لك من اسمك نصيب يانور عيوني وضوى قلبي🤍✨

14

المزرعة
خلصوا من التدريب نور وخلف ورَجّعوا الخيول للإسطبل
خلف وهو يمشي ورا نور لاحظ ان في حشره واقفه على راسها
خلف(بهدوء): نور نزلي راسك شوي
نور(باستغراب):شفيك؟
خلف(مايبي يخوفها): نزليه شوي وبشيل الحشره
نور(بارتعاب نزلت راسها وقامت تحرك شعرها بسرعه يمين ويسار): خلفففف شيلهاااا!!!!
خلف(ارتبك): اثبتي طيب!
نور(وقفت عن الحركة بخوف): بسرعه بسرعه!
خلف قرب وشال الحشره بسرعه
نور(بخوف): شلتها؟
خلف(من قربه من شعرها وصلته ريحة عطرها) ضل يشتمه لين امتلى صدره بعطرها
نور(استغربت من هدوئه): خلف؟
خلف(طلع من عالم عطرها) بعّد عنها: اي خلاص
راحت نور لليل تمسح عليها: اشتقت لك!
خلف(تذكر كلامها له امس)قرر يبرر لها:امس عرفت انه الابيات اللي كتبتها انتشرت وفهمت ليه قلتي لي امس (كلامك مصفصف نفس الشعراء)
نور(ضحكت): طيب؟
خلف: ترا ما اكتب لاحد معين، كذا بس كلام على ورق
نور(بجدية) تجاهلت كلامه: ترا كتابتك مو سيئه! بالعكس لما سمعت الابيات قلت حرام انك ما تنشرها
خلف(ابتسم على مديحها): شهادة اعتز فيها يالنور!
نور(ابتسمت)بغرور: تخصصي يحتوي على الشعر يعني اعرف وش جالسه اقول! كتابتك من جميع النواحي ممتازة
خلف(بنفي):ما افكر اني انشرهم صراحه بحتفظ بهالشي لنفسي
نور( ابتسمت):على راحتك بس إذا حبيت تاخذ رايي بكتاباتك أنا ماعندي مشكله اسمع
خلف(ضحك على اقتراحها) ناظرها بطرف عينه: بياكلك الفضول صح؟
نور(ابتسمت تتحمحم ): يعني شوي
خلف(بغرور): بفكر بموضوعك
نور(رفعت حاجبها)تخصرت: مدحناك مدحتين مو يعني ترفع خشمك!
خلف(يضحك عليها): عصبيتك حلوه
نور(ابتسمت): ادري الكل يقولي
خلف(بدون لايحس على نفسه): مابي احد يشوف هالجانب منك غيري!
نور(التفتت عليه بعد ماكانت مركزه بنظرها على ليل)بصدمه
خلف(استوعب اللي نطق فيه)بتوتر: شفيك؟
نور(استغربت منه) قررت تمشي:لا ولا شي أنا بمشي تأخرت
طلعت بسرعه وضرب خلف بيده على راسه بندم: شسويت يالغبي!
_________
بيت رماح

الجدة نورة وصل لها كلام عن شعر حفيدها وإشاعات عن حبه لوحدة، فوق كل هالكلام سألوها من حريم الديره عن سبب روحة نور للمزرعه كل يوم لانهم لاحظوها كل يوم رايحه وجايه تتردد للمزرعه
نورة(سمعت صوت رماح بالحوش)تناديه: رماح!
رماح جاها: وش بغيتي؟
نورة: اجلس ابيك بسالفه
رماح جلس: صاير شي؟
نورة(بشك): وصلني كلام عن نور انها تروح لمزرعتك كل يوم! انت تطلبها؟
رماح(عقد حاجبينه): البنت مستأذنه مني انها تتدرب على ركوب الخيل وعطيتها الاذن وش فيها؟
نورة(شهقت وحطت يدها على صدرها): ياويلي! بنت وتركب على الخيل ليه؟ ومين اللي يدربها؟
رماح: هي طلبتني واستحيت اني أردها صراحة، خليت خلف يدربها
نورة(ضربت على فخذها): إيه أنا أدري! عشان كذا الديره ما سكتوا بالكلام عن خلف
رماح(باستغراب): وش قايلين عنه!
نورة(شرحت له عن قصة الشعر): وفوق هذا كله الحين يدرب نور اكيد بيتكلمون فيهم الناس!
رماح(يصفق بيدينه بعجز): لاحول ولا قوة إلا بالله، وش السواة الحين ترا أنا ما اقدر ارجع بكلامي مع البنت عطيتها كلمه
نورة: لا تسوي شي أنا بتصرف وبكلم خلف
رماح: زين، اللي تشوفينه