لك من اسمك نصيب يانور عيوني وضوى قلبي🤍✨

23

قدام بيت صقر(ابو فهد)

طلع من البيت فهد وشاف سارة واقفه بهدوء عند البيت اتجَه لها

فهد(باستغراب): تنتظرين احد؟
سارة (رفعت راسها له)بارتباك: جيت عشان ارجع لك الكتاب
فهد(بتفاجؤ): من متى وانتي تنتظرين؟
ساره(ابتسمت)مدت له الكتاب: من شوي يعني، استحيت اطق الباب صراحه
فهد(اخذ الكتاب)ابتسم: انتظري دقيقه واجيك
(دخل فهد البيت وترك سارة واقفه باستغراب تنتظره)
فهد طلع لها(ياخذ نفس): تأخرت عليك؟
ساره(بهدوء): لا عادي
فهد(مد لها كتاب)يبتسم: هذا كتاب ثاني ابيك تقرينه وتعطيني رايك فيه دام (هجر المحبه) عجبك اكيد هذا راح تحبينه
سارة (خذت الكتاب)ابتسمت: شكرا، أوعدك اني بهتم فيه
فهد:متأكد من هالشي
سارة(تذكرت قبل لا تمشي)بتوتر:فهد ممكن اسألك شي قبل لا امشي؟
فهد: امريني؟
سارة (بتوتر)تلعب بأصابعها بطرف الكتاب: آخر رسالة حطيتها لي مافهمت سبب وعدك
فهد(توسعت ابتسامته): بعترف لك باعتراف
سارة(باستغراب): وشو؟
فهد(حك راسه): سمعت كلامك عن فارس أحلامك ببيتنا
سارة(بلعت ريقها وتوترت): سمعت!
فهد(هز راسه بالإيجاب): وقطعت وعد مع نفسي اني أحقق لك رغبتك واخليك تكملين جامعه، هذا لو قبلتي فيني كزوج

سارة(وجهها قلب الوان وقلبها رعد فيه برق ورعود) ما تحملت كمية المشاعر اللي جاتها بهاللحظه وقررت انها ماترد عليه وترجع بسرعه للبيت، تاركته مبتسم على حياءها اللي يحبه

__________
بالطريق

يسوق خلف بهدوء بعد عاصفة النقاش اللي مروا فيها قبل ساعه ونص إلى ان نطق يذوب الثلج بينهم
خلف(ناظرها): جبتي معاك شي ينأكل؟
نور(بهدوء طلعت من الشنطة مطارّة شاي صبت له ولها بأكواب بعدها طلعت علبه فتحتها كان فيها معجنات ومدت له اياها)
خلف(ناظر العلبه وناظرها)مسك الدركسون بيدينه الثنتين: ما اقدر اكل وانا اسوق
نور(تأففت): تقولي ابي اكل والحين ماتعرف تاكل!
خلف(يكتم ضحكته): أكليني
نور(عقدت حاجبينها): ماشالله! على فكره تقدر تسوق بيد وحده و تاكل بالثانيه
خلف(رفع حاجبه)يدور له عذر: ذا الطريق كله كاميرات مخفيّة وش تسوى علي لو صورتني وحده فيهم ودفعت لي خمس الاف!
نور(تأففت)بعصبيه: تجيب لي اسباب من تحت الارض
خلف(ابتسم) فتح فمه: عطيني وحده
نور(مسكت وحده ولقمته اياها): ابتلشت بهالبزر
خلف(يمضغ اللقمه): شاي
نور(تنهدت) نفخت على الشاي شوي وبعدها رفعته لشفايفه:اشرب
خلف(كان سرحان بأفعالها اللي تسرق عقله وشرب بدون مايلاحظ حرارة الشاي وحرق لسانه) بعد راسه بألم: اححح
نور(بتوتر وخوف): احترقت! غبي اكيد حار ليه ما نفخت
خلف (يسكر عيونه عاقد حاجبينه من الالم): وش دراني
نور ( فتحت علبة مويه ورفعتها لشفايفه): اشرب بسرعه
خلف(شرب من يدها) وعينه عليها
نور( لاحظت نظراته وبعدت العلبه عنه سكرتها)بلعت ريقها بتوتر: ركز بالطريق!
خلف(تعب قلبه اللي ما ارتاح من قوة الضرب من اول ما دخلت السيارة) تنهد: تعبتيني
نور(لاحظت الطريق): خلف! هنا هنا
خلف(يتلفت حولينه): اكيد؟!
نور(بتأكيد): ايه اتذكر انه كان فيه شجرة السدر الكبيرة هاذي
خلف(وقف السيارة على جنب): شوفي في سيارة هناك واقفه مالها صاحب تتذكرين لو كانت موجوده بيوم الحادث ؟
نور(عقدت حاجبينها): ما اتذكر، كان ظلام
(خلف ونور قربوا من السياره اللي هناك ولاحظ خلف وجود كاميرا صغيره مثبته على مرايه السياره الداخليه)
خلف(ابتسم): فيه كاميرا!
نور(بصدمه)قربت منه تشوف داخل السياره: احلف!
خلف:والله! بس كيف نلقى صاحبها عشان ناخذ ذاكرة الكاميرا
نور(بتفكير): ابوي قال لي انه تعامل مع واحد شاطر بس مطلوب للعداله ومايصرح بهويته، نقدر نطلب منه مساعده؟
خلف: عطيني رقم ابوك عشان اطلب منه رقم هالمجهول
نور( كتبت رقم ابوها بجوال خلف): وش بتقول له؟
خلف(مارد عليها واتصل على طول)
خلف: السلام عليكم
رد عليه محمد: وعليكم السلام، مين معاي؟
خلف: أنا شخص جالس يساعد بنتك نور
محمد(بصدمه): بنتي معاك!؟
خلف(بهدوء يناظر نور): معاي، وبخير تطمّن
محمد(بتسرع): ممكن اكلمها؟
خلف: ماودها تكلمك الحين، أنا اتصلت لاننا نحتاج مساعده من الشخص المجهول اللي تعاملت معاه ممكن ترسل لي رقمه؟
محمد(باستغراب): ليه؟ لقيتوا دليل؟
خلف(تنهد): يمكن اي ويمكن لا
محمد(بنبرة يتملكها الحزن): برسل لك رقمه، سلم لي على نور وقول لها اني مشتاق لها
خلف(بلع ريقه وعينه على نور): يوصل، مع السلامه
(قفل من الاتصال وطلع الرقم اللي رسله محمد، ماكان وده يخلي نور تبكي فما قال لها كلام ابوها له ،اتصل على المجهول)
نور(خذت الجوال منه): السلام عليكم
المجهول: وعليكم السلام، نور؟
نور(باستغراب): كيف عرفتني؟
المجهول: ابوك ارسل لي انك راح تتواصلين معاي، تحتاجين مساعده؟
نور(تحك جبهتها)بتوتر: لقينا سياره واقفه بمكان الحادث وفيها كاميرا، تقدر تلقى صاحب السياره؟
المجهول: عطيني رقم اللوحة
نور(بعدت عن السياره تناظر اللوحة):7653
المجهول(يبحث عن الرقم باجهزته)بعد مده قصيرة نطق: لقيت مكان صاحب السيارة، برسل لك الموقع
نور(تنهدت براحه)قبل لا تسكر الخط نطقت: تمام!
خلف(توسعت عيونه لما شافها توجهت لسيارته): لقاه؟!
نور(باستعجال): ايه! بيرسل لنا موقع صاحب السياره
خلف(بذهول): ماشالله وش هالسرعه!
نور: اسكت لا تحسدنا!
____________
بيت رشيدة(زوجة اب نايف)