يوم جديد بالديرة
المزرعة
(خلف واقف على راس حسن وعوض يشرح لهم عن التفاصيل المهمة بالشغل)
عوض(باستغراب): مالك ياعمي عمّال تعيد وتزيد بنفس المعلومة فهمنا واللهِ!
خلف(ابتسم): خلني ياخوي الفرحة مو شايلتني!ابي اتأكد من كل شي قبل لا امشي
حسن(عقد حاجبينه):تمشي فين؟
خلف:بروح اشتغل بالرياض أنا ونايف
عوض(ضرب على كتفه):ماشاءالله مبروك!
خلف(ضحك):الله يبارك فيك، ترا الشغل امانه عندك!
عوض(ابتسم): عيب عليك
__________
السوق
ضوى(ابتسمت): يعني نجحت خطتنا!
نايف(ابتسم وتنهد براحة):اي اللهم لك الحمد
ضوى:ومتى ناوين تروحون للرياض؟
نايف(بتفكير): لازم اوّل شي نختار الشركة اللي راح نشتغل فيها وبعدها نشوف متى وقت المقابله، يعني نقول انشالله قبل نهاية هالشهر نكون ناقلين
ضوى(ابتسمت):أنا واثقه انكم راح تنقبلون بسرعه درجاتكم مرتفعة! وبحث تخرجكم مره حلو!
نايف (هز راسه):انشالله، اي صح! اختي رغد ودها تزوركم بالبيت
ضوى(ابتسمت): حياها الله! عسل هالبنت ما ادري شلون اختك
نايف(ضحك بغرور):عسل لانها اختي
ضوى(بتقزز)رايحه ترتب الاغراض: اي صح صح
_____________
بيت العمة ليلى
سارة نزلت من غرفتها وجلست بالصالة تراقب امها اللي كانت تكلّم احد بالتليفون
سارة(تراقب ملامح امها الباسمّة): مين كنتي تكلمين؟
ليلى(مبتسمه)رفعت حاجبها: خالتك لطيفة
سارة(بلعت ريقها بتوتر)تتصنع اللامبالاة: وش فيها؟
ليلى(تحمحمت): تبي تجي هي وولدها يشوفونك
سارة(توسعت نظراتها)بصدمه: يشوفوني؟
ليلى(ابتسمت): تبيك لولدها
سارة(بتوتر):اي طيب بس ضروري موضوع الشوفه!؟
ليلى(عقدت حاجبينها): انتي كنتي تدرين انها تبيك لفهد؟
سارة(نزلت راسها)بارتباك:يعني حياة لمّحت لي بالموضوع
ليلى(هزت راسها بتفهم): طيب، حق من حقوقه انه يطلب شوفة
بكلم ابوك يحدد معاهم موعد
سارة(بحياء تقوم تتوجه لغرفتها): طيب
ليلى(تضحك على حياء بنتها): والله وبنزوجّك يا سارة!
_____________
بيت البنات
نور طلعت من الحمام بعد ما تروّشت ودخلت غرفتها تلبس وتسوي شعرها إلى ان سمعت صوت ثلاث دقات من النافذة،
لبست الشال فوق شعرها المبلل وفتحت النافذه
نور(باستغراب): شفيك!؟
خلف(مبتسم): صباح الخير
نور(تحمحمت):صباح النور
خلف(يلعب بمسباحة):علمنا جدي انه ودنا نشتغل بالرياض
نور(توسعت نظراتها)بفضول: وش قال؟!
خلف(توسعت ابتسامته)يترقب ردة فعلها: وافق!
نور(ضحت تصفق):كنت ادرييييي! مبروك!
خلف(ضحك):الله يبارك فيك
نور:اخترتوا شركة معينه تشتغلون فيها؟
خلف(بتفكير):لا ما بعد والله، ترا هذاك المجهول كلمني قال يبي يكلمك بشي ضروري
نور(باستغراب):صار شي؟
خلف(يتصل على المجهول يمد الجوال لها): ماعندي علم والله
نور(تمسك الجوال):الو
المجهول: لقيته!
نور(بصدمه):بهالسرعه!؟
المجهول:استخدمت تقنيه اول مره استخدمها وضبطت خلتني القاه بشكل اسرع
نور(ابتسمت): وينه!؟
المجهول:برسل لك كل المعلومات برسالة مع موقعه، نور! لازم تروحين للشرطة بأسرع وقت ممكن لانه يقدر يغير مكانه
نور(بلعت ريقها)بتوتر: تمام، يعطيك العافيه
أنت تقرأ
لك من اسمك نصيب يانور عيوني وضوى قلبي🤍✨
عاطفيةفتاتان هاربتان من ظلم الحياة ذاهبتان إلى قرية لنسيان ما مروا به حتى تهدأ الأمور في حياتهم لكن حدث مالم يكن بالحسبان والتقوا بمن سيغير مجرى قصتهم🤍
