لك من اسمك نصيب يانور عيوني وضوى قلبي🤍✨

30

الرياض(الساعه ٥ المغرب)
أمام بيت ضوى

(وقّف نايف سيارة خلف عند بيت ضوى وناظرها يبتسم لها، وده يحفظ ملامحها لانه مايدري متى اللقاء الجاي لهم،حس انه بيشتاق لها وبالحيل)
نايف(بحزن ابتسم):مع السلامة
ضوى(بلعت ريقها)تنهدت:مع السلامة
نايف(استوقفها):ضوى!
لفت عليه:نعم؟
نايف(مد لها جواله):ممكن رقمك؟ عشان إذا صار شي أو إذا حبيت اتطمن عنك
ضوى(هزت راسها)خذت الجوال:عشان اعزم رغد عندنا، ما أسعفنا الوقت نستقبلها ببيتنا بالديرة
نايف(ضحك)يهز راسه:آنشالله
ضوى(مدت له الجوال)ابتسمت: كنت محظوظة بإني اتعرفت على شخص مثلك
نايف(ابتسم)بغرور: اكيد!
ضوى(ضربته بشنطتها): يالكريه!
نايف(بألم مسك كتفه): أنا بعد محظوظ اني بفارقك!
ضوى(تأففت):يمكن ما نشوف بعض مره ثانيه وتقولي كذا
نايف(حس بألم في صدره)تنهد:بشتاق لك
ضوى (ناظرته بصدمه) بارتباك: يلا مع السلامه

(توجهت ضوى لباب البيت خذت نفس عميق ابتسمت واضغطت على الجرس تنتظر ابوها يفتح لها، نايف كان يراقبها من السيارة عشان يتأكد من دخولها للبيت، انفتح الباب شافت ابوها وتوسعت ابتسامتها)
ضوى(بابتسامة):يبه!
(ضوى كانت متوقعه ردة فعل مختلفة عن اللي صارت، ما حسّت إلا وناصر ماسكها من شعرها ويسحبها لداخل البيت، تحت أنظار نايف اللي انجّن ما عرف كيف يتصرف ونزل يدق باب البيت لكن ما لقى رد فاتصل بسرعه على خلف)

نايف(بخوف):خلف! اتصل على نور بسرعه ابو ضوى شكله بيذبحها! سحبها من شعرها قدام عيني!
خلف(بعدم فهم): اهدا وش قاعد تقول انت ماني فاهم شي!
نايف(بعصبيه):اقول لك سحبها من شعرها قدام عيني!
______________
بيت ضوى

(شادن كانت جالسه بالصاله تشرب شاي، ماكان عندها علم برجعة ضوى لانه ناصر ما علّمها، تفاجأت من دخول ناصر الهمجي للصاله وساحب معه بنت من شعرها على الارض)

شادن(بصدمه وقفت):ناصر!
ناصر(ترك شعر ضوى):وصلت بنتك المحترمة!
شادن(حطت يدها على صدرها وركضت لها):ضوى!
ضوى(وجهها كله دم)ببكاء ضمّت امها: يمه
شادن(تضمها)صرخت فيه: وش سويت بالبنت ياللي ما تخاف ربك؟!
ناصر(يضحك بعصبيه):أنا اللي ما اخاف ربي؟ وله بنتك اللي كانت مقرره تنحاش لو ما رضيت بتخصصها!
شادن(ناظرت بضوى اللي تبكي وتهز راسها بالنفي):حتى لو ماتمد يدك على بنتي فاهم!
ناصر(قرّب مسك ضوى من يدها بقوة وسحبها لغرفتها تحت صراخ شادن ومقاومة ضوى):أنا ماني طرطور عشان حريم يمشون كلامهم علي فاهمة انتي وياها!

(ضلّت شادن واقفه بره غرفة ضوى تسمع صوت صرخاتها وهي تدق عليهم الباب إلى ان طلع ناصر من الباب بعد نص ساعه وقفل على ضوى الباب)
ناصر(يتنفس بقوة)بتحذير: لا اسمع لك صوت انتي وبنتك
شادن(تناظر خروجه من البيت)ببكاء:حسبي الله عليك
_____________
بيت ابو بدر (محمد)