لك من اسمك نصيب يانور عيوني وضوى قلبي🤍✨

17

يوم جديد فالديرة

بيت رماح

مثل كل يوم صحوا نايف وخلف مع صياح الديك صلوا صلاة الفجر بس بدال ما يروح كل واحد على شغله اتوجهوا لمزرعة العم عبدالمحسن، اتأكدوا انه الموظفين اللي يبغونهم موجودين ونادوهم
العامل(١):فيه ايه؟
خلف(يتلفت حولينه): نبيكم بموضوع صغير
نايف(باستعجال خايف لايشوفهم عبدالمحسن): كم راتبكم هنا؟
العامل(٢)بتوجس: ليه بتسأل؟ انتو مين؟
خلف(مسك كتفه): اسمعوني! بنعطيكم دبل هالراتب إذا اشتغلتوا بمزرعتنا
العامل(١)يناظر صاحبه: الدبل!
نايف(بتأكيد): ايه
العامل(٢): أنا تحت امركم!
العامل(١)بارتباك: بس حنقول ايه للعم عبدالمحسن؟
خلف(يبتسم): قولوا له انكم بترجعون مصر، ماراح يدري عن شي
العامل(١)يهز راسه بالموافقه: خلاص تمام
نايف:ايش اسمائكم؟
العامل(١): أنا عوض
العامل(٢): أنا حسن
خلف(باستغراب): انت مو مصري يا عوض؟ اسمك كأنه تبعنا
عوض(يبتسم): ايوه بس ماما سعودية وهيه اللي سَمِتني
خلف(باستيعاب): اهاااا، والله والنعم فيك انت والوالدة
عوض: ينعم عليك يا حبيبي
نايف: خلاص من بكره اسألوا عن مزرعة رماح وتعالوا
حسن: تمام

(بعد ما انتهوا من المهمة كل واحد اتجه لشغله مرتاح البال)
____________
عند البنات

صحوا بروقان فطروا وراحت ضوى لشغلها لكن نور ماعندها شي تسويه اليوم فجلست تقرا كتاب لين ماطرا على بالها تفتح جوالها القديم تشوف الرسايل اللي فيه، اول ما رجعت الشريحة للجوال بدت تجيها رسايل كثيرة ورا بعض من اكثر من شخص

نور(بخوف): يمه! كل هاذي رسايل واتصالات!
دخلت على الرسايل شافت اكثر الرسايل جايتها من ابوها ففتحت نص المحادثه عشان ما يطلع له انها فتحتها وبدت تقرأ
نور(تقرا اجدد رسالة): نور! لقينا لقطات شككتنا انه في شخص حاول يلبسكم تهمة قتل! اللقطة مو واضحه وما اقدر أسلمها للشرطه لاني تعاملت مع شخص مطلوب للعداله،
راح القى دليل لاتشيلين هم
كملت تقرا بصدمه بعد ما اعتدلت بجلستها: وقفلنا ملفكم عند الشرطة خايفين يلقونكم وبدال لا نكون ساعدناكم نورطكم!
أنا وعمك ناصر راح ندوركم إذا وصلتك رسالتي قوليلي انتو وين!
نور مسكت راسها من اللي قرته ووقفت(بصدمه): كيف يعني! أنا ماذبحته! واذا قلت لابوي مكاننا وش بيصير؟ اكيد بيرجعنا معاه بس الشرطه ماراح تصدقنا ماعندنا دليل.....بيسألونا ليه اختفيتوا! اي طريق سلكتوا!
(بعد تفكير راحت تلبس عباتها وتوجهت لمحل ضوى عشان تعلمها باللي صار)
____________
بالسوق

ضوى(بفضول): كلمتوا موظفين عبدالمحسن ؟
نايف(ابتسم): ايه حمدالله بيبدون شغل بكره عند رماح
ضوى(بتفاجؤ): حلو! بس وش بيقولون لعبدالمحسن؟
نايف: بيكذبون عليه انهم راجعين لمصر
ضوى(باستغراب): كيف؟ اكيد انه بيشوفهم عندكم!
نايف(ابتسم): ما ابيه يشوفهم، بخلي جدي هو اللي يبشره بالخبر
ضوى(ضحكت): خبيث!
نايف(ضحك ينحني لها): شكرا على المدح
ضوى(تناظر بالعلب): ترا ناقصتنا اغراض
نايف:اكتبيهم بورقه اروح أجيبهم وارجع
ضوى(عطته الورقه): من كل شي جيب اثنين
نايف (يهز راسه): تمام