لك من اسمك نصيب يانور عيوني وضوى قلبي🤍✨

20

يوم جديد بالديرة

نايف صحى من النوم بس لقى فراش خلف فاضي استغرب وقام تغسل وراح للصالة شاف خلف وجدته نورة جالسين

نايف(بنعاس): صباح الخير!
نورة: صباح النور والسرور تعال يا حبيبي اقعد وبجيب الفطور
نايف(باستغراب): وش عندك صاحي بدري؟
خلف: ما قدرت انام زين امس تقريبا مواصل
(جابت نورة الفطور وجلسوا ياكلون، لما قربوا يخلصون نورة اشرّت لخلف بيدها كإشارة متفق عليها بينهم)
خلف(بتوتر): نايف
نايف(مركز بالاكل): نعم؟
خلف(بارتباك): عندي لك موضوع
نايف(ناظر فيه بتركيز): وش موضوعه؟
نورة(تنهدت): صل على النبي يا حبيبي
نايف(باستغراب): شفيكم!؟
خلف(بلع ريقه): ابوك
نايف(عقد بين حاجبينه): ابوي؟ وشفيه؟!
خلف(تنهد) قرر يبدا بالموضوع: اكتشفنا انه كان متزوج غير امك
نايف(بصدمه توسعت محاجر عيونه): وشو!؟
نورة(مسكت يده): يا نظر عيني هدي وكل شي يصير بالهدوء
نايف(بعدم استيعاب): متى عرفتوا؟!
خلف: لها شهر وهي تجيني للمزرعه تتوعد وتهدد لانها تبي نصيبها من الورث! بس ماعرفت كيف أفاتحك بالموضوع
نايف سكت للحظات بعدها نطق(بخيبة امل): متى تزوجها؟
خلف(تنهد): قبل لا تنولد انت بسنه
نايف(بغصه): ليه خباها؟
نورة: أنا اللي مارضيت! امك مسيكينه لو درت كان ماتت قبل وقتها
خلف(يكمل): نايف ماعادك وحيد!
نايف(باستغراب): وش المطلوب مني اسكن معها؟!
خلف(عينه بعين نايف): عندك اخوان
نايف(اعتلت ملامح الصدمه على وجهه): اخوان!
نورة(تهز راسها بالإيجاب): عبدالعزيز و رغد

نايف(قام من مكانه وطلع بسرعه من البيت)
نورة(بخوف): خلف الحقه لا يسوي بنفسه شي
خلف ( قام وطلع وراه لكن من قرب منه نايف دفعه، حس انه يحتاج يضل وقت لحاله فتركه)
____________
السوق
(وصلت ضوى واستغربت لانه المحل مقفل ونايف مو موجود ففتحت المحل وجلست تنتظر نايف اللي ما وصل إلا بعد ساعه)

ضوى(تخصرت): بدري!
نايف(بعصبيه): يرحم امك وأبوك اتركيني بحالي!
ضوى(عقدت حاجبينها): شصاير معك انت؟
نايف(يحس انه صدره يغلي) : لا تكلميني!
ضوى(جلست جنبه بهدوء ): علمني
نايف(انفجر عليها): ولاشي بس فجأه من الفراغ طلع عندي زوجة اب وأخوان!
ضوى(توسعت محاجر عيونها بصدمه): ايش! مين اللي قالك كذا!؟
نايف( يمسح على راسه بعصبيه): خلف وجدتي نورة كانوا يعرفون من فتره ومخبين علي!
ضوى(قامت جابت له مويا): اشرب واستهدي بالله!
نايف( اخذ المويا لانه صدق حلقة ناشف): وش اللي اهدا انتي مستوعبه اللي صار؟ إنسان وحيد فجأة طلعوا لي ناس مدري من وين
ضوى(سكتت لانه مو وقت انها تناقشه): ممكن تهدا؟ ماراح يصير شي انت ما تبغاه ولا احد راح يجبرك على شي
نايف(ضحك بسخرية): جات عشان الورث، طمعوا باللي تركه لي ابوي
ضوى: هم اخوانك، لهم حق زيهم زيّك ولو تفكر فيها ماتكلموا ولا طلع لهم حس إلا بعد سنين، يمكن صاروا بحاجة الفلوس!
نايف(ينهد) بدأ يهدأ: وش اسوي الحين؟ عجزت اعرف
ضوى: ودك بشوري؟
نايف( ناظر فيها): قولي
ضوى: روح لهم
نايف(عقد حاجبينه): وين؟
ضوى: بيتهم
نايف(بعصبيه): تستهبلين؟ أنا اروح عندهم! ليه؟
ضوى(رفعت صوتها بنفس مستوى صوته): عشان بدال ما تنفجر هنا عند ناس مالهم دخل،  تنفجر عليهم وتسألهم كل اسئلتك!
نايف(تنهد ورجع يهدئ من نفسه)
ضوى(تنهدت): استغفر الله، افهمني! أجوبتك كلها هناك
نايف(ضل شارد التفكير باقتراحها، حاس بضياع و بخيانه باتجاه ابوه)
___________
بيت العمة ليلى