لك من اسمك نصيب يانور عيوني وضوى قلبي🤍✨

6

الرياض الساعه ٢ الظهر
بيت ابو بدر:
دلال جالسه تتقهوى بالصاله ودخل عليها بدر توه راجع من الدوام لابس لابكوت وماسك بيده شنطة صغيره ومبين على وجهه الإرهاق قرب من امه وباس راسها وجلس جنبها
بدر:السلام عليكم
دلال:وعليكم السلام، شفيك وجهك مصوفر؟
بدر(يتنهد ومسك راسه): تدرين يمه انه شغلي كرف ٢٤ساعه
دلال:ايه الله يعطيك العافيه
بدر:الله يعافيك، إلا وين نور ماشفتها من امس؟
دلال: والله مدري امس قالت بتجيب صديقتها تنام عندنا ودخلت نمت أنا واليوم مانزلوا
بدر(بتفهم): ايه يلا اجل ابدل ملابسي وانزل اتغدا

قبل لا يصعد بدر لغرفته سمع صوت الجرس وراح يفتح الباب، شاف وحده بمنتصف العمر مغطية وجهها ومبين انها مرتبكة من حركة يدينها
بدر(باستغراب): امري يا خالة مين بغيتي؟
شادن:بنتي عندكم ؟
بدر(ما استوعب معنى كلامها وعقد حواجبه): مين بنتك؟
شادن:بنتي صديقة بنتكم (ضوى)
بدر(باستيعاب وترحيب): ايييه يا هلا تفضلي داخل عند امي وتنزل لك بنتك انشالله

دخلت شادن وسلمت على دلال وجلست معاها بالصاله تشكرها على استقبال بنتها امس وهي منحرجة
دلال(بابتسامه): شدعوه بنتك بحسبة بنتي من لما كانوا نور وضرى بالابتدائي وهم صديقات، البيت بيتها
شادن(ابتسمت بحرج): مشكوره وماتقصرين، بس ولا عليك امر تنادينها لي؟ لانه من امس ادق عليها ماترد على اتصالاتي
دلال: اي حاضر

راحت دلال لغرفة نور ومالقت احد فيها استغربت... حاولت تتصل على نور بس جوالها مقفل، توترت دلال لانها تذكرت شادن لما قالت لها من امس ما ترد عليها ضوى وصارت تفكر (هل من امس وهم مو موجودين!كان المفروض ما انام وهي طالعه!)
نزلت لام ضوى بارتباك ماتدري وش تقولها وكيف تصارحها بعدم وجود البنات
دلال (وجهها صار يقلب الوان): شادن
شادن (حست بإن في شي صاير): هلا؟
دلال: اظن ان البنات من امس مارجعوا! حتى نور جوالها مقفل وانا من امس ما شفتها بس عطتني خبر انها بتمر بنتك ومن بعدها ما رجعت
شادن(برعب)وقفت : شتقولين! وين راحوا!؟ لايكون سوو حادث لا سمح الله
دلال (ارتبكت): صلي على محمد الحين اكلم بدر يشوف إذا دخل اسمهم بسستم المستشفيات او لا وانشالله خير

جلست شادن على الكنب ومسكت راسها بخوف من كل الأفكار اللي جات على بالها بهاللحظة، راحت دلال تركض لبدر وعلمته بالسالفه وطلع بدر للمستشفى وكلم ابوه وعلمه باللي صار
شادن(بخوف):وش بقول لابوها! وش بقول؟
دلال (تحاول تهديها): ماعليك انشالله مافيهم شي اهم شي نعرف انهم بكامل صحتهم وعافيتهم

دق جوال دلال باتصال من بدر مسكته بسرعه وردت عليه
دلال (ويدها ترجف خوف من اللي بتسمعه): لقيت اسمهم؟
بدر(بهدوء): لا الحمدالله مالهم ملف بأي مستشفى بنروح أنا وابوي للشرطة نبلغ على اختفائهم
دلال(تنهدت بارتياح): الحمدالله بس تخلصون كلموني!