لك من اسمك نصيب يانور عيوني وضوى قلبي🤍✨

62

يوم جديد بالرياض (يوم الجمعة)

بيت ضوى

(صَحَت ضوى من النوم قبل امها وجهزت صينية فطور مَلَكيّة واخذتها لغرفة امها، دخلت وحطت الفطور على جنب وقربت من امها تصحيها)

ضوى(بابتسامه): صباح الخير يا عروسة
شادن(عقدت حاجبها)بنعاس: ضوى شفيك؟
ضوى(ضحكت بخفه): عرسك اليوم نسيتي؟
شادن(اعتدلت بالسرير تبتسم): مانسيت بس صاحيه بدري كأنك
ضوى(هذا الصينية وقربتها للسرير): مو بدري يالله افطري وخذي شاور عشان نبدا يومنا ونلحق على المواعيد
شادن(تناظر ضوى اللي طلعت من الغرفه مروقه)ابتسمت: مبسوطة اكثر مني

____________________________
شقة خلف وبدرية

(وصلت امهم نجد مع جدهم رماح من الديرة على اساس يتعرفون على اهل نور اكثر، ولما وصل الخبر لضوى أصرّت على حضورهم لعرس امها)

نجد(تشرب شاي)تتنهد: يعني احس فشلة نروح العرس عشان عرفت اننا موجودين بالرياض بأخر لحظه
بدرية(نفت):مو فشلة ولاشي واصلا العرس مو كثير اللي بيحضرونه محفوف
نجد(تبتسم تناظر خلف): وشلونك مع نور؟
خلف(انتبه لامه وابتسم بخفه): زين الحمدالله
بدرية(تسحب امها لغرفتها): تعالي بوريك الفستان اللي بلبسه اليوم
نجد(تنهدت بتعب): خليني ارتاح شوي طيب ما صارلي ربع ساعه من وصلت
بدرية(بعناد وحماس): ارتحتي ارتحتي يلا
نجد(تأففت تقوم معاها): زين

(خلف ضل صافن بالفراغ بعد سؤال امه له لانه ما صار اي تواصل بينه وبين نور من آخر حوار بينهم بالسيارة، كم رسالة يردون فيها على بعض بس، خلف حاس بمسؤولية اتجاه اللي حاسة فيه نور ويحاول يلقى طريقه يساعدها فيها ترجعها نور القديمة اللي تحب الضحك والحياة وتنسى اللي فات)

_______________________________
الصالون

(ضوى وامها ونور جالسين جنب بعض يضبطون شعرهم، طول الوقت كانت ضوى تضحك وتشغل اغاني وترقص عليهم وهالشي خلى شادن تحس بأنها اتخذت القرار الصح بزواجها من حمد، نور كانت تحاول تتناسى اللي صاير معاها وتنبسط معاهم)

ضوى(تسأل نور): تحسين اقص لي غرّة؟
نور(توسعت أنظارها): لا! لاتستهبلين بيوم مهم
ضوى(ضحكت بخفه): طيب طيب خلاص
شادن(تلقي نظره اخيره على شعرها): بنات حلو؟
نور(ابتسمت باتساع): ياخذ العقل! ماشاءالله
ضوى(بعبوس): حلو مره
شادن(قربت منها تضمها): مو وقت بكى شوي ونحط ميكب، بتطلعين للناس بعيون حمرا ومنتفخه؟
ضوى(نفت براسها تبعد امها): لا روحي سوّي أظافرك بعيد عني ما ابغى ابكي
شادن(تضحك وتروح عند الأظافر): طيب
نور(تنهدت): عزمتي احد مو من عايلتكم؟
ضوى(عقدت حاجبها بتفكير): لا بس بدرية وامها
نور(توسعت أنظارها): وصلت امهم؟
ضوى(هزت راسها):اي اليوم هي ورماح وصلوا وعزمناهم
نور(بتوتر عضت شفايفها): تحسّين انها راح تحبني؟
ضوى(ضحكت): اكيد بتحبك، حاصل لها وحده مثلك لولدها؟ وبعدين اللي اذكره انها طيبه وعلى نياتها مو من نوعية نورة
نور(هزت راسها باقتناع): صح، طيب اي لون احط مناكير؟
ضوى(تناظر الالوان):انتي فستانك بيج، سويهم فرنش شرايك؟
نور(همهمت بتفكير): اوكيه