لك من اسمك نصيب يانور عيوني وضوى قلبي🤍✨

16

فوق احد الجبال فالديره

نور تحاول تلتقط انفاسها من تعب المشي وخلف يمشي قدامها
نور(بتعب وانزعاج): وين بنوصل على هالمشي! لنا ٢٠ دقيقه رايحين لفوق
خلف(يضحك): أنا جسمي متعود على الحركة انتي لياقتك لياقة عجوز!
نور(رفعت حاجبها): أنا عجوز!؟
خلف(ابتسم): اسكتي شوي ونوصل، على هالحلطمه صدق عجوز
نور(كانت بترد لكن المنظر اللي شافته ربط لسانها):انا عج....
خلف(ابتسم يتنهد):وصلنا
(واقفين على حافة الجبل اللي يطل على كل الديره، بسبب ارتفاعهم كانت الغيوم على مستواهم فالمنظر كان مهيب)
نور(بصدمه ابتسمت):واو!
خلف(يناظرها يبتسم):ادري انه واو! كل ما ضاقت الدنيا فيني جيت هالمكان اصفي فيه افكاري
نور(ناظرته): وتكتب؟
خلف(ضحك لانها كشفته): واكتب
(جلسوا على الحافه ينتظرون غروب الشمس)
نور(بفضول): متى اكتشفت هالمكان؟
خلف(تنهد): بعد اول يوم عزا لابوي
نور(نزلت راسها بندم): اسفه، إذا مو حاب تتكلم عن الموضوع عادي
خلف(عينه على منظر الغروب): كان عمري وقتها عشر سنين، فجأة صرت رجّال البيت وبرقبتي اختي وامي
نور(تناظره تعض على شفايفها): عشر سنين!
خلف(يكمل)يبتسم: اتذكر بأول يوم عزا إذا جا احد وقالي عظم الله اجرك اقول له ينعاد علينا وعليك، ما كنت اعرف كيف ارد ولا مستوعب اللي صار
(نور بدت دموعها تنزل بدون لا تحس على نفسها)
خلف(عيونه تلمع): مسكني جدي رماح وقال لي ارجع بيتنا مكان عزا الحريم، اول ماوقفت عن الباب سمعت امي تصيح بأعلى صوتها وماقدرت ادخل، ركضت وركضت لين ما وصلتني رجولي لهالمكان بكيت فيه لين شبعت
نور(ابتسمت تمسح دموعها): وصرت تجي هنا كل ما تبغى تبكي؟
خلف(حك راسه يبتسم): كشفتيني!
نور(تنهدت): تقدر تبكي عندي
خلف(لف عليها): مافهمت
نور(ابتسمت): إذا تحس انك بتبكي تقدر انك تجيني بدال لا تبكي وحيد، ابكي معك
خلف(ابتسم): ابكيك معي؟
نور(ضحكت): ما اقدر اسوي اكثر من كذا، بضمّك مثلا؟
خلف(بلع ريقه) وهمس: ياليت
نور(عينها على الغروب): المنظر حلو
خلف(عينه عليها): حيل!
____________
بيت البنات

ضوى جالسه بالصاله تاكل فصفص تفكر بحل لموضوع نايف لين ما قاطعها دخول نور
ضوى(باستغراب): انتي وين كنتي؟
نور(تفصخ عباتها بتعب): مع خلف
ضوى(عدلت جلستها): جاك!؟
نور(ابتسمت): جا واعتذر وسامحته
ضوى(ابتسمت): خوش خوش
نور: وانتي وش صار معاك؟
ضوى(تذكرت الموضوع): عندي لك موضوع لازم نلقى له حل!
نور(باستغراب): وش؟
(ضوى قالت لها كل السالفه من الالف للياء)
نور(بصدمه): يعني عندهم شهادة بكالريوس ادارة اعمال وجالسين هنا واحد بالمزرعه والثاني بالعطّار!
ضوى: لكي ان تتخيلي!
نور(عقدت حاجبينها): وكيف بنقنع رماح يخليهم يشتغلون؟
ضوى(تنهدت): لازم نجلس ونفكر مع بعض
نور(بتفكير): اللي يحتاجة رماح هو شخصين يأمن لهم ويثق فيهم  يوقفون على راس العمّال والمحل!
ضوى(عقدت حاجبينها): ومن وين نجيبهم ذولي؟
نور: لازم نجلس مع نايف وخلف نتكلم كلنا مع بعض
ضوى: هم بالبيت الحين سمعت اصواتهم بالحوش
نور(قامت لبست عباتها): بناديهم وبجي
____________
بيت رماح

جالسين نايف وخلف بالجلسه حقتهم بالحوش يتقهوون ويسولفون