لك من اسمك نصيب يانور عيوني وضوى قلبي🤍✨

47

يوم جديد بالديرة
بيت رماح

(فتحت العنود عيونها وهي حاسه بشي رطب على راسها، مدت يدها باستغراب تلمس القماش المبلل فوق جبينها وحاولت تعتدل بجسمها لكن لاحظت انه عبدالعزيز كان جالس على كرسي ومنحني بظهره على سريرها، كان نايم بعمق)

العنود(ماسكة راسها بتعب): عبدالعزيز... عبدالعزيز قوم
عبدالعزيز(فز من سمعها): هلا، شفيك تبين شي!؟
العنود(تنهدت): ابي بندول راسي بينفجر
عبدالعزيز( قام من الكرسي وحس بألم بظهره): انشاءالله بس لا تقومين اخاف تدوخين

(غاب عبدالعزيز لثواني ودخلت رغد الغرفه)

رغد(ابتسمت): كيفك اليوم؟
العنود(خذت نفس)مسكت القماش: راسي يعورني، مين اللي حط القماش على راسي؟
رغد(تحمحمت): عبدالعزيز ما فارقك امس حتى اني نمت بالصالة من كثر ما يصحى ويشيك على حرارتك ويغير موية القماش
العنود(توسعت أنظارها من اللي سمعته): كان طول الليل هنا!
عبدالعزيز(دخل ومد كاس المويا والحبوب لها): خذي حبتين وبعدها لازم تاكلين
رغد(قامت تتوجه للمطبخ): بسوي لك قرص بيض
العنود(بلعت الحبوب بهدوء)بلعت ريقها بخجل: شكرا عبدالعزيز
عبدالعزيز(باستغراب يبتسم): على وشو؟
العنود(تحمحمت)ترجع خصلة شعرها لورا أذنها: سمعت انك سهرت معي امس، تعبتك
عبدالعزيز(يبتسم):تعبك راحه

___________________
بالرياض
الشركة

(خلف كان يحاول ما يحتك بجوري اللي كل شوي تطلع بوجهه وتطلب منه خدمات بدلع وقرب مبالغ فيه، دخل مكتبه فتح اول ازرار الثوب وجلس على كرسيه)

نايف(يناظر خلف)عقد حاجبينه: وشفيك؟
خلف(بضيق)يتأفف: هاذي مو راضيه تتركني بحالي وما اقدر اشكيها لانها كل ما تقرب مني تاخذ الشغل والأوراق اللي معاها كحجة
نايف(تنهد): استغفرالله وبعدين معها ذي؟
خلف(بعصبيه): ما ادري بس أنا بديت أضيق منها خلاص يا أنا ياهي بهالشركة

(ضوى كانت بنكتبها تشتغل بهدوء إلى ان قاطعها اتصال نور عليها)
ضوى(باستغراب): هلا، خلصت محاضراتك؟
نور(ابتسمت):اي، انتي وين مكتبك؟
ضوى(عقدت حاجبينها):مكتبي!
نور(بهدوء):أنا بشركتكم
ضوى(توسعت أنظارها): لحظة انتي تحت؟
نور(تنهدت):اي
ضوى(قامت باستعجال): خليك أنا بجيك

(ضوى وصلت للطابق الاول واول ما فتح باب المصعد طاحت عينها على نور اللي كانت واقفه بكامل أناقتها، لابسه عبايه بيضاء ومتزينه بشكل ناعم وحلو)

ضوى(توجهت لها باستغراب): وش اللي جايبك!؟ وليه كاشخه؟
نور(ابتسمت): وينها؟
ضوى(اتوسعت أنظارها لما فهمت سبب جيّت نور)بخوف: نور وش ناوية عليه!
نور(تنهدت): ماراح اسوي شي بس ابغى أشوفها
ضوى(مسكت يدها تاخذها معاها):الله يستر منك

(وصلوا عند الكافيتيريا وشافوا جوري والموظفة الثانيه واقفين يتكلمون ويشربون قهوتهم، ابتسمت نور وكانت رايحه لهم لكن مسكتها ضوى)