لك من اسمك نصيب يانور عيوني وضوى قلبي🤍✨

39

(في شوارع الرياض)

(نور وبدرية كانوا بسيارة بدر، من اوّل ما دخلت بدرية السياره لاحظت نظرات بدر لها اللي يخطفها كل شوي من المرايا الأمامية فكانت مرتبكة من نظراته طول الطريق)

نور(ابتسمت):بكرة تعالي عندي البيت تمام؟
بدرية(ابتسمت بارتباك)وهي نازله من السيارة: انشالله، يعطيكم العافيه
نور:الله يعافيك، مع السلامة
بدر(بعد ما ابتعدت بدرية لباب العمارة وكمل طريقة لبيتهم): كأنكم صرتوا صاحبات؟
نور(تناظره تبتسم):انت اللي شكلك مصاحب اخوها هاليومين
بدر(ابتسم): خلف ذهب والله
نور(عضت شفايفها تمنع ابتسامتها)هزت راسها: حتى اخته
_______________
بيت محمد(ابو بدر)

(دخلت نور لغرفتها غيرت ملابسها وعلى طول اتصلت على خلف لانه تفكيرها مشغول باللي صار بعد ما ارسلت له رقم فيصل)

نور(بتوتر):وش سويت؟
خلف(تنهد):نور الموضوع طلع كبير
نور(عقدت حاجبينها)بعدم فهم:كيف يعني؟
خلف(يحك جبينه): فيه شخص راسله لك وهو كان مضطر انه ينفذ اللي مطلوب منه لانه في معلومات جالس يستفزه فيها
نور(باستغراب):مين هالشخص! وايش هدفه؟
خلف(اخذ نفس بتعب):عطيني وقت وبطلعه من تحت الارض لا تحاتين ولا تفكرين لانه ولا احد يقدر يلمس شعره من راسك!
نور(تتأفف)مسكت راسها: انت كويّس؟
خلف(هز راسه): أنا بخير
نور(بهدوء):حمدالله
خلف(ابتسم يتذكر): بدرية انبسطت معاكم اليوم
نور(ابتسمت): كلنا انبسطنا معاها والله، بنتعبك كل يوم يومين تجيبها لنا
خلف(ضحك بخفّه): تعبك انتي بالذات راحه
نور(تحمحمت)تتنهد: تصبح على خير بكرة عندك دوام
خلف(ابتسم):زين، وانتي من اهله

(سكرّت نور من الاتصال وتفكيرها لسّه مشغول بالتفكير بهوية الشخص اللي جالس يحاول يوصل لها وبنيته)

__________________
(بيت ضوى)

(ضوى ونايف جمعتهم مكالمة لمدة ساعتين)

ضوى(تنهدت):يا حظك عندك دوام
نايف(ضحك): ياحظي لاني بصحى الساعه ٧ الصبح؟
ضوى(ابتسمت): على الاقل عندك روتين وعندك شي تصحى من نومك عشانه، أنا حاسة كل الايام متشابهة من الملل ما ادري كيف بتحمّل هالشهر الى ان ارجع للجامعه
نايف(رفع حاجبه): ودك يعني بشغل؟
ضوى(بعبوس):ما ادري والله بس ابغى شي يشغلني
نايف(بتفكير): عندي فكره إذا ضبطت بعلمك
ضوى(ابتسمت): اوكيه، لازم تنام راجع من طريق طويل ولك ساعتين تكلمني ماتعبت؟
نايف(اخذ نفس): ما اتعب منك انتي راحتي
ضوى(عضت على شفايفها):تصبح على خير
نايف(ابتسم):وانتي من اهلي

__________________
يوم جديد بالديرة
(بيت رماح)

(رغد والعنود كانوا بغرفتهم يكوُّون الملابس ويسولفون مع بعض)
رغد(ترتب الملابس على السرير): انتبهي على شماغ عبدالعزيز
العنود(تتأفف وهي تكوي): أشغلتيني تراها قطعة قماش!
رغد(ماكملت كلامها لانها شمّت ريحة حريق): عبدالعزيز اهم شي عنده شما...
العنود(رفعت الكوايه وشافت قطعه كبيره من الشماغ صارت لازقه بالكوايه لانها احترقت) شهقت:لا!
رغد(توسعت أنظارها وحطت يدها على فمها):شسويتي!
العنود(تحاول تخبي الشماغ لكن رغد اخذته منها):عطيني اياه
رغد(طلعت من الغرفه تركض): قلت لك انتبهي وما سمعتي كلامي
العنود(راحت وراها إلى ان صدمت بعبدالعزيز)بألم:اخ
عبدالعزيز(مسكها من يدها): ليه تركضين انتبهي!
العنود(بارتباك بلعت ريقها):بقولك شي
عبدالعزيز(باستغراب):وشو؟
العنود(تأففت): حرقت شماغك، إذا مهم مره يعني بجيب لك غيره
عبدالعزيز(ابتسم): فداك
العنود(ناظرته بتعجب):عادي؟
عبدالعزيز(ضحك بخفه): كلها قطعة قماش
العنود (ابتسمت تهز راسها): أنا بعد اقول كذا
رغد(قاطعتهم جاية وبيدها الشماغ): عبدالعزيز شماغك انحرق
عبدالعزيز(شاف انه افضل شماغ عنده)تنهد:مالقيتي غير هذا تحرقينه
العنود(خذت نفس)تتخصر:الحين مو توّك تقول يفداني؟
عبدالعزيز(قرب منها عينه بعينه): عندي طلب إذا سويتيه بسامحك
العنود(عقدت حاجبينها):اللي هو؟
عبدالعزيز(سحبها من يدها لغرفته وفتح الكبت يطلع منه كل شماغاته): ابيك تكوينهم كلهم
العنود(توسعت أنظارها بصدمه): احرقهم كلهم!
عبدالعزيز(ضحك بسخريه): ودك تحرقينهم؟ ابيك تتدربين عليهم وتصيرين فنانه
العنود(بعدم فهم): وليه؟
عبدالعزيز(ابتسم يناظرها): لانك زوجتي وما ابي احد غيرك يلمس ملابسي
العنود(توترت من نظراته لها)تحمحمت وخذتهم منه: زين
__________________
بالرياض
بيت محمد (ابو بدر)