لك من اسمك نصيب يانور عيوني وضوى قلبي🤍✨

24

الديرة الساعه ٧ المغرب

بيت البنات

ضوى جالسه بالصاله تفكر بنايف اللي تركها بالمحل وراح مع عبدالعزيز وتفكر بنور اللي ما عندها اي خبر منها، قاطع تفكيرها دخول نور للبيت وواضح على ملامحها التعب

نور(تفصخ عباتها)تتنهد: السلام
ضوى(فزت من مكانها)بفضول:ها وش صار؟!
نور(توجهت لها وجلست): جيبي لي مويا تكفين وبعدين نتكلم
ضوى(جابت لها مويا): لقيتوا شي؟
نور(شربت وخذت نفس): لقينا سيارة فيها كاميرا وأخذنا من صاحبها الذاكرة، رسلت اللقطات للمجهول اللي تعامل معاه ابوي وقال يحتاج اسبوع على ما يطلع معلومات الشخص من ملامحه
ضوى(تنهدت براحه): الحمدالله
نور(تهز راسها): اي والله، يلا أنا بقوم انام ميته تعب!
ضوى(تمسح على ظهرها): تصبحين على خير
نور(قامت تتوجه لغرفتها): وانتي من اهله

(ضوى توجهت لنافذة البيت تراقب بيت رماح، تنتظر وصول نايف إلى ان قررت توقف عند الباب)
(وصل نايف عند بيت رماح ولمح ضوى واقفه عند باب بيتها واتجه لها)

نايف(باستغراب): ليه واقفه هنا؟
ضوى(تناظره): طوّلت عندهم! انشغل بالي
نايف(ابتسم): يعني تنتظريني؟
ضوى(بفضول): وش صار معك؟ كيف كانوا اخوانك؟
نايف(تنهد يتكي على الجدار): عندي اخت زي القمر وتخيلي انها تحبني قبل لاتشوفني! وعبدالعزيز واضح انه متربي عشر مرات ماشاءالله عليه
ضوى(ابتسمت)براحه: يعني حبيتهم؟
نايف(عينه على السما): مادري والله بس حسيت اني مسؤول عنهم!
ضوى(تهز راسها بتفهم): وأمهم؟
نايف(اخذ نفس عميق):مريضه
ضوى(عقدت حاجبينها): مريضه؟!
نايف(نزل راسه): احتمال كبير انها تموت خلال هالسنه
ضوى(مسحت على جبينها)بضيق: لا حول ولا قوة إلا بالله
نايف(وجه نظراته لها): عرفتي وش صار مع نور وخلف؟
ضوى(تهز راسها): لقوا مقاطع من كاميرا هناك وخلال هالاسبوع انشالله راح نلقى معلومات الشخص اللي رمى الجثه
نايف: انشالله خير
ضوى(بتفكير): صح وش صار بينك وبين بدريه!؟كلمتها؟
نايف(تنهد): حاولت تنكر بالبدايه بس بعدها سألتني سؤال غريب مافهمت مغزاه
ضوى(باستغراب): ايش السؤال؟
نايف(يناظرها بعدها شتت أنظاره): سألتني إذا كنت معجب فيك
ضوى(بصدمه): أنا!؟
نايف:ايه
ضوى(بتفكير)همست لنفسها: لايكون بدرية تحب نايف وغارت عليه!
ضوى(بصوت مسموع): رديت عليها؟
نايف(بارتباك): كنت ابي افهم وش هدفها من السؤال فقلت لها اي
ضوى(عقدت حاجبينها): وش اللي اي؟
نايف(يحك راسه): اني معجب فيك
ضوى(توسعت محاجر عيونها):نعم!؟ وش سويت!
نايف(بعدم فهم): وش المشكله؟ كنت ابي اشوف ردة فعلها بس ماعطت ردة فعل غير انها قالت ماعندي مشكله لانك تعتبرني اختك وطلعت
ضوى(ضربت جبينها): صدق انك غبي! ماتستوعب؟!
نايف(باستغراب): وشو؟
ضوى(تنهدت): ولاشي تصبح على خير

(دخلت ضوى البيت تاركه نايف واقف مو مستوعب شي من اللي قالته)
_____________
يوم جديد بالديرة