لك من اسمك نصيب يانور عيوني وضوى قلبي🤍✨

75

يوم جديد بالرياض (يوم الاحد)

(الجامعة)

(قمر ورغد كانوا يتمشون بأنحاء الكليّة، قمر كانت تعرفها بالأماكن والقاعات الموجودة)

قمر(بهدوء): انتي كلاساتك راح تكون بهالمبنى واذا ضيعتي او عندك سؤال على طول اتصلي علي
رغد(بتفكير): انتي وين كلاساتك؟
قمر(تأشر على المبنى الاخير): هناك كلاسات طلاب السنه الاخيرة
رغد(هزت راسها بعبوس): بعيد عني
قمر(ابتسمت): تبين تقنعيني انك ما راح تلقين صديقات من اول يوم!
رغد(ابتسمت بغرور): حمدالله اني اجتماعيه وفيني قبول
فارس(اقترب منهم بابتسامة): كيفك قمر؟
قمر(لفت عليه): الحمدالله
فارس (بارتباك يحاول إخفاءه): إذا ودك بمساعده بالبحث ترا أنا بالخدمة ماعندي شي
قمر(هزت راسها): شكرا ماتقصر بس أنا خلصته
فارس(رفع حاجبه باندهاش): خلصتيه!
قمر(ضحكت بخفه): اي، أنا ما احب أسلّم الشغل على آخر الوقت عشان يكون عندي مجال اراجع وأعدل عليه
فارس(ابتسم بإعجاب): ما شاء الله عليك

(حل الصمت لثواني لكن فارس لاحظ نظرات رغد لهم فكسر الصمت)

فارس(بارتباك): يلا مع السلامة، أشوفك بالكلاس
قمر(بخجل): مع السلامة
رغد(اتسعت أنظارها على المشهد اللي صار): وش هالمسلسل التركي؟
قمر(عقدت حاجبها): أي مسلسل؟
رغد(بسخرية): اللي صار قبل شوي
قمر(تمشي باستعجال): ما صار شي لا تكبرين الموضوع زميل لا اكثر
رغد(ضحكت بخفه): اخاف يطلع زميل واكثر

__________________________________

(بيت عبدالعزيز)

(ما كان فيه احد بالبيت غير عبدالعزيز اللي دخل المسبح يسترخي فيه بعد ما راحت رغد للجامعه والعنود طلعت تشتري كم شي للبيت)

عبدالعزيز(سمع صوت العنود تنادي عليه): أنا بالمسبح!
العنود(توجهت له وجلست على الكرسي): ما طلعت؟
عبدالعزيز(تنهد): لا والله حسيت انه مالي خلق وقلت اسبح شوي بما انه الجو حلو
العنود(هزت راسها): طيب متى تحس اسجل بالجامعة؟
عبدالعزيز(بتفكير): ايش التخصص اللي تبينه؟
العنود(بعبوس ترفع كتفها): ما ادري
عبدالعزيز(بهدوء): وش رايك تسبحين معي ما دام انك ما تدرين
العنود(تتأفف): ما ابغى، بس منجد اتكلم ما اعرف ايش
التخصص اللي يناسبني
عبدالعزيز(يسبح باتجاهها بهدوء): قربي بقول لك
العنود(عقدت حاجبها تقترب منه): وشو؟

(سحبها عبدالعزيز بغفله منها للمسبح، تبللت بين يدينه بكل ملابسها، ضلت متمسكة فيه بأقوى ما عندها)

عبدالعزيز(يضحك وماسكها من خصرها): ماسكك ماسكك
العنود(تركت رقبته وصارت تضربه وتدفعه): ليه كذا!؟ قلت ما ابغى وكنت اتكلم بموضوع مهم
عبدالعزيز(يبتسم ويقرب منها): إذا فيه تخصص يناسبك فما راح يكون غير شي له علاقه بالجمال
العنود(بلعت ريقها من كلامه وقربه): لازم اجهز الاكل، رغد شوي وتوصل
عبدالعزيز(مسك يدها قبل لا تطلع من المسبح): لحظة