز لنا قهوه
نزل محمد للمجلس وسلّم على ناصر وسأله عن أخباره
ناصر(بتوتر):عندي اخبار ما تسّرك والله
محمد(توجسته الريبه): عن البنات؟
ناصر(هز راسه بإيجاب): لقيت كم لقطه لسيارة نور وتعاملت مع واحد شاطر وضحها لي
محمد(بتعجب): كيف قدر! الشرطه قالوا انه اللقطات محذوفه وملعوب فيها وما نقدر نوضّحهم
ناصر: هذا من اشطر المبرمجين بالسعوديه بس يشتغل لحاله و شاك فيه أنا انه مطلوب للعدالة لانه ما صرح لي بإسمه ولا كشف لي عن وجهه
محمد: وايش لقيتوا باللقطات؟
ناصر(تنهد): اظن انه البنات متورطين! عشان كذا اختفوا
محمد(بخوف): متورطين بإيش!
ناصر(بلع ريقه): في احد ملبّسهم جريمة قتل
محمد(بجزع)حط يده على راسه: ايش! شقاعد تقول انت؟
ناصر:في احد رمى جثة بالطريق السريع والبنات صدموها اظن انهم خافوا لا ينسجنون وهربوا
محمد: ياربي وش هالسالفه اللي طلعت لنا! كيف بنتصرف الحين؟
ناصر(تنهد):أنا اقول افضل شي اننا نروح للشرطة ونسكر الملف، بعدها ندور البنات بأنفسنا بدون لا ندخل الشرطه بالموضوع
محمد(بتفكير)ووجهه صار اصفر من اللي سمعه: شورك وهداية الله، ماندري وش القصة اللي صايره لهم اخاف نورّطهم مع الشرطة بدال لا ننقذهم
ناصر: وانا هذا رايي
أنت تقرأ
لك من اسمك نصيب يانور عيوني وضوى قلبي🤍✨
Romanceفتاتان هاربتان من ظلم الحياة ذاهبتان إلى قرية لنسيان ما مروا به حتى تهدأ الأمور في حياتهم لكن حدث مالم يكن بالحسبان والتقوا بمن سيغير مجرى قصتهم🤍
