بيت ابو خلف:
نجد(ام خلف) تنادي بصوت عالي: بدرية! وين الخيار بطيتي!
بدرية جايه للمطبخ ركض: جيتك جيتك
نجد :يلا عاد! مابيطيح الغدا إلا المغرب على برودك
سمعوا صوت باب البيت يتسكر وصوت خطوات متوجهة لهم
بدرية تخبت ورا امها(بخوف): يمه! لايكون حرامي!
نجد: لا ما أتوقع يمكن جدتك نوره
دخل عليهم خلف(بابتسامه): لايكون تغديتوا عني!
نجد(بفرحة) ضمته: هلا يا بعد زولي! يا هلا بنظر عيني! متى جيت ليه ما علمتني؟
بدرية(ببكاء): اخيرا جيت يا زفت اشتقت لك!ورا ما علمتني
خلف(يضحك): الحين وش فيك تبكين! قلت اخليها مفاجأه وبعدين امس تخرجت ماصدقت اخلص وجيتكم طاير
نجد: مبروك يا بعد حيي مبروك
خلف: الله يبارك فيك يا ميمتي
بدرية(بابتسامه):يعني الحين أنا أخت مدير الأعمال خلف؟
خلف(ضحك) ورفع كتوفه لفوق: ايه نعم طال عمرك بس مدير الأعمال اسبوع الجاي عنده اجتماع مع غنم جدك رماح
بدرية ماتت ضحك على طريقة كلامه لانه فعلا يملك شهادة لكن جده ماراح يسمح له يشتغل فيها وهذا كان اتفاقه معاهم قبل اربع سنين
نجد: يلا يا امي روح ارتاح لين ما نزيّن الغدا واناديك مسوية لك كبسه يحبها قلبك شكلك ضعفان مو عاجبني
خلف: ايه والله ياميمتي هناك نايف ذبحني كل يوم يا بيض طماط يا طماط بالبيض
بدرية (بإعجاب وضحكة): يقلبها لك تصير طبق جديد حبيت
————
يوم جديد بالرياض
صحت نور تتجهز للجامعه لبست عباية جديده توها شاريتها وطبعا من العادات والتقاليد عند نور مع كل عباية جديده لازم تمر تشتري كوفي عشان تكمل الكشخه
طلبت لها قهوه و توجهت للكلية، خلصت محاضراتها واتصلت على ضوى
نور:هلا ها خلصتي محاضراتك؟
ضوى(بهمس): باقي خمس دقايق ويخلص الزفت انتظريني بره
نور:يلا تمام اجل بجيك
ضوى:اوك
ركبت نور سيارتها وتوجهت لكلية ضوى (كلية القانون)
دقايق وجات ضوى وركبت جنبها بوجه خالي من التعابير
نور: وش صاير لاحول الله ليه وجهك سادة؟
ضوى(عطتها نظرة حاده): شقصدك يعني موعاجبك وجهي؟
نور(باستغراب):اعوذ بالله شفيك؟ اكيد احد بالبيت رافع ضغطك
ضوى(تنهدت): ابوي
نور(بعصبيه): وش فيه بعد ذا لايكون في شي موعاجبه لا سمح الله! فوق انه مدخلك تخصص مو من اهتماماتك ومايخليك تصادقين احد على كيفك ويبغاك حجر ماتحسين ولا تطلعين ولا تتكلمين وش يبي زياده؟
ضوى(بدت تبكي): ما ادري نور والله تعبت تعبت وانا احاول ارضي الكل خلاص
نور وقفت السياره على جنب وضمتها: لا تبكين! ياحبيبتي لازم توقفين بوجهه هاذي مو حياة شوفيني كيف مكروهه من قبل كل الناس بس عشان داخله تخصص احبه بس اهم شي أنا راضيه باللي اسويه
ضوى: ماقدر... انتي عندك اخوان دخلوا تخصص احلام اهلك أنا ماعندهم غيري معلقين امالهم علي! مابي اشوف خيبة الامل على وجههم
نور: صلي على النبي وخلينا نروح نفطر بمكاننا ونتفاهم
توجهوا لمطعمهم المعتاد وجلسوا على طاولة المفروض مكتوبة بأسمهم من كثر ترددهم لها،
بعد نقاش مفصل وفضفضة دفعوا حسابهم ووصلت نور ضوى لبيتها وتوجهت هي للبيت
دخلت وسمعت امها تكلم احد فالتليفون وابتسمت لها من دخلت
دلال (بابتسامه): اي يا هلا فيكم والله والنعم انشالله اشاور البنت وابوها وارد لك خبر، الله يسلمك مع السلامه
جلست نور وفصخت عبايتها تناظر امها باستغراب من ابتساماتها اللي مو متعوده عليها
نور: مين تكلمين؟
دلال (بفرحة): جايك معرس!
نور(بصدمه): ايش! مين؟ وليه؟ ومتى؟ وشلون!؟وش قلتي لها؟
دلال(تضحك): صلي على النبي! مين؟ هذا ولد ام سلطان جارتنا، ليه؟ شافتك وعجبتيها، متى؟ توها متصلة فيني مثل ما تشوفين وقلت لها اشوف البنت وابوها وارد لكم خبر
نور بدون تردد: قولي لها لا!
دلال (بعد إعجاب) رفعت حاجبها: وليه انشالله؟ الولد دكتوووور ومناسب لك
نور(ابتسمت): اهااا دكتور عرفت الحين ليه تبيني أوافق
دلال: شقصدك؟
نور: قصدي انه قلتي دامها مو دكتوره نزوجها دكتور
دلال: طيب وش فيها؟
نورتوجهت لغرفتها وقالت بصوت عالي: مابي اتزوج على هالاساس! ماراح أوافق!
دلال:مو بكيفك! بكلم ابوك وتشوفين!
—————-
بالديرة
ليلى دخلت بيت ابوها رماح وقالت بصوت عالي: سمعت انه نايف وخلف وصلوا وينهم!؟
نورة شافتها وضحكت: ايه وصلوا الظهر بس ناموا انتظري شوي ويصحون
ليلى: زين اجل بروح أزيّن لنا قهوه، وين ابوي؟
نورة: قد افلح للمزرعة
طلع نايف من غرفته من سمع صوت عمته ليلى واهو يفرك عيونه: عمتي ليلى جيتي!؟
ليلى طلعت من المطبخ (بابتسامه): هلا يابعد عيني جيتك! وشلونك
ضمته وجلست تناظره من فوق لتحت وضحك عليها نايف
نايف: وش فيك يا عمه تناظريني كذا؟
ليلى تطالع بأمها(بقلق): كأنه ضعفان وله يتهيأ لي؟
نورة: بلاك ماشفتي خلف جا نصه مهوب خلف اللي نعرفه
ليلى(شهقت):ليه ما في اكل هناك؟
نايف يحك راسه يضحك: والله يا عميمة مقضينها بيض خلف ما يعرف يطبخ وانا ما احب اكل المطاعم وماعرف اسوي غير بيض بالطماط
نورة: ياويل حالي كان علمتوني كان عطيتكم اكل بسخانات واكل مفرزن
نايف: ماعليه عدت ذيك الايام على خير وجيناكم الحين أكلونا لين ماعاد ندخل من الباب
ليلى: من عيونييييي انتم تأمرون امر كم نايف وخلف عندي؟
نايف: يابعد حيي والله اغسّل بس واجيك
ليلى: يلا أنا بزيّن لنا قهوه، كلم خلف خله يجي
نايف:تم
أنت تقرأ
لك من اسمك نصيب يانور عيوني وضوى قلبي🤍✨
Romanceفتاتان هاربتان من ظلم الحياة ذاهبتان إلى قرية لنسيان ما مروا به حتى تهدأ الأمور في حياتهم لكن حدث مالم يكن بالحسبان والتقوا بمن سيغير مجرى قصتهم🤍
