لك من اسمك نصيب يانور عيوني وضوى قلبي🤍✨

21

يوم جديد بالديرة

(بعد ما صلوا نايف وخلف بالمسجد راحوا بتعب لشغلهم)

بالسوق

نايف متكي براسه على طاولة المحل ونايم بتعب إلى ان قاطعه دخول احد للمحل، انتبه ووقف بنعاس
نايف(بصداع) مايشوف قدامه: تفضل؟
بدرية(تحمحمت): نايف!
نايف (استوعب مين تكون)من غير ما يطالعها نطق: امري يا بنت العم؟
بدرية(بتوتر): جيت اكلمك بموضوع بيني وبينك
نايف(باستغراب): صاير شي؟
بدرية(تنهدت)بارتباك: بس ما ابي تقول لاحد اني أنا اللي علمتك
نايف: ابشري، وش بلاك؟
بدرية(بكذب): أنا ما ارضى اسمع كلام عنك بالشين! وأكثر من مره ضوى تذم فيك قدام البنات وتقول عنك صغير عقل ومالك كلمه
نايف(عقد حاجبينه): متأكدة انه ضوى قالته؟
بدرية(بلعت ريقها): اي ودايم أدافع عنك
نايف(هز راسه)تنهد: هاذي الهقوة فيك والله، خلي الموضوع علي وماعليك منها
بدرية(ابتسمت على مدحه لها): ماسويت إلا الواجب انت غالي عندي
نايف(تحمحم) ماعجبه كلامها: وانتي بعد يشهد الله اني اعتبرك اختي
بدرية(بصدمه):اختك؟
نايف: ايه، انتي وخلف اخواني بهالدنيا
بدرية(هزت راسها بعبوس): يلا مع السلامه
نايف(بتفكير بكلامها عن ضوى): مع السلامه

( جلس يفكر بينه وبين نفسه مو مقتنع بالكلام اللي سمعه، ضوى ترمي الكلام بوجهه مو من وراه)
______________
المزرعة

دخل عوض الإسطبل وتفاجأ من شاف خلف نايم على الكرسي جنب ليل
عوض(يهز كتف خلف):خلف، اصحى ياعم!
خلف(قام مصروع): شفيك!
عوض(يهديه): مافيش حاجة، ماتروح للبيت تستريّح؟
خلف(يفرك عينه بنعاس) ينفي بيدينه: لا رماح بيسوي لي سالفه
عوض: هو انته منمتش امبارح؟
خلف(بتعب): لا سهرنا للصبح أنا ونايف و....
عوض(يناظره): ومين؟
خلف(باستيعاب): بس أنا ونايف، بروح اغسل وجهي واجيك
عوض:ماشي
____________
بيت رماح

رماح من عرف بسالفة زواج ولده طلال وانه عنده احفاد ما درا عنهم وهو ما طب لسانه بلسان نورة

نورة(تتنهد): يا رجال، إلى متى وانت بتصد عني؟
رماح(يتجاهلها) يشرب شاي
نورة: كنت ابي احمي نايف وامه مايستاهلون!
رماح(بعصبيه): ماتت امه ومات ابوه وش له الاسرار! الحين اخوانه من ابوه قدهم صاروا طوله ولا هو اللي يعرفهم ولا احنا اللي ربيناهم تحت جنحاننا
نورة(نزلت راسها): ادري اني غلطانه بس صار اللي صار
رماح(بأمر): تنادينهم عندي بالبيت!
نورة(بصدمه): وشو!
رماح( بعصبية): مافيه نقاش، لازم يجون ونشوفهم!
نورة(هزت راسها بإيجاب): اللي تقوله بيصير بس هد أعصابك

(طلع رماح من البيت باستعجال مو قادر يجلس اكثر مع نورة)

____________
عند البنات (الساعه ٤ العصر)

من رجعوا من المزرعة ناموا إلى العصر من التعب وماصحوا إلا من صوت المنبه اللي ضبطوه على الساعه ٤