لك من اسمك نصيب يانور عيوني وضوى قلبي🤍✨

9

بيت رماح

بعد ما رجعوا خلف ونايف من المزرعه جلسوا بالحوش يتقهوون
ونايف كان ملاحظ من يوم كانوا بالمزرعه انه خلف ساهي وعقله مو معاه
نايف(وهو عينه على خلف): وش فيك انت اليوم؟
خلف(بعدم استيعاب): وشفيني؟
نايف(يشرب من فنجاله): عقلك مب معك من اليوم وانت
سرحان وتتبوسم
خلف(تذكرها وابتسم): شفتها وخذت عقلي معاها وراحت
نايف:منهي؟
خلف:نفسها اللي قلت لك عنها ذاك اليوم نسيت؟
نايف (باستغراب): متى امداك تشوفها واهي من الصبح للعصر بالعطّار؟
خلف(التفت عليه): راحت تشوف صديقتها بعد الظهر! هي من الصبح كانت عند اختي وبنت عمتنا تدرسهم
نايف(استوعب كل شي):اهاااا وانا من اليوم احسب اللي بالمحل هي اللي عاجبتك وصاد عنها خايف لا اخونك بعيوني لا طالعت فيها
خلف(ضحك)وضربه على ظهره: والله انك ذيب بس فاهي!
نايف(بألم): تقول عني كذا وانا احاول اصون حلالك؟
خلف(ابتسم يتذكر زولها) وتكى بيده ورا راسه:اخخخ ليت صدق الاحلام تتحقق وتصير حلالي
__________
بيت العمة ليلى

ليلى جالسه بالصاله مع بناتها وكانت تسمع سوالف سارة اللي ما وقفت عن مدح نور! والعنود جالسه تسمع ومقهورة لانه امها ما خلتها تجلس معاهم وقت الدرس
ليلى:لهالدرجة جازت لك البنت!؟
سارة(بحماس): واكثر والله يا يمه لو تشوفينها بتحبينها على طول!
العنود(بقهر): شفتي كيف مبسوطين عليها؟ ليه ما خليتيني اجلس معاهم!
ليلى(بعدم اهتمام وهي تاكل فصفص): لانك قليلة ادب، وعادي انك تطولين لسانك على الضيوف! متى ما تأدبتي خليتك
العنود(جلست جنب امها تترجاها): والله يمه والله ماراح اقول شي بس ابي اشوفها، ساره على كلامها حمستني اتعرف عليها
ليلى(تشرب شاي): بفكر بعد ما أشوف تصرفاتك من اليوم ورايح
ساره(تضحك لانه اخيرا امها قدرت تتحكم بالعنود)
_________
عند البنات
ضوى جالسه تكتب بورقة الأشياء اللي كانت ناقصه بالمحل عشان تعطيها رماح، نور كانت بالحمام تتروش وتغني ومسترخية لين ما اختربت اجوائها لما انقطعت المويا عليها!
نور(تصارخ من الحمام وشعرها مليان شامبو): ضوى !
ضوى(سمعتها): نعم!؟
نور:انقطعت المويا، جيبي لي اي شي شعري كله شامبو!
ضوى(تأففت):ياليل، الحين وش يعرفني شلون ادفع فاتورة المويا
راحت وعبت سطل كبير بمويا وعطتها نور عشان تغسل شعرها وطلعت نور من الحمام متنرفزه وشعرها كله مويا
ضوى: شفيك انتي الحين؟
نور(بعصبيه تتصنع الابتسامه): لا ولا شي بس ريحتي ريحة حصان وما تروشت زين! بس هذا اللي فيني تخيلي!
ضوى(ضحكت على شكلها وهي معصبه): تدرين انه شكلك حلو وانتي معصبه؟
نور(ناظرت فيها بحده): مو من صالحك تستفزيني حاليا! روحي شوفي لنا حل
ضوى(وهي تضحك قامت تلبس عباتها): بروح لرماح اسأله عن طريقة دفع الفواتير، لاتعصب يا حلو!
نور(تنشف شعرها وتتأفف): طيب بس لاتطولين بموت جوع!
ضوى(وهي طالعه):زين
_________
بيت رماح

بعد ما راح خلف بيته ضل نايف بالحوش لحاله يلعب بالكرة الصغيره بين يدينه ويفكر بمستقبله المجهول هو وخلف، هل راح يضلون اربع سنين هنا يشتغلون بالمزرعه وله راح يلقون حل يخليهم يشتغلون شغله محترمه بشهادتهم! قاطع حبل أفكاره لما سمع صوت دقة الباب وقام يشوف مين اللي جاي
نايف(شاف انها بنت وصد عنها): وش بغيتي؟
ضوى(عرفته وابتسمت): انت اللي كنت عندي بالمحل الصبح صح؟
نايف( استوعب مين تكون وناظرها) همس بنفسه:ما من خلاف من النظر دامها مو حبيبة الرفيق
نايف: ايه
ضوى: جدك رماح موجود؟
نايف: نايم، وش بغيتي منه؟
ضوى(بعد تفكير نطقت): تعرف كيف تدفع فواتير المويا والكهرباء؟ لانه انقطعت المويا عننا وتوهقنا
نايف(طق على صدره): ولا يهمك بحل الموضوع أنا
ضوى: ماله داعي بس علمني كيف وبتصرف
نايف( رفع حاجبه): الحين اقولك بحلها أنا وش بلاك؟
ضوى (استغربت منه): طيب بس ما ابيك تتصرف!
نايف(مسح على وجهه): لاحول ولا قوة إلا بالله، ترا أغث طبع عندي العناد! الرجال إذا قال شي يعني خلاص
ضوى( عصبت لانها تذكرت بتصرفه ذا ابوها): لا مو كل شي على كيفكم! وش نلبس على كيفكم و متى ننزل على كيفكم ووش نتخصص على كيفكم!