لك من اسمك نصيب يانور عيوني وضوى قلبي🤍✨

71

يوم جديد بالديرة (الجمعة، الساعة ١٠ الصباح)

بيت البنات

(دلال قامت من النوم على اصوات نور وضوى ومحمد بالصالة توجهت لهم بنعاس)

دلال(باستغراب): ماشاءالله وش مصحيكم من بدري؟!
نور(بابتسامة): نمشي على توقيت اهل الديرة
محمد(ضحك بخفه): أنا سمعت صياح الديك وصحيت معه ماعرفت ارجع انام
قمر(طلعت من غرفتها):صباح الخير
ضوى(تحط الشاي على الطاولة): صباح النور، كويس صحيتي عشان نفطر كلنا مع بعض
دلال(جلست على طاولة الطعام معاهم): نور كلمتي بدر؟
نور(ضحكت بخفه تهز راسها): صحى معاهم الفجر وراح المسجد واكيد فطر مع الشباب لا تحاتين
محمد(رفع حاجبه): وش هالنشاط على كذا خلوه بالديرة على طول
قمر(بتفكير): متى يبدا عرسهم؟
ضوى(بهدوء): يمكن الساعة ٧ لكن يمدي نروح على الساعه ٨:٣٠ للقاعة

________________________________

بيت العمة ليلى (الساعة ٣ العصر)

(ليلى كانت تجهز اغراضهم اللي راح ياخذونها للقاعة وسارة معاها، بينما العنود طلعت من دورة المياة بشعرها الرطب)

ليلى(باستعجال): العنود يلا غيري ملابسك عشان يمدينا نروح للقاعة، اللي راح يسوون لنا شعرنا و الميكب اكيد وصلوا
العنود(تركض للغرفه): ان شاء الله

سارة(جلست مع امها بالصالة ينتظرون العنود): يمه، انتي مستوعبه انه العنود راح تتزوج
ليلى(ابتسمت): لا والله
سارة(تنهدت بابتسامه): بسرعة نضجت، ما عادت العنود اللي كل يوم نتهاوش معاها و نشكيها لجدي رماح
ليلى(تمسح دموعها بهدوء): كل وحده فيكم بيكون لها بيتها وحياتها، بشتاق لكم
سارة(اقتربت منها تضمها): لا تقولين كذا ترا راح ننشب لك
العنود(طلعت من غرفتها تناظرهم باستغراب): أنا جاهزة، وشفيكم مسوين عزا؟
سارة(بدت تبكي): بتتزوجين
العنود(ضحكت تقرب منهم وتضمهم): مو وقتكم، ليه ما استوعبتوا امس الحين مافي وقت نبكي
ليلى(خذت نفس و ابتعدت عنهم): يلا لا نتأخر
العنود(تناظر باب غرفة جدتها نورة): حابسة نفسها؟
سارة(تنهدت): ايه، لكن لا تشيلين هم بتحضر العرس ان شاء الله

________________________________

(بيت البنات، الساعة ٧:٣٠ المغرب)

(قمر ودلال ومحمد راحوا للقاعة بعد ما تجهزوا لكن نور وضوى خذوا راحتهم بالتجهيز بما انهم راح يروحون مع خلف ونايف)

نور(تفك لفافات شعرها): شعري مضبوط من ورا؟
ضوى(تركت الميكب ولفت عليها): اي حلو مرا بس بخي عليه مثبت
نور(بهدوء تكمل شعرها): اي لازم
ضوى(خلصت الميكب وخذت فستانها تلبسه): نور سكري لي السحاب، نايف شوي ويوصل
نور(قامت وسكرت لها السحاب بابتسامه تناظرها بإعجاب): ماشاءالله عليك، كل شي بيرفكت الاحمر يموّت عليك
ضوى(ابتسمت تناظر المرايا): صدق؟
نور(هزت راسها): اي والله، ترا سمعت صوت الباب شكله نايف وصل
ضوى(باستعجال لبست عبايتها وخذت الشنطه والكعب وطلعت): يلا اشوفك بالقاعة
نور(تحط قلوس نود كلمسة اخيرة): باي