لك من اسمك نصيب يانور عيوني وضوى قلبي🤍✨

55

يوم جديد بالرياض (يوم الخميس الساعه ٤ العصر)
بيت محمد(ابو بدر)

(نور ترتب اغراضها بالشنطة وتنزلها على الدرج بصعوبه لين ما مسكها بدر من يدها، سحبها معاه للسيارة، ودعوا اهلهم وابتدوا طريقهم)

(ماسكين خط للديرة)

بدر(يناظر نور): قلتي لصاحبتك ضوى لو تبي تجي معنا؟
نور(تنهدت تنفي): ما ادري شفيها هاليومين ما اقدر اكلمها كلمتين على بعض وتعصب علي
بدر(عقد حاجبه): غريبه
نور(خذت نفس): قلت لخلف ونايف اننا رايحين للديرة؟
بدر(ابتسم باتساع ومسك جواله يمده لها): اتصلي على خلف، بقول له الحين
نور(اتسعت أنظارها): مو من جدك الحين بتصدم حياته؟!
بدر(ضحك): يلا يلا حطي سبيكر
نور(ابتسمت تنتظر تسمع صوت خلف): يلا
خلف: هلا والله
بدر(بابتسامه): هلا فيك حبيبي، وينك؟
خلف(بهدوء): والله ماسك خط للديرة، معي نايف واختي
بدر(اتسعت ابتسامته): ايييه درب السلامه، أنا بعد ماسك خط
خلف(عقد حاجبه باستغراب): على وين انشاءالله؟
بدر(يناظر نور اللي كانت تحاول تكتم ضحكتها):جايينكم للديرة
خلف(بصدمه): الديرة؟ ديرتنا!؟
بدر(يضحك): اي ديرتكم عندك اي اعتراض لا سمح الله؟
خلف(ابتسم بذهول):لا ابد بيتك ومطرحك تنورنا، لحالك؟
بدر(يبتسم):معي نور
خلف(ابتسم بارتياح): زين، اجل اشوفك هناك
بدر(يقفل الخط): يلا سلام
نور(تضحك بخفه): حركاتك ما تخلص
بدر(يضحك): الحياة لازم فيها ضحك شوي

(بعد ثواني وصلت رسالة لجوال نور من خلف محتواها "ليه ما علمتيني؟")
نور(ابتسمت وردت عليه): فكرت انه بدر قالك، حبيت صدمتك
خلف(ضحك بسخريه):كنتي تسمعيني؟
نور(ضحكت بخفه): اي
خلف(رفع حاجبه): وش هالغش كان سمعتيني صوتك
نور(بقلق) ردت عليه: خلف ركز وانت تسوق لا تكلمني
خلف(ابتسم): تخافين علي؟
نور(ابتسمت باستفزاز): معاك بدرية حبيبتي انتبه لها

(خلف ترك جواله على جنب يضحك بخفه على استفزازها له)

___________________________
بيت ضوى

(حالة ضوى النفسية كانت في تدهور وتتعب اكثر كل ما سمعت طاري نايف أو إذا احد حاول يصلح بينهم، امها لاحظت تصرفات بنتها الغريبه بالفترة الأخيرة)

شادن(تناظر صحن ضوى اللي ما تحرك منه اي شي)تنهدت: ماراح تاكلين؟
ضوى(انتبهت لامها بعد ما كانت سرحانه): لا ما اشتهي
شادن(تبتسم بخفه):ماودك تروحين عند تهاني تغيرين جو شوي؟
ضوى(تنفي) تقوم من مكانها: لا مالي خلق
شادن(تناظر طريقة مشي ضوى البطيئة)بقلق:ضوى شفيك؟

(وقفت ضوى بمكانها لثواني قبل لا تطيح على الارض مغمى عليها وراحت لها شادن تركض، اتصلت على حمد وهي تبكي بخوف تطلب منه ياخذهم للمستشفى)

_________________________
الديرة
أمام بيت رماح

(نزلوا من السياره ياخذون اغراضهم وبهالدقايق وصلت سيارة بدر ووقفت جنب البيت اللي استأجروه مره ثانيه، نزلوا بدر ونور وسلموا عليهم، بدرية كانت متفاجأه من جيّة بدر ومو فاهمة السبب، نور حست بقلق على نايف من شافت ملامح وجهه الذبلانه وابتسامته اللي فارقت وجهه)