لك من اسمك نصيب يانور عيوني وضوى قلبي🤍✨

50

يوم جديد بالديرة
بيت رماح

(بعد ما صحى الكل وتجمعوا على سفرة الفطور كانوا ملاحظين تصدد نورة عن نايف وخلف وتجاهلها لهم وتعاملها الجاف، نايف وخلف بعد اي فعل او نظره من نورة يناظرون ببعض كأنهم يسولفون بعيونهم ويقولون "اها كذا الوضع صار من هنا ورايح؟")

خلف(تنهد بضيق)يهمس لنايف: أنا ودي امشي اليوم للرياض ماودي أضل لبكرة
نايف(باستغراب): بس اليوم الجمعه ليه نرجع؟
خلف(يناظره بفقدان امل):يعني انت شايف جلستنا هنا لها فايدة؟
نايف(نزل راسه):صادق
خلف(ياكل بهدوء):أنا اقول نرجع ونخلي الجو يهدأ وبعدها نفتح الموضوع مره ثانيه، خليها تقلب الموضوع براسها لين تستوعب اننا مصرين على قرارنا
نايف(هز راسه باقتناع): خلاص تم بعد ما نصلي الظهر ضبط وضع ليل بالإسطبل عشان ناخذها ونحرّك
نورة(تناظر عبدالعزيز باهتمام): شفيك يا حبيبي ما تاكل؟
عبدالعزيز(يفرك عينه بتعب ويكح) بصوت مبحوح: كبدي حايمه من الأدوية مو قادر اني اكل اللقمة، عليكم بالعافية
رغد(تنهدت بغضب):انت وش مطلعك بالمطر ودي افهم!
عبدالعزيز(قام من مكانه متوجه لغرفته): لا تنافخين فوق راسي يكفيني الصداع
رماح(يشرب شاي)يناظر خلف:متى بتمشون يابوي؟
خلف(رفع عينه له): اليوم بعد صلاة الظهر انشاءالله
رماح(عقد حاجبه): اليوم؟
نايف(يحاول يبرر): ايه يبه عندنا شغل لازم نرجع بدري ونخلصه
نورة(عينها على الاكل)بعدم اهتمام: ما تشوفون شر الله معاكم

_____________________
الرياض
بيت ضوى

(صحت ضوى من نومها ونزلت تفطر مع امها على طاولة الطعام)

ضوى(وهي تاكل اكلها):يمه
شادن(تصب الشاي): هلا
ضوى(رفعت عينها باهتمام لامها): تتوقعين تهاني صادقه وله كانت تمزح زي ما قالت امس؟
شادن(تنهدت):والله علمي علمك، طريقتها كانت تبين لي انها كانت تتكلم بجدية لكن من سكتنا واني ما عطيت ردة فعل غير اني تفاجأت شكلها استحت وقالت انها كانت تمزح
ضوى(هزت راسها بتفهم): بس انتي وش رايك بالموضوع؟
شادن(عقدت حاجبينها): اي موضوع؟
ضوى(تشرب شاي وتناظر امها باهتمام):زواجك من ابو تهاني
شادن(توسعت أنظارها بصدمه): انتي وش جالسه تقولين! من جدك تسأليني هالسؤال؟
ضوى(رفعت حاجبها): وش فيها؟ أنا ما أشوف شي غلط، انتي لسه حلوه وشكلك اصغر من عمرك، ليه ما تعطين نفسك فرصة ثانية انها تعيش؟
شادن(عضت على شفايفها بعدم تصديق): ضوى انتي جالسه تسمعين وش جالسه تقولين؟ أنا قبل يومين خلصت عدتي كيف أفكر اني اتزوج من جديد!
ضوى(عقدت حاجبها): قلتيها خلصت عدتك، وبعدين أنا ماعندي مشكله بالموضوع بالعكس أنا أشوفها فرصة انك تعيشين حياة حلوة مع شخص يحبك صح ويقدرك مو زي ابوي
شادن(تشتت أنظارها )بلعت ريقها: ما ادري
ضوى(قامت من مكانها تجمع الصحون من على السفرة): أنا قلت لك رايي واللي عليك انك تفكرين بالموضوع بشكل جدي

(ضوى راحت وتركت امها محتارة بالقرار اللي لازم تاخذه واذا كان هالخيار راح يغير حياتها للأفضل او لا)