لك من اسمك نصيب يانور عيوني وضوى قلبي🤍✨

25

الديرة الساعه ٦ المغرب

بيت رماح

وصل المحامي ومعاه شنطة رسمية فيها كل الاوراق اللازمه، جلسوا رماح ونورة ونايف و عبدالعزيز ورغد بالمجلس مع المحامي حمد
حمد(طلع الاوراق): عندي كم سؤال قبل لا نبدا بتوزيع الورث
رماح: تفضل
حمد: ليش طولتوا على ما تطلبون توزيع الورث؟
نورة(تنهدت)بإحساس بالذنب: والله أنا ماكنت ابي حفيدي نايف يدري بأخوانه من ابوه فقلت انه بعد ما يكبر ونعلمه بالسالفه نوزع عليهم الورث
رماح(يهز راسه بعدم رضا)يهمس: عفستينا وعفستيهم!
نايف(تحمحم): أنا ما قد سألت عن اللي عند ابوي ممكن نعرف؟
حمد(يلقي نظره بالورق):اي طبعا، ابوك يملك خمس ملايين
عبدالعزيز(بلع ريقه): كم!؟
نايف(بعدم استيعاب): اللي سمعته صدق؟
رغد(باستغراب): ابوي ما كان موظف براتب بسيط؟!
حمد(ابتسم): أبوكم كان له أسهم بالعقارات واي شي كان يدخل بحسابه يحطه بحساب سري ماقط استخدمه
نايف(باستيعاب): اهاااا
حمد: نايف وعبدالعزيز لكل واحد فيكم مليونين ورغد لك مليون وأمكم لها البيت اللي هي فيه باقي الورث سبق وتنازلت عنه لكم
نايف(باستغراب): ليه تنازلت؟
عبدالعزيز(نزل راسه): اكيد عشان المرض
رماح(وقف وسلم على المحامي): شكرا على وقتك
حمد( رد السلام وطلع)
____________
بيت البنات

نور ماوقفت عن التفكير باللي صار اليوم مع خلف كانت اللحظة ما تتعدى الثواني لكن كل ما ترجع الصوره لذاكرتها تحمر وجناتها، ضوى في عالم آخر بالمطبخ جالسه تلهي عقلها عن التفكير بالكيك اللي بيدها

نور(تنهدت بتعب من التفكير وراحت للمطبخ):وش جالسه تسوين؟
ضوى(ابتسمت): كيكة ليمون!
نور(تشم ريحة الليمون بتلذذ): واو الريحة يمي!
ضوى(لاحظت شي غريب): شفيك مو على بعضك؟
نور(تأففت تمسك ليمونه تلعب فيها)بخجل:صار شي اليوم
ضوى(عقدت حاجبينها): وشو؟
نور(غطت وجهها):شفت خلف
ضوى(بعدم فهم): وبعدين؟
نور(تناظر بضوى)تنهدت: شافني بكامل أناقتي!
ضوى(توسعت نظراتها) بصدمه:كذابه! متى؟
نور(نزلت راسها): لما قمت للمغاسل كان الباب شوي مفتوح وشافني
ضوى(باستغراب):انتو وش قصتكم مع المغاسل؟
نور(تأففت): مو وقت سخافتك
ضوى(ضحكت):طيب، عالاقل شافك وانتي حلوة
نور(ضربتها بالملعقه): كلبه!
__________
المزرعه

خلف واقف عند ليل كل خمس دقايق يبتسم بغباء لانه صورتها مو جالسه تروح عن باله شعرها وفستانها

خلف(اخذ نفس)يمسح على شعر ليل: شعرها يشبه شعرك ياحظك!
دخل عوض(باستغراب): بتعمل ايه هنا؟
خلف(ناظره): انت الي وش تسوي هنا؟
عوض اخذ شنطته من على الكرسي: نسيت دي
خلف(هز راسه بتفهم)مبتسم

(نور طلّت من نافذة بيتهم شافت عوض طالع من المزرعه فتوقعت انه آخر شخص طلع من المزرعه وانه مافي احد داخل الحين، دخلت المزرعه بهدوء وتوجهت للإسطبل ماشافت فيه احد)
نور(تقدمت لليل تمسح على شعرها)تنهدت: اخ ياليل لو تدرين وش صار فيني اليوم! الجدة نورة لعبت فيني لعب بكلامها وماعرفت ارد عليها
(ابتسمت تتذكر احداث اليوم):والبنات شبِّهوا شعري بشعرك ياحظي!
(كسى الخجل وجهها من جا على بالها)عضت شفايفها :خلف شافني