لك من اسمك نصيب يانور عيوني وضوى قلبي🤍✨

45

الرياض
مركز الشرطة

(وصلوا خلف ونور مركز الشرطة وكانوا بمكتب الضابط المسؤول يستجوبهم على الاحداث اللي صارت)

نور(بخوف تبكي): والله العظيم انه كان ناوي يضرني ولو ماتدخل خلف كان الله يعلم بحالي الحين
الضابط(تنهد)يهز راسه: ادري انتي اهدي يابنت الحلال، اشربي مويا
خلف(مسك الكاس من الضابط ومدّه لنور)يهمس: خذي نفس وصلي على النبي ماراح يصيبني شي
نور(شربت مويا وخذت نفس عميق): أنا علمتك باللي صار معاي معه من وانا عمري ١٢ سنه واللي صار اليوم يثبت انه ناوي على اكثر ما ابغاه يقرب مني
الضابط: لاتخافين هو صحى الحين بالمستشفى بس تستقر حالته راح يتحاكم، احنا كنا مراقبينه بعد ما طلع من السجن عشان نتأكد انه ما رجع للمخدرات ولاحظنا انه كان يتصرف تصرفات غريبه ويلحق بنت وهو متلثم وبس اتصل علينا خلف وشفناه اتأكدنا
خلف(تنهد)بعصبيه: الواطي راح يتحاسب على افعاله كلها من ١٠ سنين او بس على اليوم!؟
الشرطي(رفع حاجبه): إذا ما عندنا دليل على اللي صار قبل عشر سنوات ما نقدر نحاكمه
نور(غمضت عينها)تفكر بقلق: واذا عندي شاهد؟
خلف(توسعت أنظارها) لف عليها: شاهد!؟
نور(بلعت ريقها)بارتباك: العامله اللي كانت تشتغل ببيت جدي شافت حركاته معي اكثر من مره وهي للحين تشتغل هناك
الضابط(ابتسم): نقدر نستخدمها كشاهد إذا هي قبلت طبعا
خلف(غمض عينه براحه): الحمدالله
الضابط(يناظر خلف): عندنا اوراق لازم توقعها وبعدها تقدر تطلع

(بعد ما وقع خلف الاوراق وطلعوا من مكتب الضابط شافوا محمد وبدر جالسين على كراسي الانتظار وكانت ملامح القلق والخوف واضحه عليهم، توجهت لهم نور بتردد)

نور(تناظر ابوها اللي كان منزل راسه)بارتباك: يبه!
محمد(رفع راسه يناظرها) ابتدأ يبكي: اسف يا نور عيني
نور(ضمته تبكي): لا تعتذر مو غلطتك
محمد(يضمها)بتأنيب ضمير: كان لازم أحميك
نور(خذت نفس تهدئ من نفسها): محد يتوقع هالشي من اقرب الناس، وانا ما كنت اعرف كيف اقول لكم بعدها انسجن فسكت فكرت اني ماراح اشوفه مره ثانيه
بدر(قرّب لهم يضم نور وعينه تدمع)بعصبيه: هالكلب ما يستاهل اقول عنه خالي ولا أتشرف فيه الوصخ
محمد(لاحظ خلف واقف بعيد عنهم)أشّر له بالاقتراب: خلف تعال!
خلف(قرب منهم يسلم عليهم لكن محمد ضمه)ابتسم: ماسويت شي يا عم
محمد(يضرب على ظهر خلف)تنهد: سويت شي كبير، حميت اغلى ما أملك ،شكرا قليلة بحقك
خلف(ابتسم)بإحراج: انتوا اهلي مابيننا شكر
محمد(مسك يد خلف)بهدوء: بس تنحل الامور بالبيت ونستقر بكلمك تجي عندنا البيت أبغاك بموضوع
خلف(هز راسه): تم

____________________
الديرة
بيت رماح

(نايف كان يجهز اغراضه بالشنطه، عبدالعزيز جالس عنده يسولف له)

نايف(توسعت أنظاره): وش ردت عليك بعدها؟!
عبدالعزيز(ابتسم)تنهد: قالت بس عطني وقت قلت لها لك كل الوقت
نايف(ابتسم)بحماس:اوووه، شكلها ضبطت امورك يابو عبدالله!
عبدالعزيز(اخذ نفس): الله يسمع منك ويكتب لك اللي تتمنى
نورة(دخلت عليهم)تناظر نايف: متى بتمشي؟
نايف(تنهد): بصلي العشاء وبتوكل على الله، على فكرة ماني مغير رايي وكل اسبوع بجي الديرة أقنعك باللي ببالي
نورة(ناظرته بعدم اهتمام)قبل لا تطلع نطقت: ايه الله يقويك
انايف(تأفف يرمي اللي بيده بالشنطه): عناد الموضوع!
عبدالعزيز(مسكه من كتفه): اهدا وانا اخوك، كل شي يصير حبه حبه لا تستعجل