لك من اسمك نصيب يانور عيوني وضوى قلبي🤍✨

83

(بعد مرور اسبوعين)
يوم جديد بالرياض

بيت ضوى

(جالسين ضوى وتهاني بالصالة وبطاقات العرس حوالينهم، ماسكين اقلام ويكتبون الاسماء عليهم، دخلت عليهم شادن)

شادن(بابتسامه): خلصتوا؟
ضوى(بتركيز): باقي بيت العمة ليلى وبناتها
تهاني(بتعب): ليه كل هالتعب؟ قلت لك نسويها إلكترونية اسهل واريح
ضوى(بنفي): لا ما ابغى، دايم احس الورق له روح ويبقى ذكرى حلوة تقدرين تلمسينها
شادن(هزت راسها بالموافقه): صح كلامك
ضوى(انتبهت لرنة جوالها) وقامت بسرعه: شوي وارجع
شادن(بتحذير): اذا نايف لا تردين مابقى شي على العرس خليه يشتاق لك!
تهاني(ضحكت بسخرية) تهمس لنفسها: عمك اصمخ ما تدرين انها كل يوم تشوفه
شادن (عقدت حاجبها): تكلميني؟
تهاني(بارتباك ترفع لها البطاقات): هاذي البطاقات لمين؟
شادن(باستغراب): حبيبتي مكتوبة الاسماء عليهم شفيك؟
تهاني(ابتسمت بغباء): اي صح ما انتبهت

(عند الباب)

(نايف واقف ينتظرها بشوق، طلعت ضوى وسحبها لعند سيارته عشان ما يشوفهم احد)

نايف(تأفف يضمها): وضع الحرامية هذا مو عاجبني
ضوى(تناظر حوالينهم): انت عارف العادات والتقاليد بالنسبه للأمهات، احمد ربك اني اشوفك كل يوم بالسر
نايف(تنهد): انتي زوجتي ترا محد يقدر يمنعني عنك
ضوى(ابتسمت) تمسك يده: وش سويت بالتجهيزات؟
نايف(بهدوء يتذكر): خلصت موضوع القاعة والخواتم وكل شي حطيناه باللسته لا تحاتين
ضوى(خذت نفس بتوتر): باقي اسبوع بس
نايف(ابتسم باتساع): باقي اسبوع
ضوى(تنهدت): متوترة شوي، نور ما راح ترجع من شهر العسل إلا قبل العرس بيومين تركتني لحالي بهالوضع
نايف(يراقب حوالينهم وسحبها معاه للسيارة): تعالي معاي
ضوى(شهقت): وين؟ ما اقدر امي اكيد بتسأل عني!
نايف (يركب السيارة جنبها): قولي لتهاني تغطي عليك ما راح نطول ابي اوريك شي

_________________________________

(الجامعة)

(كان اول محاضرة تحضرها رغد لراكان بعد الاجازة اللي أخذوها الطلاب هالاسبوع، ابتسمت لانه صار رسميا خطيبها، جالسة مكانها بأول صف تنتظر دخوله، قاطع تركيزها كلام البنات اللي وراها)

طالبة(١): شفتيها كيف جالسه بأول كرسي عشان يشوفها؟
طالبة(٢) ضحكت بسخرية: حرام، تقدر تسوي اي شي بس عشان يلاحظها

(دخل راكان وسمع الجملتين من الطالبات، التزم بهدوءه ووقف بمكانه المعتاد أمام الطلاب)

راكان(ابتسم): صباح الخير
الطلاب: صباح النور
راكان(يناظر رغد منزله راسها وسرحانه) تنهد: قبل لا أبدا محاضرة اليوم عندي شي مهم بقوله
(رغد رفعت راسها تسمع باهتمام)

راكان(توجه لها ومد يده) بصوت منخفض: تعالي
رغد(اتسعت أنظارها) تهمس: دكتور راكان!
راكان(ما انتظرها وسحبها من يدها) بابتسامه رفع يده ويدها بحيث الخواتم واضحه: انا و رغد مخطوبين