لك من اسمك نصيب يانور عيوني وضوى قلبي🤍✨

76

يوم جديد بالرياض (يوم الخميس)

(المطعم، الساعة ٤ العصر)

(كانوا خلف ونور مشغولين وكل واحد فيهم مركز على أشياء معينه، يحاولون انهم يتفادون اي خطأ ممكن يصير بوقت الافتتاح)

نور(بالمطبخ تكلم الطباخين): بس يخلص اي طبق على طول تعطونه الموظفين، ما نبغى اي تأخير عند اي طاولة
خلف(دخل عندهم باستعجال): نور تعالي شوي
نور(راحت معاه عند البوابه) تناظر اللوحة: ليه صارت مايله!
خلف(بتعب ماسك راسه): امس كنت واقف على راسهم وما ضبطوها بعد
نور (تمسك يده تهدي أعصابه بعد ما لاحظت أعصابه المشدودة): عندنا وقت كلمهم يجون يضبطونها، هدّي أعصابك بجيب لك عصير ليمون بارد
خلف(اخذ نفس عميق وجلس على الكرسي): تمام

_______________________________

بيت محمد (ابو بدر)

(الكل كان يتجهز عشان يروحون لافتتاح مطعم خلف، قمر كانت بغرفتها تحط ميكب لكن عقلها من امس مو معاها الين دخلت عليها امها)

دلال(تناظرها): قمر
(قمر ماسمعتها لانها شاردة الذهن)
دلال(حطت يدها على كتفها): قمر حبيبتي
قمر(انتبهت لامها بارتعاب حطت يدها على صدرها): بسم الله الرحمن الرحيم، وش فيك؟
دلال(ابتسمت): بسم الله عليك وش فيك سرحانه؟
قمر(تذكرت كلام فارس لها امس) تنحنحت: مافيني شي
دلال(بتفكير): متى وقت الافتتاح؟ اخاف نتأخر
قمر(نفت براسها): ما راح نتأخر يبدأون الساعة ٨
دلال(نطقت قبل لا تطلع): زين، لكن استعجلي شوي

(تنهدت قمر وطلعت جوالها تفتح الرسالة للمرة العشرين تقرا نفس السطر لكن ما عندها اي اجابة له، قفلت الجوال ورجعت للمراية)

_________________________________

(المطعم، الساعة ٨ بالليل)

(اول الواصلين كانوا كل معارفهم واخذوهم للطاولة الكبيرة اللي مجهزينها لهم)

محمد(جلس يناظر حوله) بابتسامة: ما شاء الله تبارك الله!
دلال(بابتسامة واسعة): مين اللي واقف بالنص؟
نور(ناظرت الساحة اللي بمنتصف المطعم): هذا راح يعزف لكم حجزناه لليوم
قمر(بحماس): كل شي يجنن
خلف(ضحك بخفه): انتظروا الين تذوقون الاكل بعد
بدر(بثقه): ما يحتاج دام انه مطعمكم اكيد لذيذ
نايف(ضحك يقلد خلف): قصدك جبّار!
ضوى(ضحكت): ترا جيناكم جوعانين
نور(بابتسامة): دقايق و تجيكم احلى الأطباق
عبدالعزيز(يسأل خلف): انتوا أعلنتوا عن الافتتاح صح؟
خلف(هز راسه): ايه، بس ننتظر عشر دقائق إلى ان يوصل كل شخص حجز طاولة
نور(تهمس لخلف): أنا بروح المطبخ اتأكد من كل شي وانت شيّك على الموظفين اللي هنا
خلف(نطق قبل لا يتوجه للنادل): يلا
العنود(تناظر نور وخلف بابتسامة): متحمسين مرّا
بدرية(هزت راسها وتمسح دمعتها): خلف حقق اليوم أمنية ابوي الله يرحمه
فهد(يسولف مع سارة بصوت منخفض): ليه لبستي كعب؟
سارة(بانزعاج): ما توقعته يعورني
فهد(تأفف): قلت لك خففي منهم هالفترة بس ما تسمعين مني ، لازم الدكتورة تتكلم معك بهالموضوع