لك من اسمك نصيب يانور عيوني وضوى قلبي🤍✨

81

يوم جديد بالرياض

(بيت خلف) الساعة ١١ الظهر

(غرفتهم)

(دخلت أشعة الشمس للغرفه وأزعجت اهداب نور الناعسه، حركت حاجبها بإنزعاج ورجع لها الاحساس بنفسها، أياديه تعتنقها وأنفاسه تجري عند كتفها، فتحت عينها ورفعت راسها تتأمل وجهه البريء اللي ما يدل على افعاله بالأمس معاها بأي صلة، ابتسمت بخجل بسبب ذاكرتها اللي كانت تسترجع اللحظات اللي جمعتهم ببعض ليلة امس، حاولت التملص من بين يديه بهدوء لدقائق لشدّة تمسكه فيها، نجحت بعد فتره وتنهدت بتعب تتوجه لدورة المياه، تناظر المرايا بحياء بسبب علامات الحب والشوق اللي لازالت موجودة وتشعر بها على جسدها، بعد ما خذت شاور دافئ ولبست فستان وردي فاتح، طلعت للغرفه تراقب الغارق بنومه، ابتسمت قبل لا تنزل للدور الأرضي)

(المطبخ)

(جهزت طاولة الطعام، حضرت كل الأطباق اللي يحبها على الفطور، وقفت تنهي آخر التجهيزات بالشاي، تخلطه على النار بهدوء، ثواني وحست بيدين تحاوط خصرها من الخلف ورأسه جنب رقبتها )

نور(انتفضت من مكانها بخوف): بسم الله! متى صحيت؟
خلف(ابتسم يشد عليها): حسيت بالبرد ولما فتحت عيني ما لقيتك، ليه تركتيني؟
نور(عضت على شفتها بخجل): كنت بسوي الفطور واصحّيك
خلف(ينفي بعدم إعجاب): مره ثانيه صحيني ونجهز الفطور مع بعض
نور(تصب الشاي بالإبريق): طيب، يلا اجلس خلصت
خلف(سحبها له بعد ما أنهت اللي بيدها) يراقب ملامحها بهدوء بابتسامه: صباح الخير
نور(بلعت ريقها بارتباك) تشتت أنظارها: صباح النور
خلف(حس بتوترها) يناظر رقبتها المحمرّه ولمسها بخفه: اسف
نور(عقدت حاجبها): ليش تعتذر
خلف(رجع بأنظاره لعيونها): امس كانت مشاعري اقوى من كل شي يمكن ما حسيت على...
نور(حطت يدها على فمه تمنعه من الإكمال) ابتسمت تنفي: امس كان احلى يوم بحياتي لا تهدمه بإعتذاراتك
خلف(اخذ نفس وابتسم براحه) اقترب يبوسها بهدوء: خلاص عليك بالعافيه أنا افطرت
نور(ضربته بخفه على صدره)تضحك: جوعانه يلا اجلس
خلف(باس يدها اللي ضربته فيها) وتوجه معاها للطاولة:
متى وقت عزيمة العشاء ببيتكم؟
نور(تصب الشاي بالأكواب): ابوي ارسل لي تعالوا الساعه ٨
خلف(يمد لها خبز بالعسل) بابتسامه: عندنا وقت اجل
نور(تاكل من يده) باستغراب: وقت لأيش؟
خلف(ابتسم بهدوء): نطلع نتغداء مع بعض وش رأيك؟
نور(هزت راسها): ماعندي مانع

__________________________________

(كلية الطب)

( رغد توجهت لمكتب الدكتور راكان بعد ما طلب منها هالشيء بعد انتهاء محاضرته، دخلت المكتب وجلست قدامه)

رغد(بهدوء): نعم دكتور؟
راكان(رفع راسه من على الاوراق وابتسم): مافي احد غيرنا بالمكتب
رغد(تنحنحت بارتباك): نعم راكان؟
راكان(ابتسم برضى): ابي اقول لك اني بكلم اخوك عبدالعزيز ونحدد موعد عشان نزوركم أنا واهلي
رغد(اتسعت أنظارها): ليه؟
راكان(ضحك بسخريه): ليه يا رغد؟ خلينا نفكر مع بعض تتوقعين ليه اجيب اهلي وأزوركم؟ شكله قرقيعان ونبي حلويات
رغد(تأففت بعبوس): لا يعني.... اقصد...ليه بهالسرعه؟
راكان(رفع حاجبه): ليه مترددة؟
رغد(تنهدت): مو متردده لكن احس يبغى لي وقت اتعرف عليك اكثر
راكان(تكى راسه على يده)بابتسامه: نعقد قراننا ومتى ما ودك انتي حددي العرس، لك كل الوقت تتعرفين علي
رغد(بخجل تشتت أنظارها): طيب عندي طلب
راكان(يناظرها بإعجاب من تدللها عليه): عيوني لك
رغد(تلعب بأصابعها بتوتر): لا تكلمني ابد قدام الطالبات
راكان(عقد حاجبه): ليه؟ سمعتي احد يتكلم عننا؟
رغد( بتهرب): لا بس عشان نكون مهنيين اكثر
راكان(هز راسه بعدم اقتناع): زين
رغد(قامت بهدوء): أنا بروح عندي محاضره بعد شوي
راكان(ابتسم): ركزي عدل عشان يقولون لي زوجتك شاطره